Tag: 世界盃

旅遊記錄

德國奧地利之旅 (七八) 柏林@Designer Outlet@猶太博物館@德國歷史博物館@布蘭登堡門@柏林圍牆紀念館@恐怖地形圖紀念館@柏林圍牆

柏林的第三日,第一站去柏林Berlin Designer Outlet 首先搭巴士去Potsdamer Platz,跟住火車去Elstal,再轉662巴士 德國的雙層巴士,車頭同尾都有樓梯上落 同埋坐位好單薄,左面設有暖氣,整體感覺同香港不一樣 入面賣的野唔算做平,當到此一遊 反而鍾意果個車站,好多路軌,好wild和空曠 唔通自己叫thomas就鍾意火車同路軌 = = 好快就返左去市區Potsdamer Platz,見到第一塊柏林圍牆,上面好多香口膠… 同埋好多依種一齊踏單車,好多款,另一種方式遊柏林 ? 去左Mall of Berlin food court依左個雞飯… 之後就去柏林猶太博物館(Jewish Museum Berlin) 印象是當年他們只能帶一件東西走 Garden of Exile 抬頭望到的是希望 ? 一張張憂愁的鋼面孔,踏過的時候發出da da的聲音,妨佛不停的哀嗚 之後再去下一站,德國歷史博物館(Deutsches Historisches Museum) 途經柏林音樂廳(Konzerthaus Berlin) 德國大教堂(Deutscher Dom) 柏林國立歌劇院(Berlin State Opera) 之後就去到德國歷史博物館,但得好短時間睇 倍倍爾廣場(Bebelplatz) 廣場中間有個玻璃位,放左個空書架,紀念當年焚書事件。 之後行左去Ampelmann小綠人專門店,成間都係賣相關的精品。 同埋Berlin另一特式係好多依隻Bear,有唔同的款 布蘭登堡門 個晚係第二場分組賽,德國對瑞典,所以個廣場有活動,氣氛超好超多人 德國國會大廈,好後期先知道,如果要去,記得提早預約 https://visite.bundestag.de/BAPWeb/pages/createBookingRequest.jsf?lang=en 猶太人紀念碑 最後簡簡單單食左餐飯就返酒店 最後一日在柏林,剛好是星期天,去左Flea market,但落雨唔太好行 跟住就去左柏林圍牆的遺址同柏林圍牆紀念館 Chapel of Reconciliation 之後就去左checkpoint Charlie 有興趣可以買柏林圍牆,真係會有人買 ? = = 附近仲有個好細好細 Trabi Museum 恐怖地形圖紀念館睇左陣 之後就去左Fassbender & Rausch百年老店買朱古力 之後行過去East side gallery睇埋靜低的柏林圍牆 途中經過”香港特別行政區政府 香港經濟貿易辦事處” 終於去到East Side Gallery 當年這道牆分隔了東西柏林,好多塗鴉引發大家的反思 你like左我個page未 ? 最後食完飯,返到酒店附近見到一個已撞毀的車輛,是否有一些暗示? 亦畫上在柏林遊歷的句號。

