Tag: 酒店

旅遊記錄

尼泊爾行山之旅 (上) (Poonhill + 原本ABC + mardi himal)

剛好回來一個星期,趁著還有記憶下寫返個travel log,今次以簡短形式記錄行山之旅和Pokhara /Kathmandu的遊歷,一切詳細情況盡在不言中,靜係睇圖可以去twitter。 2019年3月前後18日共行程,洗左差唔多一萬(其實應該唔洗咁費),最主要的洗費是請左guide+porter同玩左滑翔傘。 物品和裝備 因為主要是去Trekking,所以帶左個osprey 48L Kestrel backpack(~12kg) 同一個普通袋裝野。 一對行山杖 (最後個人用慣一枝,所以帶一枝都夠,係雪地泥地上落山都好有用) 頭燈 (主要Poonhill上山睇日出,同埋Rest camp或以上高的地方未必有電,去廁所同房間好有用) 睡袋 (唔夠暖時用,同埋唔驚髒可以唔洗帶,guide同porter都係直接用) 水樽 (自己帶左一個1L摺得埋膠水樽,暖水樽,400ml樽,其實暖水樽同膠樽都唔太常用) 冰爪 (High camp去upper view point和落山去forest camp時候著,但其實poonhill落山都可以用) Tissue (一卷,好多地方都無要自備) 太陽眼鏡 (去到最頂雪地必備) 防曬 (基本日日都有用,返左黎黑左外無曬傷,主要SPF 50) 登山鞋 (著住去,solomon mid gtx 3) 拖鞋 (係酒店/hostel時著) 防曬Cap帽 (基本每日都有戴,除左上雪地戴冷帽) 冷帽 (頂頂時戴) 頸巾 (都係夜晚唔夠暖時用) 手套 (都係上頂時候先有帶) 防風防水外套 Shell jacket (有雨同早晚時著) 羽絨 (靜係去到頂4000m先有著同有時候夜晚訓覺著) 抓絨衣 (無著過,基本羽絨己夠,行山時會行到好熱,夜晚著羽絨同睡袋都夠暖) 洗護用品 (牙膏,牙刷,毛巾,沖涼水,洗面,保濕,剃刀) 保暖內衣 (2件 uniqlo heattech) 短袖Tee (3件,無洗過著左好多日 :)) 長袖Tee (最主要上到高地先著) 行山長褲 (2 條) 保暖長褲 (訓覺時同上到頂的時候行山著) 短褲+legging (2條短褲訓覺著) 襪子 (4對) 紙底底 (懶得洗, = =) 相機 (Nikon D7100, Sony Rx100) 濕紙布 (純水同消毒) 藥物 (防高山證藥 Diamox (Acetazolamide),止傷,屙嘔,傷風感冒,膠布,虎標萬金油(尼泊爾好多地方都有得買),仲有係pokhara買的淨水丸(好似170RS),暖包) 零食 (餅同energy bar) 照片(之前已經send左相被guide,所以最後靜係買sims card用左一張only) 其他 (轉插,萬能插,尿袋,萬用刀 (最後好彩無用到, = =),指甲鉗,筆(出入境填資料用),啤牌) 哈哈,太懶無執到靚一靚去影相,一台野塞入兩個袋共17kg 行程 20/3  搭飛機 港龍 KA104 香港HKG 7pm -> 加德滿都 KTM 10pm 21/3 巴士日 加德滿都 7am -> 博克拉 3pm 22/3 Trekking Day 1 Pokhara(860m) Taxi-> Nayapul (1050m) – > Tikedhunga (1577m),  2h48m trekking 23/3 Trekking Day 2 Tikedhunga(1577m) -> Ulleri(1940m) -> Ghorepani (2874m), 7h54m trekking 24/3 Trekking Day 3 Ghorepani(2874m) -> Poonhill(3210m) -> Tadapani (2690m),5h22m trekking 25/3 Trekking Day 4 Tadapani(2690m) -> Jhinu(1820m) -> Landruk(1565m), 7h trekking 26/3 Trekking Day 5 Landruk(1565m) -> Forest Camp(2425m) -> Rest Camp(2600m), 3h40m trekking 27/3 Trekking Day 6 Rest Camp(2600m) -> Low Camp(2995m) -> High Camp(3500m), 5h23m trekking 28/3 Trekking Day 7 High Camp(3500m) -> High […]

