Tag: 澳洲

個人感情, 旅遊記錄

澳洲日本二十日旅程(後記)

關西中部九天 (11/3 – 20/3) 關西中部旅遊 (前篇) 關西中部旅遊(一) 大阪 > 新世界@通天閣@天王寺動物園@四天王寺@大阪城@HEP FIVE摩天輪@梅田空中庭園 關西中部旅遊(二) 神戶 > 生田神社@北野異人館@中華街@神戶港@ 大阪 > 道頓堀 關西中部旅遊(三) 京都 > 伏見稻荷@清水寺@衹園 關西中部旅遊(四) 京都 > 嵐山@小火車@北野天滿宮@金閣寺 關西中部旅遊(五) 金澤 > 近江町市場@兼六園@東茶屋街@21世紀美術館 關西中部旅遊(六) 白川鄉@高山 關西中部旅遊(七) 高山@高山三町@宮川朝市 > 名古屋 關西中部旅遊(八) 名古屋 > 高岳賞櫻@榮@蓬萊軒@爵士之夢長島Outlet 關西中部旅遊(九) 名古屋 > 大須@名古屋中部機場 澳州新加坡十天 (25/3 – 4/4) 澳洲探索之旅(零) 新加坡轉機@牛車水@天天海南雞@魚尾獅公園@濱海灣花園 澳洲探索之旅(一) 悉尼 Sydney篇 > Blue mountain @ The Rocks (Opera House / Harbour Bridge)@ Bondi Beach @ National Park) 澳洲探索之旅(二) 墨爾本 Melbourne篇 > Queen Victoria Market @ Philips Island @ Great Ocean Road @ Puffing Billy @ Crown Casino 澳洲探索之旅(三) 新加坡再轉機 @松發肉骨茶@ Clarke Quay 雖然兩個旅程中間隔左5日,但夾夾埋埋去左成20日,其實真係有d辛苦,不過這樣才是人生?才是年青時候才會做的事? 再次有好多人問同樣的問題,你一個人旅行孤獨嗎?   一切皆由於機遇,當初只是訂立去日本,簡簡單單一年一次去旅行,調整一下個人的心情,散下心而已。 而且已經不是第一次去日本,一個人也不會太困難。 但澳洲是突如其來的旅行,當初見到網上有張Scoot error fare飛,原本打算問朋友,可是期不夾,只好一個人買機票。 雖然買果張機票發生好多事,但張機票只係要HKD$500飛澳洲,所以買左先,到時再算。 最後又唔捨得浪費而迫著上路,所以一切都係機遇。 與其說因為孤獨而不去旅行,倒不如說因為不旅行而孤獨。   最後兩個trip都花左幾多錢,不過值得吧!咁大個仔仲未衝出亞洲! 日本機票連回程行李($1000)+酒店$2000+JR Pass$830+Cash($6500),花左一萬多去了9日。 澳洲機票($500+$300內陸機)+Hostel$1500+2 Local Tours($1000)+Cash($7000),花左一萬多去了10日。   不過最重要的唔係錢,而係經歷過什麼,其實有好多野都沒有紀錄下來,旅途中發生了許多事,遇到很多人。 我很感謝在旅途中出現的人和事,也許我是傻傻的,但你們依然跟我玩,也肯花時間載我去玩,去跟我說話,萬千感激。 有些人只是認識了幾天,或許一輩子也沒有機會再遇,但很多謝,願大家安康快樂!   日本 希冀找回那次九州之旅的感覺,可是大阪和中部卻給我另一種感覺,讓我認識另一面的日本,是繁榮嗎? 還是自己成長了,已經從不一樣的角度看這個世界,不過吃喝玩樂倒是挺不錯,只能說時間太短了,有機會要再去,但個人還是喜歡那藍天和大自然,下次要上高地,還有那些偏遠的地方。   澳洲 跟我想像中不太一樣,但大自然真的很靚。文化跟我們真的不太一樣,吃的東西都很簡單,而地方也大很多,沒有車真的許多地方也去不了(要去學車嗎?)。 不過第一次真真正正的backpacker,背著一個背包真的很辛苦,個袋很重,想買東西又害怕裝不下。每天又行好多路,已經行到生左水泡中仲有水泡,已經不再是享受,是一種磨練。 不過今次主要去城市,還有很多東西未試,很想去試skydiving。還有自己的英文真的很差,要好好努力。   兩個旅程,訓機場,斷左個眼鏡個柄,迷路了,吃到就快嘔,搭車/飛機就快暈到(其實我係廣州飛,所以由香港>廣州>新加坡>墨爾本>悉尼 = =) ,累到唔想再行,荒山野嶺驚返唔到市區,好多好多好事情。 仲有影d相好多塵= =,結果部分相有一粒粒野,同埋影相技術有待改善。 不過這次在旅程一個人過生日,是概嘆時間太快多於寂寞。 還是不想長大,不想面對各種事情。   返左黎,終於預約到被討厭的勇氣,書中的年青人跟我有點似,正正是我經常問的問題,人生意義和目的。 雖然並非所有野都完全認同,但我們是活在當下,過去已經改變不了,採用決定論已經無補於是,要靠目的論向前行。 最重要是自己怎看這個世界,接受自己,最後尋找自己的價值。   不知不覺,工作差不多5年了,是時候向前行,多謝身邊出現過人和事。萬千分感謝,也許是殘酷,但我不能以害怕作藉口而停止長大,期待下次能去歐洲或更遠的地方。   雖然好白痴咁打晒個遊記出黎,但終於完成了,希望將來有腦退化也能記得起。    
旅遊記錄