旅遊記錄

德國奧地利之旅 (二) 海德堡@舊城@古堡@老橋

如果每日都好似Frankfurt記錄,應該有排都講唔晒,省卻返d早餐同無特別的地方。 Flixbus去Heidelberg(海德堡)平好多,時間都差唔多,來回大約16Eur。 上車位置近HBF後面,由酒店行過去都要15分鐘。 海德堡落車的位置,離舊城區有少少遠,慢行十五分鐘,快行十分鐘 (我驚miss左回程班車,行得超快,點知仲衰過KMB,好似遲左成半個鐘先到) 我當時以為係教堂,唔識德文無計,原來係海德堡啤酒廠 ?! (依家先知lol, 二次旅行, 睇返d相回憶返一個月前…..) 舊城區 第一次見到個吹泡泡的公仔,其實好多地方都有 (原本心諗有個細路吹泡泡? ) = = 印象中有幾套hollywood電影類似係依類型的街道拍 好多連鎖店,如果你鍾意shopping,應該有排都去唔到個城堡 世界盃熱潮,波,全部都係波 成個旅程去左好多間德國書店,其實我都唔識德文,去書店做咩 🙂 當欣賞下書店設計吧,簡單整齊,對比香港的連鎖書店來得有品味。 最引起我的興趣係以下依樣野,好多間都有賣,就係單車叮叮 在香港一般都唔會見到(香港沒有空間搭單車),而且款式好得意,可以用作紀念。(不過價錢就唔平) 其實依枝野同coca-cola係咪冇分別 ? 上網google靜係話可樂公司出,加左橙味 ? 但我記得同紅色樽無分別lol….. 但點都好飲過德國買的雲呢拿味可樂. 有個戶外被你睇書,真心曬爆 每個地方就一定有的教堂 Jesuitenkirche 市集廣場的中心位置 簡單食左個飯,之後繼續上路 海德堡之吻,點知星期一唔開,話要準備之後幾日的朱古力 好彩去左間餐廳買左個朱古力補數 買左Eur 7門票,包上山同去個古堡睇 個景好唔錯,同旅遊書介紹的一樣,紅屋同老橋 古堡的外圍 入面最主要有幾棟野,但好多城方都預約先入到去 另外有一個戶外小劇場,估計做drama時用 入面主要有個藥事博物館同世界第一大酒桶(而我不知道真假,雖然個酒桶大,但未至於世界第一?) 之後就落返去海德堡老橋 望返上去,個景都幾正 就唔係咁夠時間去哲學家之路,就要打道回府 返到法蘭克福食左個burger同睇左世界盃英格蘭對突尼西亞

旅遊記錄

德國奧地利之旅 (一) 法蘭克福散步@歐元塔@羅馬廣場@法蘭克福大教堂@施泰德美術館

機場出市區,我地搭S1定S8出市區(好似~11Eur),個女人好想打爆我的樣 15分鍾左右就到左法蘭克福hbf,令我回想起Melbourne 個central station,沒有第一次看見那種震憾。 不過真的跟香港很不一樣,廿多個月台的車站,在這裡會合了早到的朋友仔,之後就去了酒店放低行李。 法蘭克福散步之旅 (是日星期日,商店同超市都收晒) 雖然平日都唔係好多日,但星期日更靜,但幾適合星期日散散步。 歐元塔(Eurotower) 附近就係銀行區,有座我成日講的黃絲帶銀行 (德國商業銀行) 就係喜歡在國外的空曠,明明在市區,卻輕易望到藍天 周街都好常見到噴水池 同埋好多別具意思的雕像 (Gutenberg-Denkmal) 新樓,起緊的樓,舊樓 Katharinenkirche (卡塔琳娜教堂) 而我不懂得欣賞的像 跟住行去法蘭克福羅馬廣場,路過教堂 Liebfrauenkirche (聖母教堂) 無咩人幾好,好靜好慢 不過依一幕令我回想起四年前的香港 這一天是世界盃分組賽剛開始,德國當晚第一場分組賽,不過我是太天真了 在聖保羅教堂前面,有人protest,分別是右翼反對政府/難民和支持者,兩班人不停叫口號和吹beebee 但印像最深刻是在旁一大堆的警察。 過少少就係法蘭克福羅馬廣場 比想像中細,我以為是一個好大的廣場,可是一眼望晒,好細 仲有維修的正義女神噴泉,睇返張相留意到個屋頂有個人,係張張相都係同一個姿勢,究竟佢做緊咩野?! Friedrich Stolt 跟住行左去法蘭克福大教堂 跟住行左去美因河同Iron Bridge 教堂 n 教堂 n + 1 生晒草的屋 ? 之後就開餐 Atschel  食左豬手,腸,豬扒,好好味 🙂 亦飲左第一餐啤酒! 食飽,繼續下午的散步 好面善的制 bitte berühren (please touch) 跟住去左施泰德美術館 藝術的野我就唔太識 🙁 Frank Auerbach & Lucian Freud 特別展,依個係Frank Self Portrait,好形 最鍾意依兩幅 雖然簡簡單單,就是喜歡那份寧靜和落寞。 另外可以download個app,都有部分介絡 http://www.staedelmuseum.de/en/offerings/staedel-app 行完差不多7點多 同埋德國對墨西哥已經開波,好多人睇,結果大家都知道 🙁 最後食左Kebab就返歸休息,依一日早機到步,行左成日,去到八點幾九點先返去,累透了。

