迴旋人生

電影‧電腦‧旅遊‧優惠 @ 文字分享‧表達真我

澳洲日本二十日旅程(後記)

關西中部九天 (11/3 – 20/3)

澳州新加坡十天 (25/3 – 4/4)

雖然兩個旅程中間隔左5日,但夾夾埋埋去左成20日,其實真係有d辛苦,不過這樣才是人生?才是年青時候才會做的事?

再次有好多人問同樣的問題,你一個人旅行孤獨嗎?

 

一切皆由於機遇,當初只是訂立去日本,簡簡單單一年一次去旅行,調整一下個人的心情,散下心而已。

而且已經不是第一次去日本,一個人也不會太困難。

但澳洲是突如其來的旅行,當初見到網上有張Scoot error fare飛,原本打算問朋友,可是期不夾,只好一個人買機票。

雖然買果張機票發生好多事,但張機票只係要HKD$500飛澳洲,所以買左先,到時再算。

最後又唔捨得浪費而迫著上路,所以一切都係機遇。

與其說因為孤獨而不去旅行,倒不如說因為不旅行而孤獨。

 

最後兩個trip都花左幾多錢,不過值得吧!咁大個仔仲未衝出亞洲!

日本機票連回程行李($1000)+酒店$2000+JR Pass$830+Cash($6500),花左一萬多去了9日。

澳洲機票($500+$300內陸機)+Hostel$1500+2 Local Tours($1000)+Cash($7000),花左一萬多去了10日。

 

不過最重要的唔係錢,而係經歷過什麼,其實有好多野都沒有紀錄下來,旅途中發生了許多事,遇到很多人。

我很感謝在旅途中出現的人和事,也許我是傻傻的,但你們依然跟我玩,也肯花時間載我去玩,去跟我說話,萬千感激。

有些人只是認識了幾天,或許一輩子也沒有機會再遇,但很多謝,願大家安康快樂!

 

日本

希冀找回那次九州之旅的感覺,可是大阪和中部卻給我另一種感覺,讓我認識另一面的日本,是繁榮嗎?

還是自己成長了,已經從不一樣的角度看這個世界,不過吃喝玩樂倒是挺不錯,只能說時間太短了,有機會要再去,但個人還是喜歡那藍天和大自然,下次要上高地,還有那些偏遠的地方。

 

澳洲

跟我想像中不太一樣,但大自然真的很靚。文化跟我們真的不太一樣,吃的東西都很簡單,而地方也大很多,沒有車真的許多地方也去不了(要去學車嗎?)。

不過第一次真真正正的backpacker,背著一個背包真的很辛苦,個袋很重,想買東西又害怕裝不下。每天又行好多路,已經行到生左水泡中仲有水泡,已經不再是享受,是一種磨練。

不過今次主要去城市,還有很多東西未試,很想去試skydiving。還有自己的英文真的很差,要好好努力。

 

兩個旅程,訓機場,斷左個眼鏡個柄,迷路了,吃到就快嘔,搭車/飛機就快暈到(其實我係廣州飛,所以由香港>廣州>新加坡>墨爾本>悉尼 = =) ,累到唔想再行,荒山野嶺驚返唔到市區,好多好多好事情。

仲有影d相好多塵= =,結果部分相有一粒粒野,同埋影相技術有待改善。

不過這次在旅程一個人過生日,是概嘆時間太快多於寂寞。
還是不想長大,不想面對各種事情。

P_20160328_125807

 

返左黎,終於預約到被討厭的勇氣,書中的年青人跟我有點似,正正是我經常問的問題,人生意義和目的。

雖然並非所有野都完全認同,但我們是活在當下,過去已經改變不了,採用決定論已經無補於是,要靠目的論向前行。

最重要是自己怎看這個世界,接受自己,最後尋找自己的價值。

 

不知不覺,工作差不多5年了,是時候向前行,多謝身邊出現過人和事。萬千分感謝,也許是殘酷,但我不能以害怕作藉口而停止長大,期待下次能去歐洲或更遠的地方。

 

雖然好白痴咁打晒個遊記出黎,但終於完成了,希望將來有腦退化也能記得起。

 

