Category: 旅遊記錄

旅遊記錄

澳門兩日一夜

工作一周年假期,再加上媽媽去了旅行,要彌補爸爸沒得去,所以安排了兩日一夜之旅。 對上一次去,已經是六年前了,這次心態不同了,環境變了。 這次選了不一樣的路線,經港珠澳大橋前往澳門,時間花了兩小時左右,跟坐船差不多。 今日是星期日,人不多,車更少,所以好快就到澳門,去左澳門半島先(先搭去港澳碼頭再轉英皇賭場車),食左個好普通的午餐,再四周參觀。 原本以為無咩人,但大三巴依舊仲好多大陸人,六年前同今日參不多,可是真的老了,沒有爬上樓梯和炮台。 之後無咩野行,就去左氹仔(係英皇旁邊有得去新濠天地),參觀各大賭場,同幾年前比,已經變左好多,全部都有大商場同吸引設施,同埋好似就快會有澳門輕軌。 去左永利皇宮搭纜車,睇水池,再經高美高梅賭場行到今晚的酒店澳門喜來登金沙城中心大酒店除左等check in等左半個鐘其他都幾好,好鍾意個境,望住新濠影匯同巴黎鐵塔。 因為book左8點鐘的水舞間,去左food court食左個好簡單的偽萄菜,就行過去新濠天地睇show。 九年的水舞間show,還是頭一次來觀看,故事不是太明確,漁夫,青年從壞女王手中救被困的公主,最主要是看特效,表演,水和電單車,欣賞視覺效果。整體來說都是不錯,主要讚嘆演員精彩演出,再加上舞台變化多端,從水舞台一下子變到浮起乾的平台,從空中吊到平台和水上,升升降降,場景的變化,都十分令人目不暇給。 不過這類型的show對我來說,欠缺一番共嗚和感動,只是看完就算了,但都建議大家一賭水舞間的視覺舞台藝術之旅。 暫時研究過最平係klook訂水舞間水上匯演門票,幾方便。 睇完已經9點半多d,去左新濠天地賭場望左下,就行返去金沙城中心大酒店,原來以為好遠,但其實好近,個夜景都幾靚。 金沙城中心大酒店的方向好正,望住巴黎鐵塔成晚,有好多感情,一年,三十年,人是渺少,什麼是喜歡,好迷茫。在賭場上看到賭台的錢一秒輸幾萬,究竟有時候為什麼人要努力工作,什麼是命運。當然我是一個腳踏實地的人,只會玩角子機(老虎機),而我則好奇他們是什麼心態向身份在這個世界出現。 望住外面的燈光,一閃一閃,華麗的背後是人性的醜惡,不過人家什麼事跟我沒有太大相關。 坐在窗台,我深思著下一步的路,明天,未來。由當年的年少無知,反觀背後熟睡老邁的父親,我是以什麼形式存在,有一種害怕歲月的感覺,時間分秒流逝,但我跟十年前,二十年前的我沒有分別,依舊是幼稚天真,依舊是弱小懦弱,那份無力感,不單單是沒有信心,不單單是欠缺承擔,而我也不知道自己內心的真我,那份迷茫,那份疑惑,那份膽小,我是誰? 最後睡著了,迎面而來是另一個清晨,另一個沒有答案和方向的一天。 沒有訂酒店的早餐,途經了威尼斯人和自助步行系統走到官也街,吃了個普通的豬扒包和奶茶,展開了不用上班的今天。 官也街也不是很多人,很快就逛完就行返去銀河,等食午餐。 難得去澳門去食自助餐,但因為尋晚睇8點show,所以就廢事太趕,所以冇安排自助晚餐,而揀左食中午的自助餐。係klook預訂左 JW萬豪酒店的名廚都匯自助餐,係klook見評語哈差,食物種類算做多,有北京填鴨,熱食和幾多的甜品。味道算做一般,可以一試,生濠要晚餐先有。 食完差唔多兩點,就打道返香港,再經過港珠澳大橋去香港機場返屋企,差不多花了三小時由氹仔返到屋企,累透了。 總結: 港珠澳大橋同搭船差唔多時間(因為由屋企去碼頭都要成個鐘,但價錢就平一半),人流好少,所以都幾方便。 澳門過左咁多年,賭場的變化好多,銀河同之前好唔同,多左好多商場,當年要過八線的馬路,但現在有很多天橋和將會有輕軌),賭場的數目多左好多,永利皇宮,新濠影滙,巴黎人等等都是第一次去參觀,反觀澳門半島(除左大三巴附近外),大馬路另一邊好多小店都關晒。 兩日一夜,重遊六年前(有印象的時候應該大學一年級?十年前了)去的澳門,比起以前更華麗,更商業化,簡簡單單遊一遊,不知道下一次會否十年後再會(如果我還在)。 P.S. 玩角子機輸左 $100 🙁 最高去到 $247 ga….haha…一個簡單的紀錄 Reference: 「名廚都匯」自助餐 – 澳門JW萬豪酒店 水舞間水上匯演門票(無需換票 掃碼入場)

