Latest Posts

我的評論

《如夢之夢》話劇 個人感受

昨晚去了西九文化區(自由空間大盒)看了首場如夢之夢的話劇,長達八小時的話劇,經歷了不同的人生,由剛畢業的嚴醫生到五號病人,再到顧香蘭,人生之間的交雜和情感,直到今天依然沉醉於這場夢。 各章的簡介(台灣版本,有部分跟這次不太一樣,建議看畢才回味每一場) 以下含劇透和個人感受,非喜勿看 「在一個故事裡,有人做了一個夢;在那個夢裡,有人說了一個故事。」 這是我的故事,我已經好耐好耐冇睇話劇,原因不乏是價錢/時間/共鳴的劇目等,沒有那份衝動去買飛。數月前開始留意這套話劇,吸引我的不是演員/編劇/名氣,而是一場夢。 夢給我感覺是真是假,從莊周夢蝶,inception,OA,1Q84 給我無數的苦思,每晚歸家的路總是抬頭望著月亮,自己是否已走進另一個世界,一切已經無法分辦出真假,為什麼而活著,另一個世界是怎樣,另一個我是怎樣。 有時候這份疑惑和不安令人難以入睡,跌進了自己的思考deadlock,我的意識會去那兒,只好給自己說故事,幻想著不同的事,慢慢地不知不覺入睡了。 夢是一種好神奇的事,小時候有一種感覺,睡的時候好似看到這個世界(不知道是否靈魂出竅),所以不停刻意午睡,尋找那份特別的心安。不過人大了,那份感覺即使睡,也找不回了那種體驗。希望將來有機會試下死藤水,體驗奇幻之旅,超越自我 ? 好多片刻都有購票的衝動,而且計劃也好多次去買,可是臨到出發的時候(放飯/放工)已經沒有位了。(因為購票折扣優惠,只能到門市買) 直到星期六,一個機緣巧合,看到有人放售才再次衝去聯絡賣家,星期天早上從新界走到港島交收,再去西九看這套話劇。 現在才有機會去寫我的感受,我的故事,我是一個很平凡的人,依著大家的期待前半生,走著一條普通的路,卻有恆河沙的疑問和不安,完。哈哈 !我都係focus在這套劇目的感受。 主要是圍繞3個人,剛畢業的醫生,5號病人和顧香蘭,一個故事延伸到另一個故事,偶斷絲連,人與人之間有著莫名奇妙的聯繫。 理所當然 剛畢業的醫生,面對一個個病人的死亡,那份無力感從而思考生命和醫生的職責,相反同事的人性隨著殘酷社會磨煉而變得盲目和理所當然。 不知不覺在社會打滾了八年,作為一個IT狗,當初的夢想是建立一個好的App和網頁 ?  不,我沒有崇高的理想和志向,只是見步行步而到達今日這一點,但不變係我對事情和人的態度。 我承認自己過於感性,經常在工作上,有求必應,唔識拒絕人,常常OT做好件事,總是一個人做到好夜…其實我都係想整好個網站,做好份工作,而其他人就有可能走程序,事不關己,互相推蕩。 有人笑我太認真,工作時間大部分時間都在工作,而其他人就整天whatsapp, fb, ig, youtube, 圍圈吹水。 我唔知道咩係正確,沉淫八年的我依然樂力去做,而從不走”正”面,唔知我仲可以生存幾耐,遲早會被同化? 慢慢成老seafood ? 理所當然是多數人定義出來,將醫生當成一份工作,跟足程序做。 如果當初是為了高薪厚職和名利,你的確可以心安理德,單單憑著理性去工作。 如果當初是為了拯救生命,你有沒有想過怎樣可以幫助一個病人 ? 顯然這不是必然,只是額外的工作,有時候工餘時間,我也會想起工事,怎寫好一段code,好似好傻,但這就是我。 在今日的香港,唔好攪我後面,為了什麼而存在,不要假人假義說維持社會的秩序,連基本的程序和職責已經有無數的藉口,選擇性執法,破壞社會安寧不正正是他們嗎 ? 