 

澳洲探索之旅(三) 新加坡再轉機 @松發肉骨茶@ Clarke Quay

最後一日,由中午搭飛機返新加坡,七個小時真的好辛苦,又訓唔著,又無野做。 = =

下次長途機都係要選返夜晚飛的,起碼眼訓d。

晚下差唔多七點返到新加坡,雖然個人仲係好辛苦好累,但阻止唔到我一個人繼續上路。

1. 松發肉骨茶(Song fa bak kut teh)

返到黎,見到好多漢字,感覺很親切。

由機場去Clarke Quay大約一個鐘,搵左一陣先見到松發肉骨茶,果度有兩間店,都有大約十個人排隊。

不過好快,佢就安排張四人枱被我一個人坐,哈哈。

肉骨茶

因為唔係咁舒服,再加上一個人,唔係叫到好多野黎試,有d可惜。

味道同我想像中唔同,我以為會好重藥材味,但同香港食的不太一樣,它們比較重胡椒味,無咩藥材味。

肉骨茶

2. Clarke Quay (克拉碼頭)

吃完之後,行左去Clarke Quay,一條河仔,兩邊好多酒吧。

P_20160403_201601

一個人靜靜地坐係河邊,休養一下,果程機實在太惡頂,個人暈暈地,係度吹吹風,讓人清醒一下,要撐到返香港。

望著遊人坐遊河船,外國人一般都坐戶外,但中國人一般坐室內,文化差異?

右邊會有個G-Max綁緊跳(G-MAX Reverse Bungy),有幾條繩彈成個位坐位上下跳,有時會有人尖叫。

我這面是個商場,沒心情入內看,對面就是酒吧區,有人係度唱歌。

坐左差不多成個鐘,就起程返機場,準備搭凌晨1點機。(PS,臨飛前再次去左Plaza premium lounge沖涼同食野)

這樣就真真正正結束了澳洲之旅了。

克拉碼頭

 

澳洲探索之旅(二) 墨爾本 Melbourne篇 > Queen Victoria Market @ Philips Island @ Great Ocean Road @ Puffing Billy @ Crown Casino

繼上一篇由悉尼坐Train Link回到墨爾本 Melbourne,經歷了十多小時終於清晨,捱過了漫長的一夜。

但下車的時候真的很冷,由二十幾度變到得返十幾度,墨爾本的清晨超凍,但這一個冷冷的早上開始新一段的旅程。

行程簡介(墨爾本 Melbourne)

30/3 [Melbourne city]  St Paul’s Cathedral > Hosier Lane > Flinder Street Railway Station > ACMI > National Gallery of Victoria > State Library Victoria > Carlton Garden > Museum Victoria > Queen Victoria Market

31/3 City Walk + [Half day tour] Maru Koala and Animal Park + Philip Island

1/4 [1 day tour] Great Ocean Road

2/4 Puffing Billy + olinda + Sofia pizza + Crown casino

3/4 Melbourne Airport 12:40中午機+ back to Singapore transfer

 

Melbourne 同樣選了YHA,Melbourne Central YHA,原因係較近southern cross station同埋評分都幾好,不過我還是喜歡Sydney Railway YHA。雖然Melbourne Central YHA較新,但張房卡超有問題,成日失效,要重新落reception,而佢地話唔可以同電話/信用卡/Myki卡放一起。而且每層只得一格廁所(另一格壞左),兩格沖涼+一個廁連沖涼的獨立房(男女共用),所以唔係好夠。另外無一個比較好的common area同埋房的分配超有問題,已經三次執錯位,根本分唔到邊張床有人,不過都算乾淨ge。

1. Melbourne City

第一個清晨放底著行李,開展了首日的城市探索。墨爾本好的地方係有免費的Tram,只要係市區的Free Tram Zone內就可以免費搭Tram,超方便。

Southern Station

旅程回覆得返一個人,有一種孤獨,但我要學會自娛,感受生命。(一個人的咖啡)

