迴旋人生

電影‧電腦‧旅遊‧優惠 @ 文字分享‧表達真我

平價VPS Hosting 分享和比較

我一直都用vps hosting去架設個Blog,對於細個整網站的時候會用free hosting,好似netfirms和uhome,可能要放廣告,但那時候唔太介意,純粹架個網站出黎玩。隨著時間的變化,web hosting已經進化,由dedicated server(獨立Server)演變出了VPS,價錢相對便宜很多,再加上出左黎做野,所以現在都是用VPS去起個網站。

當初的最主要的考慮因素係價錢,所以選擇左了BlueVM,那時候價錢好便宜,USD$25一年,可以租用KVM VPS(美國USA/12GB SSD/500GB Bandwidth/256GB RAM),用左兩年左右(2012-2014年),初期都穩定同快,但去到中後期,個server死左幾個星期無人理,Customer support超差,所以blacklist左依間公司。

之後就搬左去類似價位的ramnode,同樣是價錢平和信用好的budget VPS,USD$15一年,但依個係OpenVN SSD VPS(美國NYC/12GB SSD/500GB Bandwidth/128GB RAM),整體用左兩年(2014-2016年)未死過,所以算穩定,但去到後期就希望想搬返近香港的server而轉走左,同埋想轉返做KVM VPS。

哈哈,其實自己都有搵過有無free vps hosting,但大多都係外國,限制多,無保證,所以放棄左依個念頭。

最後比較左幾間大的公司,最後選左Vultr,USD$5/m,選左日本Server,不過最近出現Amazon lightsail,令到間間都減價。

類似ramnodebluevm果d細的VPS hosting,我唔比較喇,始終服務參差,類似的hosting多不勝數。

所以我會比較主流(amazon, digital ocean, vultr, linode)和香港平價的KVM VPS(香港的VPS好貴,因為network line貴,好似hostmada會退出香港VPS Server。)

amazon light sails linode digital ocean vultr vultr gigsgigscloud vpsfast
Monthly Price(USD) $5 $5 $5 $2.50 $5 $3.80 $6
Memory 512MB 1GB 1GB 512GB 1GB 512GB 512GB
SSD Storage 20GB 20GB 20GB 20Gb 25GB 20GB 12GB
Transfer 1TB 1TB 1TB 500GB 1TB 500GB 1TB
Location Tokyo, Singapore, Seoul Singapore, Tokyo Singapore Singapore, Tokyo Singapore, Tokyo Hong Kong, Singapore Hong Kong
Speed

(Singapore)

574KB 532KB 355KB
Speed(Tokyo) 338KB 314KB
Speed(Hong Kong) 2134KB

香港的平價VPS有 HostUs.US,但由於係OpenVZ,所以唔作比較了。另外香港仲有好幾間本地有提供VPS的hosting,但價錢好貴過US$15一個月,架一個wordpress唔值得。(aliyun就大陸,最低都要$10/m)
OpenVZ有機會oversell得好嚴重,set up唔到VPN,唔太support docker,穩定性和可以控制的地方有限,所以我會選擇KVM(貴少少)。而我亦會使用docker去起個server,所以唔會考慮windows server。

vpsfast同gigsgiscloud名氣不大,所以當初沒有選擇,特別係gigsgigscloud,連register都唔得,慢到操作唔到,所以話就話VPS係香港,價錢雖平但實際速度令人憂慮。而後者vpsfast巴西公司,好似唔太信得過。

最後係Amazon, Linode, Digital Ocean(DO), Vultr中選擇,最後因為價錢最平和穩定而選了Vutlr,但其實Amazon幾好,如果有integrated with 其他aws services應該係唔錯的選擇。而Linode效能相對較Digital Ocean好。

總結:

Vultr > ,雖然速度唔係最快,價錢平同穩定

Amazon > 名氣最大,易於integrated with amazon aws

Linode > 同樣價錢中,效能(performance)較高

Digital Ocean > 中規中矩,靜係得Singapore

Gigsgiscloud > 似係大陸人開的公司,穩定性似低

VpsFast > 價錢唔係最平,不知道可信性

 

Vultr 個人使用經驗和評價(附少許教學)

我未用過其他Linode同digital ocean,而暫時Vultr User Experience幾好,可以有Snapshot,當初出左新plan(US$2.5),即係由舊US$ 5 plan build個snapshot(免費),然後deploy落個新VPS。

snapshot有少少似backup (back up要收費,但snapshot 免費),可以起個新instance時選用snapshot。

而對比之前用ramnode同bluevm user friendly好多。

 