更有一班不理智的人盲目撐警和支持,只重視個人利益,只選擇性看一面,而失去個人的良知和批判性思考,令人好失望。 活在當下 過去現在未來,曾經是我執著的事,經常反思過去點點點,但某程度已經不重要,最重要是現在。 5號病人患左一個高燒的病,一直不退,在剩下的歲月決定追尋答案,妻子離去原因?生命的意義? 他到頭來,得到什麼? 在環遊世界的途中,遇上江紅,一起熱戀和經歷,為了尋覓答案去找畫中的顧香蘭,而放棄現在的江紅,留下了一絲的遺憾。 生命充滿未知數,無人預計到下一步,計劃唔係唔好,只是過於幻想是多餘。 有時候執著於過去而放不去,令到現在活得很痛苦。 (現在將成為未來的過去,過左先講有點馬後炮,但想做去做吧!) 被討厭的勇氣,不要害怕別人討厭,才能真正的「做自己」 好好壞壞 顧香蘭和亨利伯爵,誰對誰錯? 有人說亨利伯爵壞,只是單純買起一個顧香蘭,把她從一個籠運到另一個籠,依照他的方式存在。 有人說顧香蘭壞,只是單純追求自由,在社會和世俗人中墜落,一個貪慕虛榮和報仇的妓女。 誰壞誰負心,我不敢下定論,而愛情是雙向,而究竟他們有否相愛? 好好壞壞,生生死死,我覺得有點惋惜,一個女子,顧香蘭,亨利伯爵,王德寶,什麼是情 ? 虛偽 記得有一幕是在城堡晚宴上,眾人希望他們發表戰爭意見,卻惹得5號病人和江紅不快,展示出世人的虛偽。 當貴族在高朋喜宴時,在道德高地批判低下的人很虛偽。 戰爭只是權貴和國家的角力,而深受傷害的人民呢? 現在的社會,在道德高地的高官權貴去批評窮苦人民,未明白人間的疾苦而道出離地的言論,未理解緣由而假人假義去扮演上帝角色和在自己角度去思量,用地雷去殺害未出世的新一代。 迴旋 一個故事連貫著另一個故事,燭台連貫了眾人,故事中滿盡是悲哀和可惜。 如果當初王德寶和顧香蘭發展下去 如果顧香蘭和亨利彌補互相的感情 如果顧香蘭多年後重遇並原諒亨利 如果五號病人跟妻子坦誠對方 如果五號病人與江紅留下來發展下去 如果五號病人在湖邊”看見自己”(See yourself)見到亨利,這是亨利的夢 如果醫生能救活五號病人(自他交換有效) 如果這只是一場夢,而那一邊才是夢呢 ? 可惜世界沒有如果,讓這遺憾隨著夢慢慢消逝 舞台效果 這次的舞台是四面台,中間有個荷花池,非常特別,左右兩側各有兩層,表達不同的場景。 而我坐後正中間,望住成個框,個人覺得坐中間好近果台,好似要不停抬起個頭 同埋所謂的椅子,好似張office凳,要自己留意邊一面有野睇,自己轉向。 最特別是撞火車果場的燈光,幾特別。 人生就是迴旋,演員在四面台順時針走,人生匆匆數十載 總結 夢中故事,故事中夢,籠中鳥,悲哀的船,第七隻蛋,燭台,真真假假,好好壞壞 八個小時一天看畢真的很累,想必台上下各人必定更累,感謝他們的演出 雖然有幾幕在天仙閣連續戲有點悶,但要交待劇情和對比,而其餘部分沒有悶場 雖然沒有大團圓結局,留下一點可惜和悲哀,但這就是人生,沒有完美 愛情是沒有好結果 ? 哈哈,不在乎天長地久,只在乎曾經擁有 ? 最後整個製作好大型,好值得看,但要留意鍾意夢一般的故事或故事一般的夢先好睇 為左打卡/人睇你睇就咪晒時間 (我聽到其他人話悶到訓著左或者當challenge) “浮生若夢,若夢非夢,浮生何如,如夢之夢” P.S 記得like facebook/ig 係中場時間換紀念品 P.S 九龍站行過去好遠,走下面迴旋處快過天橋好多,但非法橫過馬路,請小心 P.S 果邊無咩野食,我見人call deliveroo,唔洗行返出去,可以當野餐,可惜我得一個人 🙁