Coffee

Flinder Street Station 附近有馬車坐,可以用高人一等遊覽這個城市。

馬車

Flinder Street Station係一個好古舊的火車站,有過百年的歷史,之後搭火車都係以依個作為終點站。

Flinder Street Station

斜對面就係St Paul’s Cathedral(聖保羅座堂)

DSC_4487

內裡都幾高貴,亦很莊嚴。

聖保羅座堂

再過少少就係Hosier Lane,一條graffiti的巷子,牆上有好多塗鴉,而唔單純文字,有好多得意的畫。

塗鴉牆

塗鴉牆

塗鴉牆

而對面有Australian Visitor Center,有好多旅遊資料,另一面就係ACMI (Art, Film & Digital Culture),入面有好多電影同埋遊戲機的歷史。

ACMI

有講電影的歷史,好似中國,日本的電影介紹,仲有遊戲機,紅白機到minecraft都有介紹。

DSC_4540

旁邊就係Yara River,貫穿了整個Melbourne。

yara river

對面岸就有個National Gallery of Victoria (NGV),剛好有Andy warhol 同Ai weiwei的展覽,就入左去參觀。

DSC_4567

Andy Warhol 同 Ai Wei Wei 的名作。

DSC_4587
DSC_4602
DSC_4604

墨爾本的街頭比起來悉尼好行,同時可能是有免費電車的關係,所以覺得Melbourne city相對大d。

DSC_4616

之後去左Victoria State Library(維多利亞州立圖書館),入面好古舊,好靚,不過重點係好多人係入面溫書,而超過一大半都係華人。是否因為中國人勤力d?

DSC_4617

之後去左報名參加第二日local tour去philips island。(華人旅行社,果度有3間長城/長青/宏城,選左最平的宏城 AUD$65)

Carlton Gardens又是另一個公園,都有人野餐休息。

DSC_4623

後面就會係Royal Exhibition Building

DSC_4637

再後面就係IMax,入面正上演Superman大戰Batman。

DSC_4638

2. Queen Victoria Market

星期三晚先會有Night Market,一個好正的地方,又有野買又有野食。

DSC_4641
夜市

夜市有好多野食,有各國的食物,亦好熱鬧。

DSC_4644
DSC_4663

叫左個斯里蘭卡的面食同埋芝士薯仔。

夜市

食食下,睇下表演,不知不覺已經天黑,但愈夜愈熱鬧。

DSC_4679

3. Maru Park

因為宏城的半日遊會去Maru Zoo,所以我沒有去其他動物園,但真心覺得依個動物園好細同唔抵。

澳洲天空同日本有得揮,個天空好藍,雲好靚。

DSC_4680

個動物園入口有孔雀。

DSC_4685

仲有好為食的馬同雀。

DSC_4720
DSC_4728

不過最緊要的樹熊(Koala),一隻笑我的樹熊,一隻訓著覺欖得好實的樹熊,好懶洋洋呀。

 

DSC_4705

DSC_4709

另一班懶洋洋的動物係袋鼠(Kangaroo),成班訓係地,等住人喂。

 

DSC_4743

行咁近,好似想打我,我都驚佢地會揮拳打我,不過摸左佢地又幾乖ge。

DSC_4753

依隻係超大隻,完全忽視其他人。

DSC_4757

4. Philip Island

跟住其實係去Philip Island Chocolate factory,但又要額外加錢,所以我都無入去,係外面等。

旁邊好似有個農場,但好似好遠,沒有行過去了。

DSC_4776
DSC_4781 (1)

之後旅行團去Cowes(位於philip island)食晚餐,幾正,一個人坐係海邊食,有好多雀,同埋好多白人成家人黎野餐玩樂。

Cowes

DSC_4801

幾寫意,但一個人有點孤獨。

DSC_4804

跟住就正式去了睇企鵝,大部分應該都出左去搵食,得返依隻留在家中。

DSC_4809
DSC_4811
DSC_4838

不過依度唔係保育中心,去到保育中心唔可以影相,所以沒有拍照,只可以用公仔代替吧。

philip island的保育中心有個展覽台,可以在岸邊觀賞一排排的企鵝由海浪中慢慢集合,跟住一起走上沙灘,然後穿過我們的觀景台底下,慢慢走回自己的屋。你會聽到它們不們地叫,家人會告訴怎回家。