旅遊記錄

尼泊爾行山之旅 (下) (博卡拉 + 加德滿都)

博卡拉 回到Pokhara,食左KFC lunch,沿著lake行了一圈 途經傳說的恐佈摩天輪,佢寫住disneyland,好似用一個摩打令成個野轉,好危險 旁邊仲有海盜船,同樣原理,唔夠膽玩 買左枝潤唇膏,夜晚寫晒post card 🙂 原本以為post card要花好耐,見朋友尋日收到(大概12日左右,酒店個人仲話3個月) 第二朝去左玩paragliding (滑翔傘),天氣一般,只能隱約看到annapurna,不過係一個幾好的體驗 下午去左Gupteshwor Mahadev Cave,一個好臭好熱的洞,唔太值得 之後去返對面睇Devi’s fall,可能遲下雨季暴布會大條d,依度起碼無個cave咁焗 之後就去世界和平塔World Peace Pagoda,由devi’s fall行左好耐(1 hour) 睇左陣又開始落雨,搭的士返去 其實酒店離遠都望到座和平塔 之後下就個雪山又出返黎同出去食晚餐 之後一日,坐左3個幾鐘巴士去玩rafting,玩左兩個多d,再坐4個鐘返Pokhara Rafting幾好玩ge,不過搭車來回就好花時間,坐到忽必裂 2/4 起身見到個熱氣球,唔知危唔危險 之後7:30am坐同樣的巴士由Pokhara返Kathmandu,花左一日時間 最後幾日住Kathmandu Boutique Hotel (HK$133一晚) 好過之前住果間Kathmandu Home,近Thamel同Durbar Square 加德滿都 博拿佛塔 Boudhanath Stupa,全世界最大的圓佛塔 記得行同轉都係順時針 Pashupatinath Mandir 印度教先入到去,唔知入面點樣 Kathmandu Dubar Square 加德滿都的杜巴廣場可以由酒店行過去,好多都維修緊 下面是Kumari(被選中的小女孩住的庫瑪莉神廟),見到個細路女,但唔可以影相 第二日去埋Patan Dubar Square 食,無咩特別,唔係特別好味,無咩深刻印象 來來去去都係咁,momo,炒飯,burger,padthai,curry,面 Random 回程 好彩KA103無delay,加德滿都機場好細,得5個gate,人好多,港龍飛機餐就普普通通 回程4個鐘,睇左spiderman同億男,跟住返到黎香港已經係星期六凌晨4點,等頭班巴士返屋企 手信 最主要買左茶(masala, black tea),cashmere同包印度的lays薯片 🙂 後感 Trekking開始的時候好驚會應付唔到,同埋有高山反應,不過依家回想起來,一日唔試都唔會知道結果,過程中有高山藥的副作用,手腳面麻痺,憂慮左成日是否高山反應,最後抱著愉快的心境去接受和繼續行,最後總算做成功完成整個旅程。 這次去尼泊爾有一些較為深刻的事,反思究竟自身。我喜歡深層次內心交流,而不是背面上的寒暄和對答。 在rafting的回程,乘上local bus,旁邊是個當地27歲年青人,他主動向我打開話題,傾談後充滿感概。 他是一個ASP.NET Programmer,住在kathmandu附近的村莊。在Yoga lesson時,他的友人不停地告訴他世界是怎樣,但自己連Pokhara都未去過,所以這次要獨自去Pokhara一個村莊(從未踏足的地方)。他又問我去過什麼國家,但他說這次去的地方外表跟他的村沒有分別,但我只好苦笑鼓勵他,不一定外表有別才是旅行,最重要是過程,可能會遇上不同的人和事,最重要是嘗試,跳出自己的comfort zone。 片刻的對話,看得出他應該是上進的人,學習多種外語,的確好悲哀旅行只是去一個差不多的地方,反身自己好幸福,能夠去同的地方,我應該覺得幸運,能夠生長在香港,珍惜現在擁有的。 而咩係命運,被選中的小女孩成為Kumari後,就要在廟中成長十多年,成為活神是幸福定悲哀? 自由是什麼? 30歲之旅完結後,我覺得要堅持表達自己,不喜歡要說出聲,加油努力,應該要訂下新的目標。