旅遊記錄

德國奧地利之旅

終於的起心肝開始寫德國之旅,我會將依段旅程紀錄下來,希望年老後還可以懷緬一番。 這張圖片觸發了一場德國之旅,驅使我提前許下的決定,當年沒機會去英法,今次我自己去!! 年初參加了Expedia與德國國家旅遊局搞的活動,好好彩成為其中一個被抽中的朋友仔。 我可以得到一張來回德國的機票,自由選擇德國城市和時間,只要連稅價錢$6500內就可以。   當我收到通知的一刻,我好興奮,繼之前的現金獎,又另一個獎品(雖然無之前現金獎多) 🙂 但返到屋企話俾爸媽知道後,第一個反應係話晒時間,玩埋d無聊遊戲贏張機票。 一番又一番打沉我的說話,又話一個人去危險,又話不如搵三姑六婆個仔一齊去,我明他們擔心我,但卻令人很氣餒。   我係一個好固執的人,我決定左的事無人能阻住到我。 由當初一個人去日本九州,到澳洲,一個人去旅行又如何,為什麼只有一個人而不去?   反而依個係機會和主的安排(無宗教信仰),終於可以去歐洲,彌補當年的遺憾。   不過隨著朋友問起這一年有什麼旅遊計劃,我開始提起這件事,慢慢由一人,變成有兩個人有興趣,最終成為三個人德國偷食之旅,而我成為他們的中間人,以不同的步伐和目的去左十五日德國和奧地利。 過程中有喜,有悲,有意外,有爭吵,有沉默,有煩腦,有美景,有陰天,不過正因為這些令旅程變得不平淡,而這一切都是我的感受,如果你不喜歡可以離開,這是屬於我的世界。 行程簡介(16/6-2/7) 日期 行程 Day 0 (16/6) 香港國際機場 HKG -> 多哈 DOH -> 法蘭克福 FRA 飛機 1 : QR 817 HKG 下午7:10 -> DOH下午11:10 飛機 2: QR 069  DOH 上午1:35 -> FRA 上午7:10  Day 1 (17/6) 法蘭克福市內散步 歐元塔 > St. Paul’s Church > 法蘭克福羅馬廣場 > 法蘭克福大教堂 > Iron Bridge > 施泰德美術館 酒店: (法蘭克福) Memphis Hotel  Day 2 (18/6) 法蘭克福 > 海德堡 > 法蘭克福 酒店: (法蘭克福) Memphis Hotel 交通: Flixbus  Day 3 (19/6) 法蘭克福 > 羅騰堡 > 紐倫堡 酒店: (紐倫堡) B&B Hotel Nürnberg-Hbf 交通: DB ICE  Day 4 (20/6) 紐倫堡 酒店: (紐倫堡) B&B Hotel Nürnberg-Hbf  Day 5 (21/6) 紐倫堡 > 柏林 博物館島 帕加馬博物館 > 柏林新博物館 > 舊國家美術館 酒店: (柏林) Novum Hotel Aldea Berlin Centrum 交通: DB ICE  Day 6 (22/6) 柏林 無憂宮 酒店: (柏林) Novum Hotel Aldea Berlin Centrum  Day 7 (23/6) 柏林 Outlet > 猶太博物館 > 德國歷史博物館 >  布蘭登堡門 > 被害猶太人紀念碑 酒店: (柏林) Novum Hotel Aldea Berlin Centrum  Day 8 (24/6) 柏林 Flea market > 柏林圍牆 > 恐怖地形圖 酒店: (柏林) Novum Hotel Aldea Berlin Centrum  Day 9 (25/6) 柏林 > 慕尼黑 > 薩爾斯堡 酒店: (薩爾斯堡) Vogelweiderhof Rooms 交通: DB ICE  Day 10 (26/6) 薩爾斯堡 > 哈爾施塔特 > 薩爾斯堡 酒店: (薩爾斯堡) Vogelweiderhof Rooms  Day 11 (27/6) 薩爾斯堡 > 國王湖 > 加爾米施-帕滕基興(GP小鎮) 酒店: (GP小鎮) Hotel Atlas Sport 交通: Bayern Ticket  Day 12 (28/6) 楚格峰 酒店: (GP小鎮) Hotel Atlas […]

旅遊記錄

東京旅遊(前篇)

