Tag: 目標

個人感情

三十歲前的目標

今日係2017年7月15日,距離三十歲前還有621日,我唔知依段係長定短的時間,但每過十年就好似係一個階段完結,所以好多唔同類型的書都會話三十歲前,四十歲前該做幾多件事,亦係一個原因驅使我去寫依篇文章,而大家睇到的時候應該會係2019年我三十歲當天,而這六百多天,我會定時更新延續依篇故事。 我係一個唔太樂觀的人,甚至可以話係悲觀主義者,唔存在任何希望。好似2017年的立法會議員被人DQ,這個世界唔存在絕對公義,我唔相信世界有公平,所有野都存在黑暗面。不過我想表達的唔係政冶立場和對世界的抱負,甚至反社會主義。而我指的係自身方面,對於三十歲的我,唔覺得會變成一個成功的人,亦唔洗旨意今天訂立的目標會百分百完成。(好似2016年說好的目標正正是我失敗的例子) 唯一令我寫下的原因是紀錄我存在的故事,走過一段普通的路,又或者間接提醒自己要努力向前走,一個好弱雞的動力去push自己,我要努力!不過最後結果如何,希望三十歲的你還能夠抱著天真的心態,笑一笑吧!   目標 考車牌 去歐洲旅行 (一直以來,好努力儲左5萬Asia Miles) 跑2000km 成功學一種樂器 成功學一種語言 升職 ! 學識煮一道菜 ! 今日係2018年9月10日 上年的目標,好似嚴重落後,大事主要兩件,去左德國同轉左工 考車牌 => 雖然經過德國的驚險之旅,但唔會驚左揸車,但暫時未有時間去考,希望至少明年已報名 歐洲旅行,已經去了德國,同好努力儲左7萬AM,6萬AV,係時候要計劃下個目的地 跑2000km應該無咩可能,不過至少轉左工,開始跑返步,依家都有雙位數字,可能縮減目標到4位數字? 樂器,說好的自學,沒有恆心的人,依家轉左工多左時間,要set好目標,重學口琴,一切從簡 語言,去完德國,突然有衝動學德文,但放低左好耐的西班牙文 = = 升職,我估應該無望,雖然過去左的四月升左做staff software engineer,但依家又變返Senior 🙂 隨緣 學識煮一道菜,哈哈,好似無咩可能,太懶了,連前排煮意粉都好難食….   30歲前,繼細個的人生意義和如何得到快樂,轉變成今日的新問題,我唔知道呀 究竟個答案係咩野 ? 加油!努力! 今日係2019年3月19日,距離30歲靜返9日。但由於黎緊會去旅行,所以提早打左30歲的記錄和回望目標。 考車牌 => 失敗,明明轉左工,多左時間,但無去做,旅行返黎要認真實行 去歐洲旅行 (一直以來,好努力儲左5萬Asia Miles) => 成功,已經2018年5月去左德國,再加上12月去左西安,聽日去尼泊爾,得返3萬8 AM 同 8萬AV 跑2000km => 失敗,由9月開始跑到今日,跑左231 km,得十分之一 🙁  可能半年300km實際d…. 成功學一種樂器 => 失敗,雖然嘗試過,但沒有動力去做 成功學一種語言 => 失敗,typescript, golang? 應該唔算做一個lang吧! 升職 ! => 失敗,唉….仲未清楚了解自己的能力 學識煮一道菜 ! => 失敗,依排成日煮台灣伴面,但同公仔面無分別  🙁   30歲快到,上面的目標明顯唔達標,要好好努力做! 到現在我仍然唔明白生命的目的,可能一輩子都是這樣一個人下去。 或者我沒有機會回來?食家明! 很多人都會問為什麼去尼泊爾,行咩山,對於我的舉動很出奇 不過這樣很符合我的性格,由當年想去西藏,到獨遊世界,我發現自己也不知道想要什麼 對於內心有無限的問號,明明想但又唔講出口,明明唔想又強行去做,喜歡不喜歡,快樂不快樂 前排做左個MBIT test,再次發現自己是INTJ-T,一個少有的性格 (“建築師”人格)   面向很多人總有一種難以融入的感覺,自己的世界跟其他人很不一樣 思考和處事方式經常杞人憂天,思考著無邊際的事,亦因為咁三十年來一事無成,談不上有什麼貢獻 喜歡一個人自在的時間,沒有局限和顧慮,一個人行山,一個人看電影,一個人旅行,一個人說話 不過卻害怕孤單,如果有人聆聽,有人陪伴,有人分享,有人一起解決問題就更好 有時收收埋埋,好多野想講,亦只可以係度表達出黎。   回歸正題,三十而立,希望看己不再猶疑不決,不再憂心掛肚,不再刻意收藏,我就是我,為了自己而活   依次尼泊爾旅行(20/3 – 5/4)將會明天開始,有9日時間行ABC(Annapurna Base Camp)及可能在山上四千多米度過30歲生日,之後五日行程未定,好多未知數,再加上ABC大雪,令到我更擔憂。 不過生命就是充滿無限可能,希望這趟旅行能平安歸來,雖然擔心風雪和高山反應,但係唔可以因為怕而唔去做,去完成其中一項check item和挑戰。(有興趣follow twitter) 如果沒能回來,不用擔心,沒有什麼遺憾,一生人平淡而過,沒有什麼悲,沒有什麼苦,已經是一種樂。 感謝一路上出現的人,不能單單透過文字表達的謝意,願大家安康快樂! 可能這樣就是我的一生,雖然未寫完,但至少我存在過。 謝謝觀看!