旅遊記錄

尼泊爾行山之旅 (上) (Poonhill + 原本ABC + mardi himal)

剛好回來一個星期,趁著還有記憶下寫返個travel log,今次以簡短形式記錄行山之旅和Pokhara /Kathmandu的遊歷,一切詳細情況盡在不言中,靜係睇圖可以去twitter。 2019年3月前後18日共行程,洗左差唔多一萬(其實應該唔洗咁費),最主要的洗費是請左guide+porter同玩左滑翔傘。 物品和裝備 因為主要是去Trekking,所以帶左個osprey 48L Kestrel backpack(~12kg) 同一個普通袋裝野。 一對行山杖 (最後個人用慣一枝,所以帶一枝都夠,係雪地泥地上落山都好有用) 頭燈 (主要Poonhill上山睇日出,同埋Rest camp或以上高的地方未必有電,去廁所同房間好有用) 睡袋 (唔夠暖時用,同埋唔驚髒可以唔洗帶,guide同porter都係直接用) 水樽 (自己帶左一個1L摺得埋膠水樽,暖水樽,400ml樽,其實暖水樽同膠樽都唔太常用) 冰爪 (High camp去upper view point和落山去forest camp時候著,但其實poonhill落山都可以用) Tissue (一卷,好多地方都無要自備) 太陽眼鏡 (去到最頂雪地必備) 防曬 (基本日日都有用,返左黎黑左外無曬傷,主要SPF 50) 登山鞋 (著住去,solomon mid gtx 3) 拖鞋 (係酒店/hostel時著) 防曬Cap帽 (基本每日都有戴,除左上雪地戴冷帽) 冷帽 (頂頂時戴) 頸巾 (都係夜晚唔夠暖時用) 手套 (都係上頂時候先有帶) 防風防水外套 Shell jacket (有雨同早晚時著) 羽絨 (靜係去到頂4000m先有著同有時候夜晚訓覺著) 抓絨衣 (無著過,基本羽絨己夠,行山時會行到好熱,夜晚著羽絨同睡袋都夠暖) 洗護用品 (牙膏,牙刷,毛巾,沖涼水,洗面,保濕,剃刀) 保暖內衣 (2件 uniqlo heattech) 短袖Tee (3件,無洗過著左好多日 :)) 長袖Tee (最主要上到高地先著) 行山長褲 (2 條) 保暖長褲 (訓覺時同上到頂的時候行山著) 短褲+legging (2條短褲訓覺著) 襪子 (4對) 紙底底 (懶得洗, = =) 相機 (Nikon D7100, Sony Rx100) 濕紙布 (純水同消毒) 藥物 (防高山證藥 Diamox (Acetazolamide),止傷,屙嘔,傷風感冒,膠布,虎標萬金油(尼泊爾好多地方都有得買),仲有係pokhara買的淨水丸(好似170RS),暖包) 零食 (餅同energy bar) 照片(之前已經send左相被guide,所以最後靜係買sims card用左一張only) 其他 (轉插,萬能插,尿袋,萬用刀 (最後好彩無用到, = =),指甲鉗,筆(出入境填資料用),啤牌) 哈哈,太懶無執到靚一靚去影相,一台野塞入兩個袋共17kg 行程 20/3  搭飛機 港龍 KA104 香港HKG 7pm -> 加德滿都 KTM 10pm 21/3 巴士日 加德滿都 7am -> 博克拉 3pm 22/3 Trekking Day 1 Pokhara(860m) Taxi-> Nayapul (1050m) – > Tikedhunga (1577m),  2h48m trekking 23/3 Trekking Day 2 Tikedhunga(1577m) -> Ulleri(1940m) -> Ghorepani (2874m), 7h54m trekking 24/3 Trekking Day 3 Ghorepani(2874m) -> Poonhill(3210m) -> Tadapani (2690m),5h22m trekking 25/3 Trekking Day 4 Tadapani(2690m) -> Jhinu(1820m) -> Landruk(1565m), 7h trekking 26/3 Trekking Day 5 Landruk(1565m) -> Forest Camp(2425m) -> Rest Camp(2600m), 3h40m trekking 27/3 Trekking Day 6 Rest Camp(2600m) -> Low Camp(2995m) -> High Camp(3500m), 5h23m trekking 28/3 Trekking Day 7 High Camp(3500m) -> High […]

