0506 BLOG 革命開始寫左第一篇好似回顧，第一次去左當時Yahoo! 個office，今日去到1718年，已十年有幾了。
過去係點，將來係點，根據阿特勒講最重要係現在，過去改變不了，將來未發生，現在要做就做吧。
(講得多就係懶了，唔想向後望，但好似agile inspection同adaption有相反，不過在人生這個計劃適用嗎 ? )
今日最主要係想睇大家點睇依個blog，有咩原因入左黎，大路的就唔講了，分享一些來自google有趣的關鍵字。
- 尋找自我
我經常迷失自我，而自我係咩呢？而點樣去尋找自我呢？
我唔係一個心理學家，亦唔係人生策劃師，沒有什麼能夠指導，也不會像其他人虛無飄渺說一大段假道理。
只能分享個人睇法，喜歡什麼就做，不要怕，忠於自己，自我不在別人的定義中，相信自己。 - 福岡一人自由行 / 一個人去福岡
我想大家可能會害怕一個人去旅行，回望這第一次一個人去旅行，已經3年多了。的確第一次是有點害怕，但諗返起總好過同屋企人，有一種難以形容的自由，或者對於自小沒獨立能力的自己是一種衝破。
如果你正計劃去一趟旅行，一個人怕出問題，我會建議去試下吧，如果沒嘗試就放棄是多麼的可惜。
(當然在人生安全情況下，而個人遊歷過東京大阪名古屋後，還是喜歡好似九州那種休閒的地方。) - 活在自己世界的人/ 自己世界
有時候會發覺自己好似跟世界disconnected，不太想跟任何人溝通，以自己的方式生活下去。
這正是我，有時太在意其他人反而覺得更辛苦，活在自己的世界沒有不可，只要自己喜歡就好了，反正人生是為自己而活，不過我不是提倡反社會和忠於自己的想法。
有點像這套電影 高台家的成員 https://movie.douban.com/subject/26609126/
不要因為迎合其他人而勉強改變自己的想法 - subcom 大學 / subcom意思
唔知道大家是不清楚什麼是subcom還是猶疑參唔參加大學subcom。
大學subcom其實是學會的subcommittee ，在上莊之前給大家機會去體驗做committee，而再讓大家決定上唔上莊。個人覺得subcom是一個機會，就好似當年的我一條友去做subcom，雖然發覺同其他人唔太夾而放棄，但我覺得試下無妨，生命就係不停地嘗試。如果大家猶疑的話，我想最好的方法就係從參與中去了解，可能最後唔上莊好似我，但起碼我試過。 - 討厭自己
人係犯殘，好多時討厭自己，不過第一步係要接受不完美的自己，接受討人厭的自己。哈哈。 - 欺騙自己
- 德萃小學好唔好 / 康樂園國際學校好唔好 / 澳洲國際學校好唔好 / 耀中社區書院好唔好
哈哈，小學離我好遠，好唔好只在乎你追求什麼，學業？環境？前途？教學形式？ - hktvmall投訴電話 / hktv mall投訴 / hktv送貨遲
好似好多人不太滿意HKTV，自從當年免費credit後，已經再無用HKTV，究竟依家係成功定失敗? - 天使得得b 太陽
哈哈，幾得意的關鍵字，可能出自於唔知邊篇blog講過。 - ive領取畢業證書 / polyu領取畢業證書
好似無講過畢業證書，完全聯想唔到有咩關係
哈哈，列出左部分係google顯示的keywords，無諗過會有人search依d字黎個blog…
最後要努力呀! 預祝新年快樂!
新年快樂! 🙂
黎到2020 Google Search，大家會點解入左黎
依一年，發生左好多事，始我好多好多唔開心不如意，可以話係三十多年的人生谷底
或者谷底是成長的機會吧？或者學會改變，唔好咁易相信一個人，唔好咁易投放自身的感情吧
回歸正題，這年去除了基本大路的關鍵字後，有以下特別的字
1. subcom 大學
當年入大學已經十幾年前，現在記不起不太多大學的生活，後悔當年沒有好好積整享受大學生活。雖然唔係話regret上莊，但當時有太多野唔敢去試，亦改變唔到我的性格。
作為過來人，如果有機會就去試，唔好好似我依家後悔。當然果時其他人都係咁講同落手去做係好難，但我希望當初的我更加積極去做好。
2. 人生是一場尋找 / 活在自己世界
無論過左幾多年，我依然好迷失，特別係今年，發生左太多太多的事，好多野令我卻步。
去到依個moment，我係搵唔到答案，但人生係尋找定係自我發掘。
我都唔想諗咁多，好好享受這一分這一秒，不在意目的和自我世界和強求的話，令到自己更痛落。
最後人生不是一場尋找，搵意義或目的，最重要是活在當下和其過程。
雖然好老套和難去做，但這樣可能活得輕鬆一點。
3. 30歲前的目標 / 30歲目標
已經過左30歲了，當年訂下的好多都做唔到，but life goes on。
有時候，我想訂下目標是好定壞？有計劃定簡簡單單活過每一天才是最好呢？
同樣，這只是對自己一些要求，或者希望改變，但會否過高？
我唔知道，人生係咪一定要有目標同意義？
成功同失敗係用同一把尺去量度？
假苦你因為咁而入黎，目標好壞，怎取得平衡？
作為過來人，想做就去做，別想太長遠，別迫自己太緊，從沒有對錯，好好活下去。
4. 唔知自己想要咩
我都唔知想要咩，成日講一套做一套
今年依種感覺更加強烈，無論工作，人生，感情，一個又一個的問題，我答不出。
有時候，係咪要迎合大眾而去做正確的事？每日過一樣的生活，好似行屍走肉般失去存在的價值？
我講唔到點解決，只可以唔好諗咁多吧，活在當下。
5. 你睇我好 我睇你好
每個人都有各自背負的東西，我成日收收埋埋，依家唔再係依度講咩感情
真真假假 假假真真，別想太多吧！
6. 工作唔開心
事實，好多好多不如意，無人明白
雖然好老套，但船到橋頭自然直，只好見步行步，靠自己吧！
最後，我在想這個blog的定位，以後仲會打咩野呢？
不過無論點，加油努力！