個人感情

一月的失敗

說好的計劃,好力進行中,進度很慘烈 🙁 1. [錢] 目標儲全年收入一半 今個月大洗左,買左枝二手cheap 鏡 $450 nikon 50mm 1.8,同埋多左吃喝玩樂 2.[事業] 轉工,成為Senior,下次就是Lead? 試左兩次面試,應該失敗了,另外見了個consultant,要好好努力 3.[健康] 每月跑步40 km ( 每三個月再調整?) 因為天氣關係(雨同寒冷天氣),其實係自己懶惰,只能完成16.6km 4.[Blog] 每月打3篇 (今個月就快完成=] ) -> 比上年29篇多架 迫自己打,計埋今篇剛剛好 5.[書] 每月睇兩本書 靜係開始睇第一本書少少only 6.[相機] 每兩個月要去唔同的地方影相 下個月過完年先做? 7.[學習] 學識一樣野 (要報名上堂?) 自己太沒有恆心了 看過,諗緊報咩course…PMP? 8.[旅行] 依舊起碼一年一次 (已經開始計劃緊日本關西 & 澳洲之旅) 日本之旅,開始計劃中,看了一些酒店/hostel 9.[愛情] 哈哈,有目標嗎? 沒有 10.[快樂] 珍惜快樂,即使不快樂,也要笑著活下去,告訴自己快樂是掌握在手中! 不停在鼓勵自己 11.[賺錢] 繼續之前的計劃? 實行賺錢大計,真的要開始,又或者有新計劃,目標年新收入是20k ,太多嗎? =( 太懶了,太凍了 12.[改變] 不要再太情緒化,好好控制自己的情緒,要成長了 (即使不喜歡,也不能表露出來) 努力假裝 13.[人生] 儘管人生是迴旋,但也要活得實在,也要不停探索不同的東西,試下新餐廳?試下新挑戰?有人陪我嗎 ? =( 沒有動力,哈哈 14.[戒] 減少沉迷手機遊戲 (外出的時候才可以玩) 依舊沒變,但差不多時候放棄 15.[Code] 要學識多d programming,好難講清楚 =( 懶惰,零進展     回望月頭訂立的目標是太進取抑或是自己弱弱的執行力,最後結論這個月的目標是失敗,要調整嗎? 不,好好努力,向著那不可能的目標前進。   現在最大動力好似係計劃黎緊的日本之旅,目標是新年左右,book晒酒店,實際行程再算吧! 大阪 > 京都 > 金澤 > 白川 > 高山 > 名古屋…還有個多月就出發了。  