好康分享

2019年平價VPS Hosting 比較

最近幾日改了網站Theme,優化loading speed,移除了不必要的東西,是否應該轉香港VPS和轉勁d的VPS,試下縮短網站的Time To First Byte(TTFB)呢? 兩年前比較過平價HK VPS,近年多間大公司都開拓香港市場,提供更多的選擇,甚至多了很多workshops和支援。 Amazon AWS ,可以係香港region 起ec2/s3,但依舊唔平 https://aws.amazon.com/local/hongkong/region/ Google GCP 香港,逐部愈黎愈多service可以在Hong Kong region使用 https://cloud.google.com/about/locations/hongkong/ 不過對於budget有限的個體戶好似我,未必負擔到昂貴的費用 2019年5月發現多左好幾間有得買VPS,有部分是resell,速度就不太理想,所以再次以平價為主,比較2019年的價格和配備,考慮下租多個,分流現時數個網站。 非專業,純個人再度比較出名(未必香港)同香港VPS,主要睇價錢,配置和速度,其他額外野,好似User Friendly的服務/Tools就唔深入研究。   Amazon lightsail Amazon lightsail Linode Digital Ocean vultr vultr gigsgigscloud vpsserver Monthly Price(USD) $3.5 $5 $5 $5 $2.5(ipv6)$3.5(ipv4) $5 $5 $4.99 Memory 512 MB 1GB 1GB 1GB 512MB 1GB 512MB 1GB SSD Storage 20GB 40GB 25GB 25GB 10GB 25GB 20GB 25GB Transfer 1TB 2TB 1TB 1TB 500GB 1TB 1TB 250GB Location SingaporeTokyoSeoul SingaporeTokyo,Seoul SingaporeTokyo Singapore SingaporeTokyo SingaporeTokyo SingaporeHong Kong Hong Kong Speed(Singapore) – – 5991k 2670k 4663k 4663k – – Speed(Hong Kong) – – – –     998k 3639k 兩年的時間,VPS fast收左皮,Amazon平左,Vultr(平plan)貴左,linode,digital ocean靜係多左5GB Disk,新加左vpsserver.com。 其實除左上面幾間,仲有好多大陸細公司,但好多網站簡單,似單人公司,再加上大陸網站登記要實名麻煩,所以都唔太建議,同埋都唔係咁信得過,就無再入去睇,所以選擇得上面幾間為主。(P.S aliyun都有香港,可惜返工用太多了,大陸野不了) 總結: Amazon > 名氣最大,價錢平左,以$5一個月的配置算最抵玩,但網上評價一般 Linode > 同樣價錢中,速度最理想 Digital Ocean > 中規中矩,靜係得Singapore Vultr > 比起之前,價錢唔係相對突出,不再吸引 Gigsgiscloud > 大陸人開的公司,穩定性似低,即使過左兩年,依然令人卻步 VpsServer > 唯一吸引有香港Server,但得250GB流量,美國公司,但知名度最低 結論:考慮緊 Amazon lighsails or vpsserver,起返個VPN server同搬個網站走,令到依部機無咁慢,同埋開始無位(Upload太多相了),懶得執野。 廣告時間: Vultr唔係差,用左兩年都無咩問題,唔算特別慢,界面簡單,功能易用 可惜人係貪新忘舊,想試下其他服務商, 如果Budget有限,可以用住Vultr US$2.5 plan先,唔夠再upgrade,入門必用 大家可以用我條link去申請,謝謝 🙂 https://www.vultr.com/?ref=7773637-4F

旅遊記錄

尼泊爾行山之旅 (下) (博卡拉 + 加德滿都)