旅遊記錄

西安聖誕之旅(四) 湘子廟@天主教堂

第四天 最後一天,3點幾飛機,所以十二點要返hostel拎野等送機,所以行程挺簡單,只是在四周逛逛。 其實書院門有間關中書院,但寫住謝絕參觀,所以沒有進內 之後行左去湘子廟 對面就係好出名的湘子門青年旅舍 之後因為今日聖誕節,行左去天主教堂 (西安方濟各主教座堂) 同香港好唔同,是在戶外空地進行,參加左一陣彌撒,就打道回hostel (而信眾比較多中年人,而且唱的普通話也很難聽懂) 臨返去前,再食左碗biang biang面同冰峰(同橙汁無咩分別) 感覺送機比接機快,不消一個小時就到機場,真心唔明Steve job廣告 做代言人有咩吸引之處?權威d? 可以走頭等通道,快一點,不用排隊 再吃點小食和牛腩面 這個東航貴賓廳比起深圳好,有景同空間感好d,野食都多d選擇 回程的飛機餐選了雞球飯,飯超級硬,不好味 黃昏,夠鐘歸家了 終於完成整個旅程,前後共3.5天,一個簡短的旅程,體驗了”所謂頭等艙”,闊好多,可是食物唔太好,亦未能完全平訓(始終都係得2個幾得機程,唔可以期待太多)。 西安的小食是多,但也不會太難忘和好食,始終可能不習慣,而且有時候分不清是內地食物還是當地名物。 西安最令人難忘是華山,勇闖了5個峰,忘不了的飄雪,在西安城牆上踏單車,內內外外,寧竟who am i ? 這次旅程也遇上些陌路人,滿腔熱誠的大叔迫我繼續努力走完華山五峰,來自潮汕準備出來工作而遊走中國的同房,熱心阿姐教我點食高陵油餅。 2018年尾最後來了多趟旅行,令我走遠了,祝大家聖誕快樂和新年快樂!

旅遊記錄

西安聖誕之旅(三) 大慈恩寺@大䧹塔@西安城牆@永興坊

第三天 這天是24/12,其實好唔明點解要圍住棵樹,雖然是美,但很不環保 這天算做天氣好,終於看到藍天,永寧門行緊去地鐵站 其實城內外都好大對比,外面比較多高樓,城內較舊 地鐵同深圳分別不大,原本第一站係陝西歷史博物館,可是星期一是閉館 只好步行去慈恩寺 但整個大䧹北廣場都在維修,灰塵滾滾,真心不明白一大群人在工場旁邊掃地有咩用 都未整完,但成班人掃在清潔,浪費人力,這可能是大陸的文化,總要有一班人在工作== 內地的廣場舞和時常看到用水寫字 還有明明內地用唔到line,但依然會有宣傳 大慈恩寺 (40元) 登塔再要(20元) 其實西安都發展幾快,已經起左好多高樓,現在地鐵有3條線 亦好多商場,連喜茶都開到西安,香港的橋底辣蟹都有 跟住條街整,搞到花好耐時間先去到袁家村關中印象體驗地,食左碗biang biang面 之後就返去西安城牆 由永寧門租左單車 (RMB100 按金+RMB45 租3個鐘),踏左差不多2小時 之前一直害怕12月太凍,但下午其實還可以,不是太冷 究竟幾百年前,這裡是怎樣? 究竟那邊是內和外? 再次經過西安火車站,不過我在城牆上 天也漸黑,一次特別的兩小時體驗,但加上昨天華山之旅,真的是體力透支 5點半左右燈也亮起了 跟住去了永興坊(南門搭603公交去民樂園再行過去) 一個類似回民街,我是比較喜歡這裡,人較少,價錢感覺平d 不過似集團式營運,失去了小店和巷子的味道 跟住就是吃吃吃 還有網紅店,摔碗酒,成堆酒碗 還有一些表演 入面都幾好打卡,好多店都標榜網紅店和很多明星到過 一個寂寞的平安夜,四周都很多人,再次回到南門和hostel,室友走左,得返一個人 如果大家有機會去西唐可以看到我的親筆留言,哈哈