星球大戰
個人感情

2016年 目標和計劃

回應早前2015年 總結及回顧,面對黎緊的2016年(仲有365日),要好好訂下目標和計劃,的起心肝,哈哈。 終於其短的假期即將放完,該把要做的事完成,成日口口聲聲話順其自然,但實際只是安慰懦弱的我 不過今次希望要說到做到,展開2016年奇妙的旅程。   最近很喜歡這首歌,很喜歡它的歌詞,可以一邊播一邊睇我個目標,向前行,由今天,承諾我目標 ! 差一點我們會飛 (She Remembers, He Forgets) 哪一天我們會飛 主題曲 仍然要相信 這裡會有想像 求時間變慢 不想迫於成長 向前行 攜手行 趁青春要奮進 不可辜負眼前好時光 向前行 由今天 承諾我目標 為世界美好多一點 付出所有 2016年目標 1. [錢] 目標儲全年收入一半 2.[事業] 轉工,成為Senior,下次就是Lead? 3.[健康] 每月跑步40 km ( 每三個月再調整?) 4.[Blog] 每月打3篇 (今個月就快完成=] ) -> 比上年29篇多架 5.[書] 每月睇兩本書 6.[相機] 每兩個月要去唔同的地方影相 7.[學習] 學識一樣野 (要報名上堂?) 自己太沒有恆心了 8.[旅行] 依舊起碼一年一次 (已經開始計劃緊日本關西 & 澳洲之旅) 9.[愛情] 哈哈,有目標嗎? 10.[快樂] 珍惜快樂,即使不快樂,也要笑著活下去,告訴自己快樂是掌握在手中! 11.[賺錢] 繼續之前的計劃? 實行賺錢大計,真的要開始,又或者有新計劃,目標年新收入是20k ,太多嗎? =( 12.[改變] 不要再太情緒化,好好控制自己的情緒,要成長了 (即使不喜歡,也不能表露出來) 13.[人生] 儘管人生是迴旋,但也要活得實在,也要不停探索不同的東西,試下新餐廳?試下新挑戰?有人陪我嗎 ? =( 14.[戒] 減少沉迷手機遊戲 (外出的時候才可以玩) 15.[Code] 要學識多d programming,好難講清楚 =(   我在想訂立目標的時候應該訂高d? 定其實已經太高了? 有d野好似好空泛,有d偏離訂立目標的原意,唔知過左一年最後上面的目標和計劃會做成點 有d太簡單,有d講完同無講一樣,不過真正要紀錄是我自己,真正要檢討也是我自己,而你,今年有什麼目標嗎?   最後祝新年快樂!心想事成!   題外話 : 1月1日終於花左幾個鐘,砌好聖誕交換禮物的模型 (Star wars AT-ST),第一次砌模型,整斷左兩度,不過唔顯眼。 雖然砌砌下好想休息陣,但都係堅持住,終於完成了。 其實details位整得幾好同仔細,左右兩枝炮好繁複,入面又有兩個駕駛員,同埋可以較關節位和真係企到。Thanks vivian =)   1月2日睇左sherlock holmes (The abominable bride),簡介自己去上網搵吧,個人覺得幾好睇,時間的跳轉有點令上追不上,究極最後身在瀑布 定 飛機 定 過去1853年 定 2016年,Mind Palace真的是一個很複雜的世界。 不過今次最想帶出是女性平權,大部人都想輸的一場遊戲,Moriarty應該真的死去,而背後的兇手就是一群人,為未來而努力。 一場革命成就未來,然而今日的香港呢? 另外什麼是”馬蹄內翻足”?鴉片館?  哈哈,有點get不到,笑點?  留名等大家解釋 =)   1月3日收到來自大陸內地的嫁女禮餅,感謝。 剛上網查過,每包大約2.x元,不太敢吃,你懂的。