博卡拉 回到Pokhara,食左KFC lunch,沿著lake行了一圈 途經傳說的恐佈摩天輪,佢寫住disneyland,好似用一個摩打令成個野轉,好危險 旁邊仲有海盜船,同樣原理,唔夠膽玩 買左枝潤唇膏,夜晚寫晒post card 🙂 原本以為post card要花好耐,見朋友尋日收到(大概12日左右,酒店個人仲話3個月) 第二朝去左玩paragliding (滑翔傘),天氣一般,只能隱約看到annapurna,不過係一個幾好的體驗 下午去左Gupteshwor Mahadev Cave,一個好臭好熱的洞,唔太值得 之後去返對面睇Devi’s fall,可能遲下雨季暴布會大條d,依度起碼無個cave咁焗 之後就去世界和平塔World Peace Pagoda,由devi’s fall行左好耐(1 hour) 睇左陣又開始落雨,搭的士返去 其實酒店離遠都望到座和平塔 之後下就個雪山又出返黎同出去食晚餐 之後一日,坐左3個幾鐘巴士去玩rafting,玩左兩個多d,再坐4個鐘返Pokhara Rafting幾好玩ge,不過搭車來回就好花時間,坐到忽必裂 2/4 起身見到個熱氣球,唔知危唔危險 之後7:30am坐同樣的巴士由Pokhara返Kathmandu,花左一日時間 最後幾日住Kathmandu Boutique Hotel (HK$133一晚) 好過之前住果間Kathmandu Home,近Thamel同Durbar Square 加德滿都 博拿佛塔 Boudhanath Stupa,全世界最大的圓佛塔 記得行同轉都係順時針 Pashupatinath Mandir 印度教先入到去,唔知入面點樣 Kathmandu Dubar Square 加德滿都的杜巴廣場可以由酒店行過去,好多都維修緊 下面是Kumari(被選中的小女孩住的庫瑪莉神廟),見到個細路女,但唔可以影相 第二日去埋Patan Dubar Square 食,無咩特別,唔係特別好味,無咩深刻印象 來來去去都係咁,momo,炒飯,burger,padthai,curry,面 Random 回程 好彩KA103無delay,加德滿都機場好細,得5個gate,人好多,港龍飛機餐就普普通通 回程4個鐘,睇左spiderman同億男,跟住返到黎香港已經係星期六凌晨4點,等頭班巴士返屋企 手信 最主要買左茶(masala, black tea),cashmere同包印度的lays薯片 🙂 後感 Trekking開始的時候好驚會應付唔到,同埋有高山反應,不過依家回想起來,一日唔試都唔會知道結果,過程中有高山藥的副作用,手腳面麻痺,憂慮左成日是否高山反應,最後抱著愉快的心境去接受和繼續行,最後總算做成功完成整個旅程。 這次去尼泊爾有一些較為深刻的事,反思究竟自身。我喜歡深層次內心交流,而不是背面上的寒暄和對答。 在rafting的回程,乘上local bus,旁邊是個當地27歲年青人,他主動向我打開話題,傾談後充滿感概。 他是一個ASP.NET Programmer,住在kathmandu附近的村莊。在Yoga lesson時,他的友人不停地告訴他世界是怎樣,但自己連Pokhara都未去過,所以這次要獨自去Pokhara一個村莊(從未踏足的地方)。他又問我去過什麼國家,但他說這次去的地方外表跟他的村沒有分別,但我只好苦笑鼓勵他,不一定外表有別才是旅行,最重要是過程,可能會遇上不同的人和事,最重要是嘗試,跳出自己的comfort zone。 片刻的對話,看得出他應該是上進的人,學習多種外語,的確好悲哀旅行只是去一個差不多的地方,反身自己好幸福,能夠去同的地方,我應該覺得幸運,能夠生長在香港,珍惜現在擁有的。 而咩係命運,被選中的小女孩成為Kumari後,就要在廟中成長十多年,成為活神是幸福定悲哀? 自由是什麼? 30歲之旅完結後,我覺得要堅持表達自己,不喜歡要說出聲,加油努力,應該要訂下新的目標。