澳洲探索之旅(三) 新加坡再轉機 @松發肉骨茶@ Clarke Quay

最後一日,由中午搭飛機返新加坡,七個小時真的好辛苦,又訓唔著,又無野做。 = = 下次長途機都係要選返夜晚飛的,起碼眼訓d。 晚下差唔多七點返到新加坡,雖然個人仲係好辛苦好累,但阻止唔到我一個人繼續上路。 1. 松發肉骨茶(Song fa bak kut teh) 返到黎,見到好多漢字,感覺很親切。 由機場去Clarke Quay大約一個鐘,搵左一陣先見到松發肉骨茶,果度有兩間店,都有大約十個人排隊。 不過好快,佢就安排張四人枱被我一個人坐,哈哈。 因為唔係咁舒服,再加上一個人,唔係叫到好多野黎試,有d可惜。 味道同我想像中唔同,我以為會好重藥材味,但同香港食的不太一樣,它們比較重胡椒味,無咩藥材味。 2. Clarke Quay (克拉碼頭) 吃完之後,行左去Clarke Quay,一條河仔,兩邊好多酒吧。 一個人靜靜地坐係河邊,休養一下,果程機實在太惡頂,個人暈暈地,係度吹吹風,讓人清醒一下,要撐到返香港。 望著遊人坐遊河船,外國人一般都坐戶外,但中國人一般坐室內,文化差異? 右邊會有個G-Max綁緊跳(G-MAX Reverse Bungy),有幾條繩彈成個位坐位上下跳,有時會有人尖叫。 我這面是個商場,沒心情入內看,對面就是酒吧區,有人係度唱歌。 坐左差不多成個鐘,就起程返機場,準備搭凌晨1點機。(PS,臨飛前再次去左Plaza premium lounge沖涼同食野) 這樣就真真正正結束了澳洲之旅了。  
旅遊記錄

澳洲探索之旅(二) 墨爾本 Melbourne篇 > Queen Victoria Market @ Philips Island @ Great Ocean Road @ Puffing Billy @ Crown Casino