旅遊記錄

西安聖誕之旅(二) 華山

第二天 這天報了華山一日遊團 包華山景區 + 北峰索道門票 + 接駁車票 + 早餐(一個漢堡和豆漿) +  勞工手套 RMB289 (贈送機服務) 行程是6:20AM西安消防集合 (三環內滴滿快車可報銷, 申請退款) 8: 30AM到華山景區,之後自由活動,3:30PM集合 由於西峰維修不開放,只能從北峰上落,一口氣上了西峰,南峰,中峰和東峰,最後返北峰 累旁了,另外長空棧道沒有開放 🙁 首先係旅客中心,搭20分鐘左右接駁車就到北峰索道的站 如果唔搭索道,可以行上去,但冬天好似唔開,真係有排行了 一架纜車坐6個人,其實都幾危險,仲驚過海洋公園果個 天氣就一般,灰灰的,但就有雪 起行了 華山好多陡峭的石階,所以手套是必需的,同埋條樓梯雪要扶住鎖鏈!! 如果對鞋好sin,可以買雪夾,加落對鞋,成程都見過有人滑到,所以要小心。 (一般旁邊都會有像樣的樓梯,無咁危險) 行行重行行,上山去金鎖關最辛苦,其他的還好 配上後面的雪景真係幾靚 華山上有狗,貓和雀 仲有飯店和洗手間(但因為結冰,係無水ge) 仲有好多座廟 愈上到頂就愈少人,而積雪就愈多 條樓梯都好斜,經常有員工在掃雪…而旁條的鎖鏈下山時好有用,起碼有野扶住下。 花左差唔多兩小時,停下走下,影下相,終於到達金鎖關,最難的一段路完成了。 同埋成條華山的路都好多鎖,學業,愛情,財運等等都有,你也可以買返個掛上去 我估西峰索道關了,所以上面好少人,條路就更多積雪 同埋真係好多打卡位,山上的酒店(旅館)變得好夢幻,四周無一物,只剩下山和客棧 成條路都沒有人,除了華山松和雪外,就只有我一人向峰而上。 華山松都幾似聖誕樹,略帶點雪修飾,在這良辰美景和佳節下,別有一番風味 (其實是一種淒美) 景色真的很美,同時帶點涼意,多一份孤單 有時候覺得園區的垃圾箱比人更多,每十步一個,很現代,相信當初建立的時候挺大規模和艱巨。 這幾天一直都在聽文明西安人的聲帶,可能這樣會鼓勵中國人多注意整潔和文化。 不過整過華山園區都是禁煙的,但至少看到4個人抽煙(有的還帶著小孩),亂掉煙頭,問那裡能買打火機 (可是這些小部份人,但我希望大家能更有文化) 不過令我佩服的是他們能夠什麼都不帶,沒有帶水,只穿衛衣,穿高跟鞋,只背一個超細的LV包包,下著雪,中午3點多才上山。 過完金鎖關再走多一會兒路就到西峰頂,誰與我爭鋒 如果唔識武功,真係好難上去,真佩服金庸能寫出這橋段,配上功夫登上華山 延綿的山,如果能見度高一點就好了,聯想起台灣清境遼闊的山 遊人開始多了,下站去南峰,華山最高處,這個比較近,十多分鐘 居高臨下,雪和山亦令我回想起楚格峰,雪山,一種種回憶,這次登山比起楚格峰辛苦得多 一早知道長空棧道沒開,所以和西峰一種是有一點遺憾,沒有機會體驗。 在一塊木板上走動是什麼感覺? 究竟在這險要的斜璧行走是驚定興奮呢? 之後就落返中峰果邊上東峰 華山論劍,在這險要的山峰,王重陽是怎得天下? 同時開始下起雪了,一片片雪花落在衣服上,變得更冷 周圍更白茫茫一片,在中峰遠眺,同時加緊腳步了 最後東峰,懸崖峭壁,想必日出必是很美吧,雪也愈來愈大 第一次見到雪真得挺特別,很美,同時很累 最後時間也不多,要下山了 來到最後一站,鷂子翻身,我也想試試,不過時間有限和雪有點大就趕落山 希望下次可以一到下棋亭 在雪下,景色更加美,比起上山時沒下雪時候更有一種淒美 真正的飄雪,令下山時危險得多 最後加緊腳步,一小時內就下到北峰 再見華山,成為我的回憶 搭返索道落去,已經4點,返到西安市區已經7點幾 一條友去左間似大排檔(糊涂记),可惜得一個人叫得一個菜 想試葫芦鸡,但成兩斤,一個人點食 部長提議左個蝦球,話係當地菜,但係無咩特別 高陵油餅就特別,但超多同飽肚,食唔晒要打包 依一日又行左2萬8步,最後走返hostel,累透了的一天。 見到間店叫做純思想藝術學校用繁體寫,幾特別,係間art school