旅遊記錄

尼泊爾行山之旅 (上) (Poonhill + 原本ABC + mardi himal)

剛好回來一個星期,趁著還有記憶下寫返個travel log,今次以簡短形式記錄行山之旅和Pokhara /Kathmandu的遊歷,一切詳細情況盡在不言中,靜係睇圖可以去twitter。 2019年3月前後18日共行程,洗左差唔多一萬(其實應該唔洗咁費),最主要的洗費是請左guide+porter同玩左滑翔傘。 物品和裝備 因為主要是去Trekking,所以帶左個osprey 48L Kestrel backpack(~12kg) 同一個普通袋裝野。 一對行山杖 (最後個人用慣一枝,所以帶一枝都夠,係雪地泥地上落山都好有用) 頭燈 (主要Poonhill上山睇日出,同埋Rest camp或以上高的地方未必有電,去廁所同房間好有用) 睡袋 (唔夠暖時用,同埋唔驚髒可以唔洗帶,guide同porter都係直接用) 水樽 (自己帶左一個1L摺得埋膠水樽,暖水樽,400ml樽,其實暖水樽同膠樽都唔太常用) 冰爪 (High camp去upper view point和落山去forest camp時候著,但其實poonhill落山都可以用) Tissue (一卷,好多地方都無要自備) 太陽眼鏡 (去到最頂雪地必備) 防曬 (基本日日都有用,返左黎黑左外無曬傷,主要SPF 50) 登山鞋 (著住去,solomon mid gtx 3) 拖鞋 (係酒店/hostel時著) 防曬Cap帽 (基本每日都有戴,除左上雪地戴冷帽) 冷帽 (頂頂時戴) 頸巾 (都係夜晚唔夠暖時用) 手套 (都係上頂時候先有帶) 防風防水外套 Shell jacket (有雨同早晚時著) 羽絨 (靜係去到頂4000m先有著同有時候夜晚訓覺著) 抓絨衣 (無著過,基本羽絨己夠,行山時會行到好熱,夜晚著羽絨同睡袋都夠暖) 洗護用品 (牙膏,牙刷,毛巾,沖涼水,洗面,保濕,剃刀) 保暖內衣 (2件 uniqlo heattech) 短袖Tee (3件,無洗過著左好多日 :)) 長袖Tee (最主要上到高地先著) 行山長褲 (2 條) 保暖長褲 (訓覺時同上到頂的時候行山著) 短褲+legging (2條短褲訓覺著) 襪子 (4對) 紙底底 (懶得洗, = =) 相機 (Nikon D7100, Sony Rx100) 濕紙布 (純水同消毒) 藥物 (防高山證藥 Diamox (Acetazolamide),止傷,屙嘔,傷風感冒,膠布,虎標萬金油(尼泊爾好多地方都有得買),仲有係pokhara買的淨水丸(好似170RS),暖包) 零食 (餅同energy bar) 照片(之前已經send左相被guide,所以最後靜係買sims card用左一張only) 其他 (轉插,萬能插,尿袋,萬用刀 (最後好彩無用到, = =),指甲鉗,筆(出入境填資料用),啤牌) 哈哈,太懶無執到靚一靚去影相,一台野塞入兩個袋共17kg 行程 20/3  搭飛機 港龍 KA104 香港HKG 7pm -> 加德滿都 KTM 10pm 21/3 巴士日 加德滿都 7am -> 博克拉 3pm 22/3 Trekking Day 1 Pokhara(860m) Taxi-> Nayapul (1050m) – > Tikedhunga (1577m),  2h48m trekking 23/3 Trekking Day 2 Tikedhunga(1577m) -> Ulleri(1940m) -> Ghorepani (2874m), 7h54m trekking 24/3 Trekking Day 3 Ghorepani(2874m) -> Poonhill(3210m) -> Tadapani (2690m),5h22m trekking 25/3 Trekking Day 4 Tadapani(2690m) -> Jhinu(1820m) -> Landruk(1565m), 7h trekking 26/3 Trekking Day 5 Landruk(1565m) -> Forest Camp(2425m) -> Rest Camp(2600m), 3h40m trekking 27/3 Trekking Day 6 Rest Camp(2600m) -> Low Camp(2995m) -> High Camp(3500m), 5h23m trekking 28/3 Trekking Day 7 High Camp(3500m) -> High […]