一年總要去一次旅行,九月尾終於決定今年目的地係日本東京,再次帶著父母去海外旅行。 2017年十一月中去了五日五夜,展開了一個左右做人難的假期,也分不清是喜是悲。 不過去之前終收返兩條數,總算可喜,唔算洗得太多錢。   前言 早已經帶過爸媽去台灣和泰國,個人又不太喜歡韓國,所以決定簡簡單單去日本。 而日本之前去過九州,大阪和名古屋,再偏向遊覽交通方便的大城市,即使行得耐都易於休息和搵食物,所以選了日本首都(東京),一個大城市去感受另一種繁華和再到一個新地方打卡,另外可以睇紅葉同聖誕燈飾。   行程簡介(21/11-26/11) 日期 行程 Day 1 成田機場 -> 淺草 -> Skytree 晴空塔 飛機: HX 608 9:15AM HKG – 14:30PM NRT 晚餐: 駒形Dozeu(浅草店) 酒店: 淺草Dormy Inn Express 溫泉旅館 交通: Access 特快 成田去淺草  Day 2 明治神宮 -> 代代木公園 -> 竹下通 -> 澀谷 (涉谷) -> 新宿 -> 六本木 -> 淺草 午餐: 東京トンテキ 渋谷店 晚餐: 普通拉面店 酒店: 淺草Dormy Inn Express 溫泉旅館 交通: 東京地鐵乘車一日券  Day 3 “浪漫”特快(e-Romancecar) -> 箱根湯本 -> 大涌谷 -> 強羅公園 午餐: 普通日本餐廳 晚餐: 酒店自助餐 酒店: 富士山を一望できる宿 ホテルグリーンプラザ箱根 (Green Plaza Hakone) 交通: 箱根周遊券  Day 4 海賊船 -> 箱根神社 -> 新宿 -> 淺草 午餐: 普通日本餐廳 晚餐: 普通日本餐廳 酒店: 淺草Dormy Inn Express 溫泉旅館 交通: 箱根周遊券  Day 5 淺草寺 -> 台場 -> 京成成田 午餐: 普通日本餐廳 晚餐: 普通日本餐廳 酒店: 成田菊水大酒店 (The Hedistar Hotel Narita)  Day 6 成田機場 -> 香港 飛機: HX 607 8:30AM NRT – 12:50PM HKG 機票 香港航空 HX608 早機去,HX607早機返,因為果排香港航空無機票優惠,所以買左套票。 機票連最後一晚的酒店(The Hedistar Hotel Narita),因為三個人兩間房會貴多少少。 平均$1737 連稅同埋最後一晚酒店 雖然11月唔算旺季,以非廉航黎講,香港航空包餐同行李,價格最平為~HK$1400。 但我買的時候淨機票連稅要$18xx,所以去左港航假期買包埋一晚酒店,HK$17xx@,比起平時優惠貴少少。(P.S. 我搵過靜係得港航假期有香港航空套票買,其他expedia, ctrip, …etc都無,同埋靜係買一晚抵,如果買多過一晚一定要出去agoda, hotel果d買) 酒店 酒店買一定要價格,唔同酒店唔同價格,買的時候要留意有無信用卡優惠,agoda, expedia多數會有HSBC, 渣打, DBS優惠, 自己google,另外唔同link入去個原價都會唔同,所以要留意下。(P.S agoda 自己本身都有today deals,提供coupon,所以訂平酒店是一個學問,而我就唔詳細分享。) 比較酒店價錢 Trivago skyscanner hotelcombined 4travel.jp (日本專用, 溫泉酒店) 多數會用jalan,而今次用左近畿日本 想問酒店野,可以留言,如果我有時間會幫忙,習慣搵最平最抵的酒店(但記住唔係cheap, 係價值高) 研究左好耐東京酒店,主要分為新宿(最貴) > 上野 > 池袋/東京站 > 淺草 / 日本橋 因為我的條件係包早餐(懶得帶住兩老去搵早餐食),跟住又唔要太細同太貴(因為兩間房),所以只好選淺草,酒店相對平,而近旅遊景點。 淺草Dormy Inn Express 溫泉旅館包早餐,10樓可以浸溫泉,夜晚有免費拉面。最重要近地鐵站,無論由成田機場或去新宿都方便。(大約$600/晚/房包早餐) 而綠色廣場箱根酒店(Green Plaza Hakone)是因為爸爸不吃懷石料理,而只好選擇連鎖酒店和帶有自助晚餐,性價比合理的只有依一間溫泉酒店,即使只搭交通工具也很方便到達。(大約$2500/一泊兩食 3個人住四人房) 成田菊水大酒店 (The Hedistar Hotel Narita)就因為套票關係,再加上有免費shuttle bus直達成田機場(最早果班係6:30AM),其他酒店多數7AM和價錢貴少少,所以選左依間。 旅遊書 睇過幾本旅遊書,結果最好係網上,一本都無買,咩都靠自己,google是我的旅遊書。 反而有幾個apps好重要,去日本/東京必裝 Yahoo乗換案内 (https://transit.yahoo.co.jp/smartphone/app/) 東京地鐵遊客乘車指南 (iOS 版下載 / Android 版下載) 交通Pass 和景點pass klook 箱根周遊券 […]