旅遊記錄

德國奧地利之旅 (零) 香港機場貴賓室@多哈機場貴賓室

首先去旅行就要做足準備,要申請定張可以入機場貴賓室(lounge)的信用卡。 首推CX AE Elite卡(美國運通國泰航空尊尚信用卡),唔洗話簽帳幾多同預約入貴賓室,一年後cut卡 無限次入全球Plaza Premium Lounge (主要東南亞機場) 一年入四次Priority Pass (CX Priority Pass online form填完寄返去) 免費有Marco Polo Club綠卡 (俾錢時揀用CX AE Elite Card就唔洗俾錢) 可以獲取Asia miles (5000里) 迎新簽賬HK$5,000獎賞 (2000里) 被我推薦獎賞 (條件: 首3個月內簽賬滿HK$5,000才有) (1000里) 網上申請額外獎賞 (1000里) 基本簽帳里數 (首3個月內本地簽賬每HK$5 = 1里數) 簽$5000 就有9000里數 我的推薦連結 (利申: 推薦人我會有3000里數) 提示: CX AE好快批卡(幾日),Priority Pass就1個星期左右收到 歐洲機多數夜晚飛,我地就提早左去環亞機場貴賓室 (近40號閘口, 用上面張CX AE卡免費入),食左第一餐 野食種類就一般,魚旦河,薯角,燒賣…etc 個lounge都算大,同埋我鍾意個景多d,望住個機場多d 去過十幾個機場,香港始終係其中一個比較喜歡的機場,我鍾意果種沒有”壓迫”的空間感 QR 817 (Boeing 777客機),飛往多哈,程機都算full,亦展開了飛機吃同訓的環節 每個座位都配備了枕頭,毛毯和護理過夜包(?)。 入面有牙膏,牙刷,襪,耳塞,眼罩和潤唇膏。 附上主餐Menu,味道就一般,但就不停食食食同訓訓訓。 第一餐飛機餐 第二餐飛機餐 矇糊地飛左好多個小時去到中東的多哈哈馬德國際機場(Doha Hamad International Airport) 正值世界盃,機場有一個範圍會得睇直播 我當初申請左CX AE同Priority Pass就係要入Lounge 多哈沒有環亞lounge,所以用左Priority Pass入去 (Al Maha Transit Lounge) 可以食下野,飲下野,其實都可以沖涼ge… 不過人就好多,位就唔太夠,環亞果d感覺大好多。 機場有歌層,裡面有個列車可以方便去返唔同的area。 但去程轉機,完全唔洗過security check,落機就可以直接去lounge,上機都無檢查。 繼續去下一站德國 QR 069 第三餐無影相,有一個蛋糕同好似雞批。 第四餐飛機餐 而依班機用新的entertainment system,雖然內容差不多,但就快好多,不過四程機,最好的係A350 再飛多六個鐘,終於去到Frankfurt機場,跟住就去拎行李,然後去接機。 因為大家從香港出發,但搭唔同機,而我早去到。 好鍾意依種跳字的航班展示牌 最後花左一日時間,食左六餐左右,睇左兩套戲,訓左唔知幾耐。(最後無去法蘭克福lounge) 而另一個friend早兩日前已經去到,之後我倆就搭車出市區,正式展開我們的旅行了。