繼上一篇由悉尼坐Train Link回到墨爾本 Melbourne,經歷了十多小時終於清晨,捱過了漫長的一夜。 但下車的時候真的很冷,由二十幾度變到得返十幾度,墨爾本的清晨超凍,但這一個冷冷的早上開始新一段的旅程。 行程簡介(墨爾本 Melbourne) 30/3 [Melbourne city]  St Paul’s Cathedral > Hosier Lane > Flinder Street Railway Station > ACMI > National Gallery of Victoria > State Library Victoria > Carlton Garden > Museum Victoria > Queen Victoria Market 31/3 City Walk + [Half day tour] Maru Koala and Animal Park + Philip Island 1/4 [1 day tour] Great Ocean Road 2/4 Puffing Billy + olinda + Sofia pizza + Crown casino 3/4 Melbourne Airport 12:40中午機+ back to Singapore transfer   Melbourne 同樣選了YHA,Melbourne Central YHA,原因係較近southern cross station同埋評分都幾好,不過我還是喜歡Sydney Railway YHA。雖然Melbourne Central YHA較新,但張房卡超有問題,成日失效,要重新落reception,而佢地話唔可以同電話/信用卡/Myki卡放一起。而且每層只得一格廁所(另一格壞左),兩格沖涼+一個廁連沖涼的獨立房(男女共用),所以唔係好夠。另外無一個比較好的common area同埋房的分配超有問題,已經三次執錯位,根本分唔到邊張床有人,不過都算乾淨ge。 1. Melbourne City 第一個清晨放底著行李,開展了首日的城市探索。墨爾本好的地方係有免費的Tram,只要係市區的Free Tram Zone內就可以免費搭Tram,超方便。 旅程回覆得返一個人,有一種孤獨,但我要學會自娛,感受生命。(一個人的咖啡) Flinder Street Station 附近有馬車坐,可以用高人一等遊覽這個城市。 Flinder Street Station係一個好古舊的火車站,有過百年的歷史,之後搭火車都係以依個作為終點站。 斜對面就係St Paul’s Cathedral(聖保羅座堂) 內裡都幾高貴,亦很莊嚴。 再過少少就係Hosier Lane,一條graffiti的巷子,牆上有好多塗鴉,而唔單純文字,有好多得意的畫。 而對面有Australian Visitor Center,有好多旅遊資料,另一面就係ACMI (Art, Film & Digital Culture),入面有好多電影同埋遊戲機的歷史。 有講電影的歷史,好似中國,日本的電影介紹,仲有遊戲機,紅白機到minecraft都有介紹。 旁邊就係Yara River,貫穿了整個Melbourne。 對面岸就有個National Gallery of Victoria (NGV),剛好有Andy warhol 同Ai weiwei的展覽,就入左去參觀。 Andy Warhol 同 Ai Wei Wei 的名作。 墨爾本的街頭比起來悉尼好行,同時可能是有免費電車的關係,所以覺得Melbourne city相對大d。 之後去左Victoria State Library(維多利亞州立圖書館),入面好古舊,好靚,不過重點係好多人係入面溫書,而超過一大半都係華人。是否因為中國人勤力d? 之後去左報名參加第二日local tour去philips island。(華人旅行社,果度有3間長城/長青/宏城,選左最平的宏城 AUD$65) Carlton Gardens又是另一個公園,都有人野餐休息。 後面就會係Royal Exhibition Building 再後面就係IMax,入面正上演Superman大戰Batman。 2. Queen Victoria Market 星期三晚先會有Night Market,一個好正的地方,又有野買又有野食。 夜市有好多野食,有各國的食物,亦好熱鬧。 叫左個斯里蘭卡的面食同埋芝士薯仔。 食食下,睇下表演,不知不覺已經天黑,但愈夜愈熱鬧。 3. Maru Park 因為宏城的半日遊會去Maru Zoo,所以我沒有去其他動物園,但真心覺得依個動物園好細同唔抵。 澳洲天空同日本有得揮,個天空好藍,雲好靚。 個動物園入口有孔雀。 仲有好為食的馬同雀。 不過最緊要的樹熊(Koala),一隻笑我的樹熊,一隻訓著覺欖得好實的樹熊,好懶洋洋呀。   另一班懶洋洋的動物係袋鼠(Kangaroo),成班訓係地,等住人喂。   行咁近,好似想打我,我都驚佢地會揮拳打我,不過摸左佢地又幾乖ge。 依隻係超大隻,完全忽視其他人。 4. Philip Island 跟住其實係去Philip Island Chocolate factory,但又要額外加錢,所以我都無入去,係外面等。 旁邊好似有個農場,但好似好遠,沒有行過去了。 之後旅行團去Cowes(位於philip island)食晚餐,幾正,一個人坐係海邊食,有好多雀,同埋好多白人成家人黎野餐玩樂。 幾寫意,但一個人有點孤獨。 跟住就正式去了睇企鵝,大部分應該都出左去搵食,得返依隻留在家中。 不過依度唔係保育中心,去到保育中心唔可以影相,所以沒有拍照,只可以用公仔代替吧。 philip island的保育中心有個展覽台,可以在岸邊觀賞一排排的企鵝由海浪中慢慢集合,跟住一起走上沙灘,然後穿過我們的觀景台底下,慢慢走回自己的屋。你會聽到它們不們地叫,家人會告訴怎回家。 企鵝好細隻,好得意,同埋幾壯觀,不過果晚的數量不算太多。 5.  Great Ocean Road Great Ocean Road必影的入口。 入口旁邊的沙灘 沿著海邊走其實好似好危險。 中間站係食lunch,又係pizza and chips,唔記得食左幾多餐了。 澳洲的公園,有滑板場(其實之前bondi beach都見到) 重點,十二門徒石(twelve […]
旅遊記錄

澳洲探索之旅(一) 悉尼 Sydney篇 > Blue mountain @ The Rocks (Opera House / Harbour Bridge)@ Bondi Beach @ National Park)