Overview – Instance的基本資料,好似依個月用左幾多錢( 我用2.5$ plan,所以每個月cap係2.5$)

Usage Graphs – 有較清楚的圖表知道個Server Status,我到依家都唔清楚點解有時CPU Usage特別高

Settings – 可以較IP V6,轉plan/OS

Snapshot – 免費/無限數量Store snapshot,個人覺得似windows system restore point,可以方便restore個VPS去指定的point

Backup – ($0.5/m,貴的plan會貴d),成個server backup

DDOS – Protection is not available in Tokyo

右上角仲有console, server stop, server restart, server reinstall, destroy

vultr

+ 制可以create一個新instance,可以選你想要的location

vultr1

server的類型,基本的Centos, Ubuntu都有提供,windows就要加錢,自己亦可以upload ISO或者之前backup/snapshot。如果起windows server可以考慮申請返個Dreamspark就有條免費keys (你懂的 🙂 )

vultr2

最後係選plan,依家暫時$2.5 plan賣晒,估計好快返貨(有人話月尾會補貨) 🙁

vultr3

最後仲有additional feature(back up/ipv6), startup script, ssh同hostname選擇。

所以起一個新instance都算straight forward同簡單。

 

Customer support 雖然唔會提供technical support,但幾分鐘就有回覆幾好。

如果覺得好的話,可以用我條link去申請,謝謝 🙂

http://www.vultr.com/?ref=7049539

 

延伸閱讀:

https://joshtronic.com/2016/12/01/ten-dollar-showdown-linode-vs-digitalocean-vs-lightsail/

https://joshtronic.com/2017/02/14/five-dollar-showdown-linode-vs-digitalocean-vs-lightsaild-vs-vultr/

 

利申,我不是專家,只是個人經驗和分享。

欺騙自己

最近的負能量不斷上升,自從上個月的討厭自己變成今個月的欺騙自己。

人大了,價值觀都變了,究竟我是否垃圾,感覺自己被世界遺棄,可是卻欺騙自己有存在的價值。

 

每早經過天井,望著下面究竟會否有一天會結束,而這刻抬頭看不清外面的天空和未來。

 

在工作方面,好渴望把所有事情做好,卻太多外在因素限制,彷彿做的野都沒有意義。

我做人的忠旨是把事情做了,即使花上幾倍時間也不計較。可是好多事情都吃力不討好,我在質疑究竟咁落力為左咩野,而做出來的東西卻沒有令我絲毫成功感。作為所謂的Scrum master,整條Team一直停濟不前,沒有方向,談不上gradually deliver incremental product,甚至令大家不開心。

即使看完阿特勒的理論,我就是這麼在意其他人想法,因為我重視所有人的感覺,我不喜歡孤單一人,獨自面對困境。

有同事說我份人好,咩問題都會幫手。不管花掉自己的私人時間,我寧願吃虧的人係自己,而唔係各有各做,事不關己的心態。記得初期的時間真的好辛苦,好多事情不如意,花了許多時間也不滿意和做不好,慢慢融入這個團隊。

面對現在連個goal都沒有了,團隊之間不快,隊員將會離去,無盡討論和沒結論,說過幾百次的ticket,各種沒有人理會隱藏問題,根本好似無人想做好個product。

有時候,我在想自己在做什麼,為什麼獨自一個人通頂去堅持和盡快完成每個ticket,可能我有過份的控制慾和要求吧。

現在daily stand up/backlog refinement/scrum不再,一整天也不想說一句話,也不想log時間,根本沒有意義。好快就得返自己同offshore team member和PO,要欺騙自己在工作上有存在價值,要欺騙自己花時間去OT是值得,要欺騙自己係有成功感。

不只是工作方面,在freelance上同樣有依個問題,大家愛理不理,一個問題可以拖好耐好耐都無人理,好似deadline不停延長。請你不要在意這份感覺吧!不要過份在意吧,純粹當賺錢,算吧!

正因為工作上,令我更新網站很慢,已經好少打blog,其他facebook page也懶得打理,明明以前好有衝動去攪網站,去更新騙子名單,但眼前好似意義不再,沒有價值了。

 

在親朋好友方面,同樣遇上問題,大家距離愈黎愈還,好似無人明白我。

我以自己的方式去做卻被批評作傻仔,為什麼要在乎要討好所有人。

明明自己不開心卻要欺騙自己很快樂。

我的確不太懂得與人相處,明明別人是這麼和諧而自己卻這麼辛苦。

 

你喜歡吧!