展望台
旅遊記錄

關西中部旅遊 (前篇)

前言 說好的一年一次旅行,早在上年開始部署,所以一直留意見平機票,終於十月尾買了大阪去和名古屋返的機票。 對於我來說,一個人去旅行已經不是第一次,還記得我的第一次是去九州。兩年後,當然想再去過日本,所以選了關西大阪入,中部名古屋走,來一次橫跨關西大阪 > 京都 > 金澤 > 白川 > 高山 > 名古屋的九天之旅。 日本給我的感覺是忙中帶靜,既有鬧市,亦有郊區的靜。 因為時間倉促,而且又要計劃第二個旅程,其實行程也沒有太多計劃,出發前主要準備的是住宿和JR Pass。 機票 香港快運 UO874       香港機場         20:10 – 00:35  到關西機場 香港快運 UO657  名古屋中部機場   13:25 – 16:55  到香港機場 去程沒有加行李,只帶了一個 20″ Hand Carry 行李,回程加了20Kg,花了差不多一千蚊來回加回往行李。 因為要慳錢同不同城市出入,所以就選左香港快運 HK Express (第一次) 酒店 主要在Yahoo Travel 訂,因為當時有滿10000Yen 平5000Yen的推廣,好抵。同埋又book左兩間airbnb,總共9日8夜,花左2000左右。 另外大家都可以去Jalan,樂天訂,建議格價,4Travel幾好用,類似Trivago/hotelcombined/skyscanner。 Jr Pass 係縱橫遊預先買高山北陸地區周遊券(¥13,500),當然我實會格價,佢最抵HK$836,比起EGL東瀛遊平,大家買的時候可以睇下依幾間旅行社,再選一間最平的,所有都係換票證,去到日本JR換。 15/4號的比較 ?? 縱橫遊  (個網虧左,建議打電話去問下) http://new.wwpkg.com.hk/ $943 東瀛遊  EGL 東瀛遊  EGL 網頁 $965 HIS HIS 網頁 $958 JAL JAL 網頁 $941  專業旅運 專業旅運網頁 旅遊書 買左兩本旅遊書,其實原本唔打算買,因為第一本只係$20,另外一本Books.com.tw有折先買。 最後我係無帶去,因為驚超重,同埋只要上網就可以好易搵到資訊。同埋自己都去左書店煲左幾次旅遊書,大阪京都都有好多選擇,但其實裡面介紹的野無咩特別,而作為一個達人當然只係會參考而已,沒有太大必要買返本。而後者講名古屋金澤白川,我覺得吸引d,可能台灣出版社,相對無長空果種過於商業式的排版,簡紹左好多郊區地方,可惜日子錯了,上不到高地,去不到立山黑部,有機會一定要再去過!!(同埋本書超大本,所以都無帶過去) 1. 經緯文化  2015-2016年版 大阪 京都 2. おはよう名古屋+日本中部北陸精華 電話卡 當然唔會租Wifi蛋,又唔係平,又要特登去借還機,真係唔明點解要借。所以買左最平的Docomo的電話卡,$70。 想了解多d依張平卡,可以望望依個post HKEPC 日本電話卡迷思 1.5GB(過左變限速) / 八日 。 (另外唔識電話的野,就買張貴d吧,依張要啱頻率先用到,technical的野就唔講咁多)