我第一個到達的城方係墨爾本,跟住再轉機去悉尼玩先。(最後我還是會回到墨爾本) 澳洲的地方太大,每日都不是去很多地方,吃的東西不是全部都很特別,所以不再以日的形式去紀錄,會以城市分開,簡簡單單把自己的遊歷寫下來。 行程簡介(悉尼Sydney) 26/3  墨爾本機場(Melbourne Tullamarine Airport) -> 悉尼機場(Sydney Airport) -> George Street -> Circular Quay (Sydney Opera House + Sydney Harbour Bridge) 27/3 [藍山之旅] Blue mountain Wentworth falls -> Scenic World -> three sisters 28/3 Hyde Park -> St Mary’s Cathedral -> Darling Harbour -> Sydney Fish Market -> Bondi beach 29/3 Ku-ring-gai Chase National Park West Head out -> Palm Beach -> Manly -> Central Station (通宵火車去返Melbourne) 天氣不是太好,天黑黑的,在墨爾本轉機的時候吃下在澳洲的第一餐,Hungry Jacks(機場雖然分左4個terminals,但感覺還是比香港機場細,而食野的選擇不是很多。) 澳洲所有快餐都好似無分dine in/take away,基本上大家都是在店上撕開個袋,感覺有點不環保,但起碼易於清潔嗎?   在機場看到Dictionary bookmark,我覺得幾特別,不過今時今日還有人用嗎? 香港無內陸機,所以覺得澳洲搭內陸機好神奇,只要早半個鐘入機場,而且完全唔會有人檢查身份同護照,感覺就好似搭巴士,買左飛就直接上車。的確方便好多,省卻左好多時間。另外可能搭慣左搭大機,所以覺得間機好搖,好危險,哈哈。 另外因為平的關係,買左Tiger air的機票。佢地執得好嚴,在入閘的時候會有量度隨身行李的重量,如果超重(over 7kg)就要加錢。而我無買行李(Backpacker),所以都好驚,不過我7.18kg,成功通過,估計8kg內應該都無事,但下次都係選其他airline了。 一個鐘的機程,好快到左悉尼,一個大家以為澳洲首都的城市。 出機場最方便的方法係搭airport link,但價錢唔平,18.XX澳元。 悉尼的火車好特別,有分上下兩層,好多座位,亦唔係好多人。 Hostel 基本上都係Central Station果邊,而我選左(Railway Square YHA Hostel),因為夠晒近同高評分,之後就開始了旅程。 1. George Street (喬治街) George Street好長,有點似彌敦道?,貫串整個悉尼市中心,直走可以去到The Rocks(岩石區)。 沿住行,會經過Town Hall,不過就無入去了,隔一條馬路就係Queen Victoria Building(QVB)維多利亞購物中心,有過百年歷史,入面好多名牌,但重點係內裡的設計好古典和高雅。 往海港方向走愈黎愈漸近商業區,樓就會高好多,同九龍灣差唔多。 不過今次無時間去澳洲悉尼office參觀。 2. Circular Quay(環形碼頭) – 悉尼大橋 + 悉尼歌劇院 Circular Quay有悉尼的地標Sydney Opera House(悉尼歌劇院),同埋悉尼大橋(Sydney Harbour Bridge)。 人真的超多,但不會過於密集般像尖沙咀的星光大道。 一條好舒服的步道,沿著海旁好多餐廳,亦有好多bar。 如果有時間可以攀登Sydney Harbour Bridge,你見到橋上邊一個個小小的人嗎 ? 天息開始變黑,第一天的澳洲就這樣結束了,但真的很累,由香港去廣州,飛新加坡轉機,再去墨爾本,最後到悉尼。 3. Blue Mountain (Wentworth falls + Scenic World + Three sisters) 去到行程的第二日,今天主要前往藍山(Blue moutain),其實都好遠,辛苦我的朋友了:) 澳洲的郊區,真的無咩人,無咩車。 “永遠向前 路一直都在” That’s just life  尋找夢裏的未來 That’s just life  消滅現實的無奈 我很喜歡這一望無際的森林,一片綠色。 小型WaterFall? 上落去真的很費力,不過最苦的是上樓梯,很斜和很多樓梯,不過這才是真實的大自然,難道要築起個電梯。 大自然底下,人是渺小的,瀑布底下好似一個修練的地方,感受大自然,靜思人生。 冰山一角的樓梯,斜度亦很高,所以沒有行最底。所以作為一條track,假日去行就好正。 之後就去到Scenic World,去到未必可以即時買到果段時間,所以強烈建議預先買。我們要到4:00pm才可以入場。 Scenic World 主要有三個車,Skyway,Cableway,railway, 一個係過對面山有透明玻璃地下的Skyway, 一個係近乎垂直上落的Railway 一個向下斜的Cableway 首先搭左Cableway落去森林步道,好正有一下望到下面的森林(好斜)。 好難形容果一下感覺,突然下面空無一物,好高的森林。 下面的步道無咩特別,好似一個森林,樹木沒有台灣阿里山那邊高和莊觀。 超正倒後行的Railway,如果無按住,一定會整個人倒下去的。 看到遠處的Three sisters嗎? 我地有走落去,其實都幾靚ge。 行完都已經天黑六點幾,返到市區都差不多八點,簡簡單單吃了快餐就算了。 4. Sydney City (Hyde Park + St Mary’s Cathedral + Darling Harbour + Sydney Fish Market) 悉尼市其實唔係好大,第一日都有行過George Street往Circular Quay,但今日就去左Hyde Park同Darling Harbour等近city的地方。 Hyde Park 的入口有個Chess,其實澳洲Chess都幾普遍。去到Melbourne state library外面同埋內裡有個房專係for chess。 St Mary’s Cathedral就係Hyde Park旁邊。 Hyde park其實唔大,個感覺有d似維園。 依度可以望到Sydney Tower,但好似有d舊。 咁啱有個復活節活動,我們”相信”希望。 公園裡面有d反戰的藝術品。 Anzac Memorial(澳紐軍團戰爭紀念堂) 之後就去行街,Uniqlo同H&M都貴過香港,不過重點我不是來購物。 […]
天天海南雞飯
旅遊記錄