討厭自己

已經好耐好耐好耐好耐無打過blog(日記),心情自年尾一直好低落,好失落,好似迷失左方向,失去人生目標,存在感愈黎愈低。

 

由十一月初已經想睇<被討厭的勇氣 二部曲完結篇>,結果田園同樂文等左好耐都未入貨(田園得套裝版)。直到農曆新年後入手,好快就睇完。

 

阿特勒講的野的確無錯,最重要係此時此刻,過去已經不重要。即使被人討厭,只要以自己的方式向前走就好了。不過好快就難以維持果種心態,唔係話想法錯,但自己真的很討厭自己,說不在乎卻過於在意其他人的想法,正因為咁先成為今天的我。

再開始追睇被討厭的勇氣的日劇,我真的很難做到庵堂 蘭子(香里奈)果份執著同專注,過於感性的自己絕對受外在因素影響。

 

睇完本書的頭幾日,好似生命多了份意義,亦解答了一路以來的哲學問題。

點解我要生存?成日追求快樂,點樣先可以快樂?

 

這些都是一些自欺的問題,一路以來其實早有答案,甚至答案係咩已經唔重要。

因為這些都是最終的結果,過程不就是現在,為什麼為將來的東西而忽略現前的一分一秒。

 

講講下又茅盾,我決定唔再在意什麼的說法和理論,記著什麼方式和態度又有什麼意義,最重要是做回自己,我真的很討厭自己,因為我犯賤吧。

 

最近結婚的人很多很多,大家都紛紛進入下一個階段,而我依然一事無成,好迷失,有時候問自己在做什麼,以前對網站的熱誠好似已經逝去了,去旅行的衝動慢卻了(今年今個月沒有年度旅行)。

 

記得十年前的我,想像十年後的自己是怎樣,結果現在又想十年後的自己會變成怎樣。

 

有時候,我會把別人成為自己的投射,好似未來的自己,十年後可能就是這樣吧。

我也不知道,有時候真的完全不想做,不去想。

 

懷緬過去,展望將來,但現在下一步是怎樣。

 

今天再次又有打擊,第一件是生命的無奈,雖然唔係好熟,但過了一個周末就已經係人生的消失。

在這間公司早已習慣被消失,人來人去已經記不起那些人的名字,即日被抄早已司空見慣,但畢竟這次是在人生中消失,的確很近,明明就是在身邊完好無缺,卻突然消失,請珍惜身邊所有人。

如果你重視我,可以留下留言!畢竟生命無常,下一個可能就是我。

另一件事係跟我工作的新鮮人計劃辭職,其實早於上個月已聽聞因為表現差可能會辭退她,當時我在想是否自己做得不好,不過現在她有這個計劃可能是好事。對於她來說也是最好的結果,她說已經找到下一份工作,公司規幕比現在大很多,應該會有更好的發展。

 

最後,我還在活著,如果一年都沒有更新,可能我已經消失了,祝大家安康快樂,今個月的我生日快樂!

 

回憶之路

終於來到2016年最後一日,巧合昨晚踏上回憶之路。

為了歡送將要回美國的朋友,放工去了元朗的大榮華吃晚飯。

我已經記不起對上一次幾時去過元朗(十年前 ?),一個很陌生的地方,不過重點係一班朋友聚會。

哈哈,不太想提早當初訂立的目標,好似什麼都做不了,不過這一年過得很快。

昨晚一頓飯,席間數人已經結婚了,回想起這一年,小學中學大學同學,同事朋友都有不少已經訂婚結婚,甚至生了小朋友。

當初同一個起點,一起讀書,一起工作,今天大家都已經走得更散了,移居國外工作,嫁到海外。
留在香港有的成家立室,事業有成的,遠遠拋離著停留過去的我。

時日太快,我還希望做無知的小孩,不想長大和承認時間的流去。

今日剛登入黎,見到有個留言,”已經放棄?“,當初的夢想飛行,的確是離地,今日回望飛行只是一種渴望自由的意識,但擁有自由後卻不知去何處。

某程度上算是放棄,在現實的世界中,已經踏上另一條路,但現在有機會的話,我會嘗試。

 

吃過晚飯後,乘上往大埔的巴士,64K,一條經林錦公路的巴士。

一路上經過以前到過的地方和路牌,彷彿走了回憶之路。

嘉道理農場回想起了那些年,一條友走左去影櫻花同行山;新屋村,小時候曾經住過的地方,一起同鄰居周圍玩;鍾屋村,每次搭小巴必有人叫落車的地方,腦海中好深刻;林村放馬莆,大學時曾經實地考察,亦係唯一一次去過許願樹;南華莆,part time工作了兩年多的地方;康樂園,那些年一起燒野食,爆玻璃事件;太和,那些年打波個場;禮賢會,返錯幼稚園的小時候;

雖然架巴士好慢,好多站都停了下來,但回想起一路以來走的路,經過的地方,好懷念。

即使前日走過的地方,今日以不同角度看,很特別,由孩童時期到長大出來工作,這段路走了二十多年。

十年前,我幻想過十年後的自己,究竟一切係咪同當初想像一樣呢?(我唔會話你知,哈哈)

今日又幻想十年後會怎樣,這一年雖然唔算話好充實同滿意,但總算向前踏出一步,轉了新工,過去的總要過去。

 

你們過得好嗎?