旅遊記錄

泰國曼谷之旅(一) 丹能莎朵水上市場@美功鐵道市場@樹中廟@安帕瓦水上市集

前言 因為說好的一年必去一次旅行,所以決定出發去泰國了。很多朋友說泰國沒有什麼好玩,而對於我來說,一個地方好玩不,值不值得去遊玩,並非是片面而言,總要走過才知道和感受到。同時間,東南亞除了曼谷外,也沒有什麼較合適的地方去遊玩了。一是價錢太貴,帶著爸媽去遊也不輕鬆,所以繼台灣後再度帶爸媽遊走曼谷五日。 正文 由於香港航空優惠只限夜機出發,所以選了晚上22:10出發的,去到已經凌晨十二點了。立即乘的士往酒店,但曼谷的士出名呃錢,所以一定要講價。乘上一架Taxi Van的車,花了半小時就到達我預訂的酒店(Kingston suites hotels),book了兩間房,很快就可以check in了。 整體是不錯的,HK$300一晚,記住透過我條link訂房,是當時最平的,平過Asiaroom/agoda(評分有8/10)/hotels.com/expedia…但結算是泰幣同有7%稅,記得選埋要早餐的(挺好的早餐,爸媽每天都吃到飽飽的),不過沒有牙膏和梯刀(記得帶)。 http://book.asiatravel.com/hotel.aspx?cn=&ct=&hid=7990&CID=03/13/2015&nr=1&nn=4&SID=8862741CN&lan=zh-CN&selCurr=HKD 地點是位於Asoke / Nana BTS 和 sukhumvit MRT,步行約十分鐘(酒店有tuktuk去MRT/BTS) 附近有商場Terminal 21和超級市場Robinson,唱錢可到Nana旁的Vasu Exchange,食野就有KFC/24小時麥記,按摩Massage就有較出名的Urban retreat spa同health land,所以本人對於HK$300左右約三四星,位置佳的酒店不錯,雖然唔算新,但起碼房大和物超所值。   第一日的行程,我們參加了 Ben民宿的行程B 一日遊,原因是Mama tour雖平但只是單純點到點旅遊和沒導遊,而且沒有較這個完整的旅程,我想同時去兩個水上市場及看螢火蟲。而姊姊花及曼谷幫的一日遊較貴及評價差。 自助早餐,日日都差不多 出發前往Asoke BTS,然後到BTS Ekkamai站(E7)Major Cineplex一樓麥當勞門口集合 我們這個團有12個人,分別是1對香港情侶,3對朋友(星加坡/馬來西亞/台灣)和我們三人。 坐了90分鐘,到了第一站,丹能莎朵水上市場, 我們坐上船,看著充滿不同商品的市集,其實河是挺骯髒的, 不過還挺不錯,很多人不停在叫賣,看到許多冒牌手袋和水果食品。 坐船遊了一圈,商品來來去去都是水果,帽子,手工藝品,冒牌手袋,小吃的, 但坐著船上難以看和買東西, 總要划船往那店,然後又要講價。 不過導遊說丹能莎朵水上市場是主要給旅客,價錢不算便宜,所以大家可以看看而已。 遊了一圈,有一個小時吃東西和在岸邊看看商店,吃了一碗粉,還好,不過就不太乾淨。 之後就去下一站美功鐵道市場,相信大家都聽過有一個市場鐵路旁就是一個街市, 每當有火車,商販就會變拾東西,然後讓火車通過。市場是普通的,唯一特別是有火車經過。 滿滿的遊人,令到火車不停響安,所以火車走得很慢。 跟住導遊帶我們到了泰拳公園&樹中廟,兩個地方是沒有什麼特別,只是逛逛而已 這坐廟四周都是樹,就是樹中廟,由於不太感興趣,所以沒有進內,另外由於泰王很喜歡鬥雞,所以四周都是雞的像 旁邊就是泰拳公園,有很多像,描畫出泰拳的動作,不過實在太曬,沒有人走去看,也沒有其他遊人。 反倒我是喜歡旁邊的馬廄,很想試試騎馬,哈哈。 木牌工場也挺得意,整返個木牌也幾靚,可惜沒錢沒地方放。 之後一站就是聖母院百年教堂,雖然泰國信奉天主教的人不多,但這是據說百多年歷史 正好每次旅行也到教堂,繼上次在長崎大浦天主堂,來到泰國又參觀下。 感覺跟以前中學下面的聖堂差不多,也沒有什麼特別的地方。 最後就係去安帕瓦水上市集,另一個水上市場,規範好似較丹能莎朵水上市場大, 但這個感覺沒有丹能莎朵水上市場迂迴,主要是一條河,而兩岸有很多商舖,同時很多東西吃。 建議別在橋旁的兩間吃海鮮,相對價錢貴,走遠少少還有不少選擇。 這也是第一餐海鮮,雖然跟我想像中不太一樣,但在這樣的環境底下, 望著河邊的船,周遭絡繹不絕的遊人和飛來飛去的蒼蠅,是一種風味。 如果跟早上的丹能莎朵水上市場比較,我會較喜歡這裡,雖然沒有太多的河段, 但這裡一條河道較寬闊,賣的東西較多元化,當然吃的東西多樣化。 最後還可以看螢火蟲,亦是我第一次看,但夜晚畢竟難拍,同時影響到生態啦。 但有些人不停在船上叫囂,真的另人討厭。 有時候想生活在岸邊挺寫意,能跟大自然這麼接近,門口就是河道,方便出入,能划到市集。 同時晚上的星星特別多,很懷念那星空。 這一天的local tour就這樣結束了,雖然價錢比自由行貴, 但始終交通不方便,同一日走三個景點也挺難的,有導遊安排起排不用費心,也不怕太夜沒車回市區。 不過自由度就減少,花了一些時間看不太感興趣的東西,不過個人是值得的。(費用:1380B@) 7點半走,回到市區Asoke已經九點半了,於是趕緊在Terminal 21找東西給爸媽吃。 最後只剩下Coco沒關門,吃了一餐日本咖哩晚飯。再從Terminal 21走回酒店了。