澳洲探索之旅(零) 新加坡轉機@牛車水@天天海南雞@魚尾獅公園@濱海灣花園

話說剛剛的復活節去左澳洲,乘搭Scoot經新加坡轉機,有十幾個鐘,所以就出左市區玩。 第一次去新加坡(Singapore)真係好熱,三十度,算係一個體驗,大熱天時周圍遊,其實都幾多華人同印度人。 1. 牛車水(China Town) 黎china town真係好方便,由機場搭地鐵唔洗一個鐘就到了。出左地鐵熱到死了,人也很多。 周圍的店舖都係賣手信,好多鎖時扣,好多唔同手信,但我是一個backpacker,也沒有買呀。哈哈 條大街有兩間寺廟,第一間係中國式的佛牙寺(Buddha Tooth Relic Temple),幾宏偉,入面有好多佛同有人係度念經。 另一間係印度廟馬里安曼興都廟(Sri Mariamman Temple),入去要除鞋,所以無入。但入面都好多人。 其實去牛車水最主要的目的係食好野,我要去Maxwell food center (麥士威小販中心)。 2.天天海南雞飯 Maxwell food center(麥士威小販中心) 好似裝修,圍住左,但照常開放。 最多人食的係天天海南雞飯,好多人排隊,但都好快到。 叫左個中Size的海南雞飯,味道一般,哈哈。是我過份期待嗎? 麥士威小販中心其實仲有好多野食,仲有好耐無食過的冷糕。 但一個的胃有限,叫唔到太多野了,有茶果,豆腐花,好多都好吸引。 食飽飽就要行,於是走路往魚尾獅公園,話半個鐘的唔程,走左好耐,大熱天時難度升級。 不過正好慢慢行,周圍望下,睇下。 詹美回教堂 摩士街 行左好耐好耐終於都河邊,亦就快頂唔順了。 3. 魚尾獅公園 (Merlion Park) 魚尾獅呀,不過係細ge,但都幾得意wor。 正呀,但熱到爆,人多到爆,新加坡的地標。 下一站,繼續行過去,google map話十幾分鐘,但就行左好耐。 4. 濱海灣花園(Garden by the bay) The Shoppes果邊有商場好多名牌,仲有賭場,上面就係果3隻船。 之前睇HitAgent 47,第一次知道依個地方,覺得幾靚,今次終於成功黎到。 望上去好正,好環保好Green。 上去就要5蚊坡紙,幾好,但得15分鐘的時間。 我覺得依個圈好正,可以找時間坐下,感受生活,可以訓低休息下就好了。 原本想係個商場個food court食,可是人太多,太難找位置,所以走左去第二度。 行去地鐵站,又見到雪糕三文治,我覺得好特別,係一個盒上面切出黎,再夾落個三文治度。正,大熱天時,好好呀。 最後由於附近的餐廳一係日本野,一係就西方,又或者超多人,所以只好返機場食。 簡單的晚餐,因為之後仲去plaza premium lounge度食 🙂