企鵝好細隻,好得意,同埋幾壯觀,不過果晚的數量不算太多。

保育中心

5.  Great Ocean Road

Great Ocean Road必影的入口。

大洋路入口

入口旁邊的沙灘

DSC_4857

沿著海邊走其實好似好危險。

DSC_4894

DSC_4901

中間站係食lunch,又係pizza and chips,唔記得食左幾多餐了。

P_20160401_121203

澳洲的公園,有滑板場(其實之前bondi beach都見到)

DSC_4905
DSC_4906
DSC_4908

重點,十二門徒石(twelve apostles)

十二門徒岩
十二門徒岩

DSC_4999

Razorback (尖削背脊峽谷)

尖削背脊峽谷

London Bridge (倫敦斷橋)

DSC_5052

Loch Ard Gorge (洛克阿德峽谷)

DSC_5033
DSC_5039

大洋路好大部分的時間都係坐車,主要去睇好多受海浪沖擊而成的石,壯觀,但天氣不太好,人也很多。

不過都值得一去ge,去感受大自然的強勢,但一日的行程就這樣結束了。

6. Puffing Billy (普芬比利蒸氣火車)

作為Thomas要去一下睇火車,這是最後一日,天氣真的不太好,下起雨。

要由Southern Cross Station去Belcrave,然後行過去。

DSC_5075
DSC_5084

好正,勁大煙,每經過馬路,大家都會跟我們揮手,即使坐在車上,也要跟我們揮手,歡迎我們來。

指定日子會有Thomas車頭,可是每年只有幾天才有,沒能坐上真的是可惜。

火車

坐了一個小時終於到了lake side

Lake side

Lake side環境幾好,依種係澳洲的BBQ,按制就會開著個爐,唔洗透火,好似燒烤,但我開左唔知點熄 = =

DSC_5130

仲有紅葉,好正,秋天來了。

DSC_5144

停留左一個鐘就搭12:30返去Belgrave,同埋好似有好多架火車。

DSC_5174

回程相對少好多人

DSC_5201

又另一架火車頭

DSC_5224

仲有好多玩具Thomas火車呀 !

DSC_5235

Thomas is coming 但這次沒有機會坐。

DSC_5238

之後一個人等巴士694去olinda,但真的等了很久也沒有其他人(一個小時才有一班),成程巴士只有我與司機。

DSC_5247

去olinda 的目的係去食Pie in the sky,聽說得獎了,吃了一餐悠閒的下午茶。

P_20160402_161311
P_20160402_153346

olinda其實好細,除左幾間餐廳外,還有幾間精品店。不過這裡太過偏僻,可能只有我才會獨自一個人乘車來。

之後乘了688 bus回火車站(Croydon)

真的很麻煩,也很怕走了班車,不過還是成功回到市區。

P_20160402_161525   P_20160402_161736

最後的晚餐,聽了朋友說這間店抵食,所以回市區的時候去了Camberwell station下車

P_20160402_180459

去了這間Sofia Pizza,一個人食pizza,叫左一個meat lover的細批同埋杯啤酒

但真係好crazy,食到想嘔,結果靜係食到一半,然後take away,返到hostel再食埋另一半。

真心唔明點解外國人可以咁勁,見到另一張枱個正常size的女仔,一個人食晒成個大批。我太差勁了,一個人食唔晒。

P_20160402_182751

原本打算去下其他地方(St. kilda),但開始夜了同埋有d遠,所以直接返hostel了。

朋友說,來到Melbourne就一定要去Crown Casino,所以就一條友去左賭場(Crown Casino),結果你懂的。

入面好多人玩角子機,仲有好多澳門無見過的dice遊戲,風格好唔同。

入面仲有好多餐廳,不過好飽,只好食個雪糕,圓了整個澳洲旅程。

最後返hostel執埋野,第二日十點checkout,再去機場,去新加坡轉機。

P_20160402_221958  P_20160402_220748

P_20160402_222022