廣州塔
旅遊記錄

寫意和廣州自由行

寫意是一種生活的享受,我喜歡那種隨意和沒要求。儘管人是渴望追求高層次的品味,但我不介意那種失望和厭惡。就像人生一樣充滿挑戰,總充斥著起落和甜苦。如果沒有起伏的話,或許已感受不到那種特別,只因無法比較。我也相信開心不是永恆,不快也只是短暫,但我總會鼓勵自己,從絕望中燃點光明,尋覓那渺小的希望。曾有人笑我天真樂觀,但我心底裡絕不是那樣子,我內心極度的悲觀,對未來也是非常絕望。因為我要鼓勵自己,支持軟弱的我。也許這是大家不知道和不想了解的一面,也許我真的很可笑,也許令人錯覺我跟他們很相似,但慢慢地發現我那麼怪異和異常,繼而被淡忘了。究竟怎麼才是一個正確的人生,我不曉得也不想理會,但回看從前,我是否不要再想究竟是停濟不前還是變怪了? 最後,我還是喜歡一個人的寫意,靜靜地感受和享受那刻的自在,獨自探索世界和生命,不畏懼困難和艱辛,或許是我對旅程和人生的體會,揮霍了兩天,該好好努力工作了,加油加油fighting!   隨文附上廣州刻意遊相片及簡短遊記 行: 從紅磡坐直通車到廣州東站,建議不要像我們買周末優惠套票,搵笨的。 住: 廣州恆大酒店,雖然價錢和質素好,但是交通十分不方便(越秀公園 A站口等車),轉車廢時,回地鐵站塞車嚴重。除非自駕的話外,不推薦這酒店。 另外四周全是住宅,彷彿似民居多於酒店。 遊: 廣州沙面島 這裡很懷舊,挺美和不錯的,可惜的是有點商業化,和紅色。 遊:荔灣河 ( 荔湾河涌 ) 給四州集團收購的泮溪酒家 (很貴的,只是路過),夜遊荔湾河涌,那裡是滿佈紅燈籠,人也挺多,不過感覺日頭會美一點。 正好新歷七月十四日晚夜有點恐怖,另聽說中間有個情人島,因為那裡黑黑的,挺適合男女遊一番。 吃: 艇仔粥 吃:沙灣姜埋奶 經:陳家祠 吃:紅磚廠創意藝術區 Cafe 遊: 廣州塔 結: 兩天去過的地方不多,下雨的日子也佔了一半,吃過數間CAFE,外表是挺有藝術感覺,但內裡卻有點名不符實。雖然空間感強,佈置也挺不錯,不過處於四周的環境卻有點格格不入,所以不建議去CAFE,只會令人失望。 沙面島和紅磚藝術區有點意思,可是卻下雨,失去那情調。第一次去廣州,沒有想像中的可怕,反而覺得有些地方跟香港很像,地鐵也很方便,發展也不錯,但依舊有種大陸的味道,怪怪的。不過廣州人仍有人說廣州話,感覺我們之間的距離不是太遠,可惜的地大,景點不算多,有機會的話,希望能夠再去一次。