 

祝願生活安康快樂!

綠野仙蹤女巫前傳 (WICKED) 音樂劇

昨晚去了演藝學院睇綠野仙蹤女巫前傳(wicked) 音樂劇,好好睇,音樂同場景都好正,值得一睇。

一切都好green,但服裝都做到好仔細同華麗 🙂

wicked2

 

小時候,第一本童話故事書係綠野仙蹤,講個小女孩被龍卷風吹到個魔法國度月重,要找回家的路,途中遇上稻草人,鐵皮人和膽小獅,路上大家互相幫助,一個既驚又有趣的歷險旅程,勇敢的小女孩最後殺死了壞女巫。

不過依次音樂劇係講返女巫,作為綠野仙蹤前傳(後期先作),同原本的綠野仙蹤有一些關連,大家可以聯想,不過唔係依套劇的重點,但改寫左女巫成魔之路,邊個先係正義呢?壞女巫定好女巫?

(含劇透)

個故事主角講好女巫Glinda同Elphaba在學校相遇,Glinda是一個受歡迎的”blonde”美女,遇上一個怪胎綠色人Elphaba (哈哈,應該同Hulk同Shrek會係好朋友,一樣咁綠色)。兩人由怨家,再變成好朋友,揭穿了大魔法師的面目,有天賦的Elphaba決意保持正義,但遭大魔法師誣衊,講成罪大惡極的壞女巫,而一直希望成為受人敬仰只好成為權力下的扯線公仔,命運下只能其中一人勝利。

場景

wicked1

佈景非常細緻,有一個dragon clock係最頂,背景以一個鐘和齒輛的形式顯示出來,在時代的巨輪下,人們百般無奈,只好活在當下,但我們還有什麼選擇嗎?

場景的細緻度同本地話劇無得比較,始終唔同的制作成本,特別喜歡下雨的特效,雨的剪影,樹林,同埋magic的效果(飛起黎)。

場景的變化都好多,其實學校部分似Harry Porter,哈哈。

個人感受

對於故事來說,Elphaba成魔之路的確令人接受,在這個扭曲的社會下,小眾被定義為犯錯和針對的一方,而無知的群眾下,欠缺批判思考成件事,難道相信水就能消滅女巫,這不是諷刺當今的社會嗎?

(哈哈,假設個故事是真正,不能批判思考),我會鄧Elphaba慘,為什麼一直去幫助人,卻被大家討厭,好人真的好報?

雖然唔係話得不到好報就要變壞,但係我會同情她的處境,成魔背後多數會有原因,不是讚同卻是同情。
(哈哈,我好似合理化左做衰人)

最令人激氣就係Elphaba個妹(跛),既無知又貪心,明明Elphaba講左Boq係玩佢,並不是真心。即使令佢重新企返起身卻不知足,仲要得到Boq的心,亂咁用魔法又賴落Elphaba度,救Boq但只可把他變成鐵皮人卻被責罵。

Glinda就好似一個”bitch”(哈哈),虛榮心作祟,一個渴望成為大家喜歡的人,最後嘗試改變,但事情發展到後期,只好繼續做世人眼中的好人,不過都睇得出佢重視Elphaba的友誼。

成套劇令我反思什麼是正確,跟現今的社會很相似,怎樣才是最好。

大巫師成為王國的精神支柱,是一份信念,其位都有各種難處。
一旦失去信念,真的難以想像會變成怎樣,一路以來教授什麼正確和信服,卻跟你說這是假的。

不過最後,我仍然希望大家做好心,如果大家都抱著這樣的心態,根本唔會發生後期不如所料的事。(太過理想)

 

總結

套音樂劇好好睇,演員唱得好好,好多首歌都好鐘意,Defying Gravity, wonderful, For good,畫面都好colorful同夢幻,聲畫都好精彩,所以十分推介大家去看看,機會難逢(即使有d英文聽唔明,都可以睇字幕,哈哈),最後送上spotify Wicked的playlist。