個人感情

三十歲前的目標

今日係2017年7月15日,距離三十歲前還有621日,我唔知依段係長定短的時間,但每過十年就好似係一個階段完結,所以好多唔同類型的書都會話三十歲前,四十歲前該做幾多件事,亦係一個原因驅使我去寫依篇文章,而大家睇到的時候應該會係2019年我三十歲當天,而這六百多天,我會定時更新延續依篇故事。 我係一個唔太樂觀的人,甚至可以話係悲觀主義者,唔存在任何希望。好似2017年的立法會議員被人DQ,這個世界唔存在絕對公義,我唔相信世界有公平,所有野都存在黑暗面。不過我想表達的唔係政冶立場和對世界的抱負,甚至反社會主義。而我指的係自身方面,對於三十歲的我,唔覺得會變成一個成功的人,亦唔洗旨意今天訂立的目標會百分百完成。(好似2016年說好的目標正正是我失敗的例子) 唯一令我寫下的原因是紀錄我存在的故事,走過一段普通的路,又或者間接提醒自己要努力向前走,一個好弱雞的動力去push自己,我要努力!不過最後結果如何,希望三十歲的你還能夠抱著天真的心態,笑一笑吧!   目標 考車牌 去歐洲旅行 (一直以來,好努力儲左5萬Asia Miles) 跑2000km 成功學一種樂器 成功學一種語言 升職 ! 學識煮一道菜 ! 今日係2018年9月10日 上年的目標,好似嚴重落後,大事主要兩件,去左德國同轉左工 考車牌 => 雖然經過德國的驚險之旅,但唔會驚左揸車,但暫時未有時間去考,希望至少明年已報名 歐洲旅行,已經去了德國,同好努力儲左7萬AM,6萬AV,係時候要計劃下個目的地 跑2000km應該無咩可能,不過至少轉左工,開始跑返步,依家都有雙位數字,可能縮減目標到4位數字? 樂器,說好的自學,沒有恆心的人,依家轉左工多左時間,要set好目標,重學口琴,一切從簡 語言,去完德國,突然有衝動學德文,但放低左好耐的西班牙文 = = 升職,我估應該無望,雖然過去左的四月升左做staff software engineer,但依家又變返Senior 🙂 隨緣 學識煮一道菜,哈哈,好似無咩可能,太懶了,連前排煮意粉都好難食….   30歲前,繼細個的人生意義和如何得到快樂,轉變成今日的新問題,我唔知道呀 究竟個答案係咩野 ? 加油!努力! 今日係2019年3月19日,距離30歲靜返9日。但由於黎緊會去旅行,所以提早打左30歲的記錄和回望目標。 考車牌 => 失敗,明明轉左工,多左時間,但無去做,旅行返黎要認真實行 去歐洲旅行 (一直以來,好努力儲左5萬Asia Miles) => 成功,已經2018年5月去左德國,再加上12月去左西安,聽日去尼泊爾,得返3萬8 AM 同 8萬AV 跑2000km => 失敗,由9月開始跑到今日,跑左231 km,得十分之一 🙁  可能半年300km實際d…. 成功學一種樂器 => 失敗,雖然嘗試過,但沒有動力去做 成功學一種語言 => 失敗,typescript, golang? 應該唔算做一個lang吧! 升職 ! => 失敗,唉….仲未清楚了解自己的能力 學識煮一道菜 ! => 失敗,依排成日煮台灣伴面,但同公仔面無分別  🙁   30歲快到,上面的目標明顯唔達標,要好好努力做! 到現在我仍然唔明白生命的目的,可能一輩子都是這樣一個人下去。 或者我沒有機會回來?食家明! 很多人都會問為什麼去尼泊爾,行咩山,對於我的舉動很出奇 不過這樣很符合我的性格,由當年想去西藏,到獨遊世界,我發現自己也不知道想要什麼 對於內心有無限的問號,明明想但又唔講出口,明明唔想又強行去做,喜歡不喜歡,快樂不快樂 前排做左個MBIT test,再次發現自己是INTJ-T,一個少有的性格 (“建築師”人格)   面向很多人總有一種難以融入的感覺,自己的世界跟其他人很不一樣 思考和處事方式經常杞人憂天,思考著無邊際的事,亦因為咁三十年來一事無成,談不上有什麼貢獻 喜歡一個人自在的時間,沒有局限和顧慮,一個人行山,一個人看電影,一個人旅行,一個人說話 不過卻害怕孤單,如果有人聆聽,有人陪伴,有人分享,有人一起解決問題就更好 有時收收埋埋,好多野想講,亦只可以係度表達出黎。   回歸正題,三十而立,希望看己不再猶疑不決,不再憂心掛肚,不再刻意收藏,我就是我,為了自己而活   依次尼泊爾旅行(20/3 – 5/4)將會明天開始,有9日時間行ABC(Annapurna Base Camp)及可能在山上四千多米度過30歲生日,之後五日行程未定,好多未知數,再加上ABC大雪,令到我更擔憂。 不過生命就是充滿無限可能,希望這趟旅行能平安歸來,雖然擔心風雪和高山反應,但係唔可以因為怕而唔去做,去完成其中一項check item和挑戰。(有興趣follow twitter) 如果沒能回來,不用擔心,沒有什麼遺憾,一生人平淡而過,沒有什麼悲,沒有什麼苦,已經是一種樂。 感謝一路上出現的人,不能單單透過文字表達的謝意,願大家安康快樂! 可能這樣就是我的一生,雖然未寫完,但至少我存在過。 謝謝觀看!

