人生七年

Up Series 又過了七年,當年的主角已經63歲,橫跨超過半個世紀,14個不同背景的人,由7歲起成為紀錄片的主角,每隔七年紀錄他們的成長和轉變。在不同的環境成長,大家有不同的變化和經歷,充滿感概。

其實還有好多類似的版本,中國/日本版等等,紀錄出大家成長的心態轉變,剛看日本版的28 Up Japan,1985年日本出生的一代,比較似亞州人的心態和環境,有一些共鳴。

今次唔係想針對階級對或私隱或道德上的批評,反觀對於自己的7年和成長系列,單是這個blog已經開左十年,我的心態有咩變化?我的成長和人生有什麼變化呢?

大家對我有什麼評價嗎?

30歲的我會在追求什麼呢?

當然唔會再好似年少時候話想要快樂,現在回想起來是多麼不切實際和天真。
現在的我是追求錢,希望買層樓,有一個穩定的生活,間中去下旅行吧。

你覺得7年後的自己會係點?

我唔知,但我覺得變化不會太大,正如十年前,二十年前一樣,好似無咩變化。
覺得7年後應該有錢買樓,另外30歲後多做左運動同跑步,仲有做gym,希望能夠維持下去。
所以7年後應該唔會中年肥胖,依家已經係依十幾年最瘦的一刻。
而生活上,希望能完成人生最大的投資,哈哈。

對過往7年有無咩後悔?

反而好似A講錯過好多事,但未至於後悔,因為現實太多事無法控制,再加上一路以來生活上都算做順順利利,平平淡淡。所以大家要向前行,加油吧!

最後明天是苗圃挑戰12小時慈善越野馬拉松,有d緊張,希望能夠完成目標,十個小時完成賽事42km,加油呀!

聽日完成左,再同大家更新!

從起點走到終點,完成了!!!!

5 Comments

  1. 最後未能在10小時完成,是有一點失望,但完成賽事是一種體驗

    可能多一點跟隊友強度的練習,應該會做到更好的成績

    最後隻腳好累,隻錶用到無電,腳指生左幾粒水泡

    如果可以推動team快一點,應該破10小時不難

    經過依幾個月的訓練,由擔心做唔做得到,到依家在限時內完成賽事

    第一次參加了42km馬拉松,仲要係山系,所以要好好獎勵自己

    過左這項賽事,可能訂立參加下純跑10km/半馬,挑戰下自己

    同樣地,我會繼績跑步,行山,踩單車

    大家都要加油,因為依種痛和累先感受到自我的存在 !

  2. 苗圃後一個星期,好似失去左目標了,無左份寄託,繼續無所事事

    今日再踩多轉去馬料水,踩熟左部車,睇下幾時踩入大尾督或者粉嶺

    上次話轉波有問題,整左成晚,研究左個變速器,知多左H/L同波線

    希望下次轉波,轉到去5/6仔

    見到Seaman決定去澳州旅行,究竟下年去邊度好 ?

    又想去台灣環島 (因為買左單車練習多左,挑戰下自己)

    又想去日本滑雪 (因為未滑過,想試下玩snowboard)

    又想去歐州行山或行朝聖之旅

    又想去行神山或印尼的火山

    又或者諗左好耐的內觀十日

    好多好多的諗法,但唔知點決定

    原本今日想一條友去行山,但係見媽練煮午飯就無去…

    最近成日聽依首歌 (在錯誤的宇宙尋找愛)

    https://www.youtube.com/watch?v=2J_0nahRxBk

  3. 當初買摺車除左錢以外,最唔想聽係阻住晒

    有時候,我想是否一個搬出去住,雖然好多野都要一個人處理

    生活的大小二事,清潔煮飯

    但有一個自己的空間去想做的事,自己主宰生活,甚至好似您講的成長

    現在怕阻住你訓,早d熄燈,成日依依呵呵,鬼唔知我想早d訓
    以前溫書,OT做野,我都係想盡自己本份去完成和達標,我都未試過通頂打機同玩而阻住您

    我唔係怪責佢的關心,而相反一句簡單加油努力,取代”仲唔訓覺”的怪責語氣

    依家成日話仲細咩,唔洗tum,但由細到大其實一次都無講過,所以我的成長路係孤獨的

    我成日都會在紙上寫加油,去鼓勵自己,好多時好無助好灰心好失意,默默支持的是自己

    我好想擁有一個人的空間,有時候想自己煮野食,但佢地又會話呢話路

    其實爸爸煮的菜很難食,甚至公司的canteen的頹飯都好味過佢,但我從來都是默默地吃

    他的眼中只有魚和菜(中式),所以我想煮也不能滿足到他的要求,還是沉默好了

    哈哈,可能我煮的比他更差,有時候還是不要說了

    成日話依樣阻住晒,或許我的存在都係阻住晒

    有時候,我真的不想存在,好想逃到世界另一端活,不想再聽什麼你們的話

    你們局限了我的成長,我想自由地生活,做我想做的事

    (的確我是很不負責任,但是我很渴望自由,明白事理和支持我的家人)

    你們不是打擊我就是說一些打沉我的話

    其實上星期隊員說會叫他的家人在終點支持佢

    識我的人都從未聽過我爸媽的事,甚至見過他們

    從來沒有人上過我的家,他們從來沒有來過支持我任何一件事
    (最多是一年一次家長日和大學畢業禮,如非必要,他們(或我)不想干預/關心我)

    小學/會考/高考放榜,都是自己一個
    一個人去旅行,質疑我
    如果我提出一個人去行山,已經有好多說話
    (所以不如不說,我夠想有人陪,但無人得閒,係咪唔去做呀?)
    如果我話去發夢,一定又有好多說話
    (佢地係其他人面前話,我咁蛇square一定唔敢出去,其實我係有去發夢,只不過怕你地擔心)
    (其實我做過好多野你地唔知,有次電視播緊玩滑翔傘,你地話咩咁危險,其實我玩過,如果要我去玩bungee jump/sky dive,雖然我驚,但我都會照玩,因為我未試過同埋我找不到自身存在感)

    所以我相信即使講參加比賽,佢地會支持我咩?
    果晚返到黎,真的很累了,好羨慕背後有家人支持,好想哭

    你們明白我嗎?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.