旅遊記錄

西安聖誕之旅(四) 湘子廟@天主教堂

第四天 最後一天,3點幾飛機,所以十二點要返hostel拎野等送機,所以行程挺簡單,只是在四周逛逛。 其實書院門有間關中書院,但寫住謝絕參觀,所以沒有進內 之後行左去湘子廟 對面就係好出名的湘子門青年旅舍 之後因為今日聖誕節,行左去天主教堂 (西安方濟各主教座堂) 同香港好唔同,是在戶外空地進行,參加左一陣彌撒,就打道回hostel (而信眾比較多中年人,而且唱的普通話也很難聽懂) 臨返去前,再食左碗biang biang面同冰峰(同橙汁無咩分別) 感覺送機比接機快,不消一個小時就到機場,真心唔明Steve job廣告 做代言人有咩吸引之處?權威d? 可以走頭等通道,快一點,不用排隊 再吃點小食和牛腩面 這個東航貴賓廳比起深圳好,有景同空間感好d,野食都多d選擇 回程的飛機餐選了雞球飯,飯超級硬,不好味 黃昏,夠鐘歸家了 終於完成整個旅程,前後共3.5天,一個簡短的旅程,體驗了”所謂頭等艙”,闊好多,可是食物唔太好,亦未能完全平訓(始終都係得2個幾得機程,唔可以期待太多)。 西安的小食是多,但也不會太難忘和好食,始終可能不習慣,而且有時候分不清是內地食物還是當地名物。 西安最令人難忘是華山,勇闖了5個峰,忘不了的飄雪,在西安城牆上踏單車,內內外外,寧竟who am i ? 這次旅程也遇上些陌路人,滿腔熱誠的大叔迫我繼續努力走完華山五峰,來自潮汕準備出來工作而遊走中國的同房,熱心阿姐教我點食高陵油餅。 2018年尾最後來了多趟旅行,令我走遠了,祝大家聖誕快樂和新年快樂!