Tag: 溫泉酒店

旅遊記錄

東京旅遊(三) 箱根@大涌谷@羅根公園@綠色廣場箱根酒店

第三日開始用箱根周遊券,一早去到新宿小田急線乘浪漫特快(9am),一個月之前晨早預約搶的前眺望席。 放左行李係酒店,黎緊一晚會係箱根過夜。 今日(23/11)係日本公眾假期,所以成架車已經full左。 不過有個壞消息係由尋晚開始落雨,去到箱根先停雨。 但之後一直天氣都不錯,但箱根比預計中熱,同東京的氣溫一樣。 前眺望席B1, B2, B3 🙂 800Yen便當,但已吃飽飽早餐 10:25AM 好準時到箱根湯本駅,跟住走到對面搭登山鐵路,但好多人無位坐。 登山鐵路會走”之”之形,一時向前走,一時向後行。 花了四十分鐵終於到達強羅站,即刻直衝上大涌谷,即係跟著人潮踏登山纜車 有少少似香港纜車(其實我未搭過),八分鐘就到達早雲山站 之後在早雲站搭箱根空中纜車,佢會派包濕紙巾,預防火山釋放有毒氣體時用。 我地上去時好好天氣,有陽光,唔係太大霧,但係朝早落左雨,個纜車好多小水點。 上到去係天晴,藍天沒有雲和霧。 下面就係大涌谷,感覺好似去左第二個星球有採採工程,洞不停噴煙 落纜車時影的一張相,你有無發現張相的重點? 富士山!山頂!哈哈 之後又研究下面採探的地方,沒有發現到人,只見不停有煙噴出,溫泉水就是從這裡來嗎? 原本想行遠d,但爸爸媽媽走不遠,同埋過一陣超大霧,只好到此一遊。 黑色大蛋蛋,你見到圖中開始大霧,唔知再上有咩野。 必吃的黑色溫泉蛋,延年益壽,食左2粒,我應該會幾長命。 之後就搭纜車落返去強羅駅去食飯。 登山纜車兩旁都有好紅,幾靚,可惜拍得不好 這裡的山沒有台灣清境那種山延綿不斷的感覺,給人是一種遼闊大地。 而這裡還有屋,難以想像人們是怎生活,有沒有非旅館? 隨意找左間食午餐,食左天婦羅丼 正因為我地用箱根周遊券可以任搭所有纜車,可以任性周圍去。 其中免費入場係強羅公園,由斜路行五分鐘就到。 其實天氣不是特別冷,但你會見到坑渠會有熱冒出,唔知係咪溫泉,哈哈。 強羅公園比代代木公園多紅熱同靚。 強羅公園噴水池 紅葉集 強羅公園都有芒草,同埋行到3點鐘開始大霧了,於是搭返上去早雲山站去姥子駅。 在公園上駅等車,就是箱根美術館旁邊,震額外收費,而兩老也沒有興趣。 去返大涌谷,但往桃源台方向,面方富士山。 之後只有我們在姥子駅下車,我地間酒店好隱閉,係後面行3分鐘到。 Hotel Green Plaza Hakone http://www.hotelgreenplazahakone.com/ 特別果度有間教堂 http://hgphakone.jp/hakone_cms/ 影得唔夠個網站上面d相靚 間房係對住山同纜車 因為四人房,有兩張洋式床同tatami可以舖兩張日式床。 晚餐係自助餐,都算多野食(但自己都係想食懷石料理多d),比想像中好 唯一一個機會可以食生野和壽司 (因為兩老唔食) 吃到飽飽飽飽 甜品只是一般 之後食完浸溫泉無相睇,一個室外,一個室內,因為太黑,根本睇唔到富士山 亦唔算太多人,但始終唔夠當年九州正,同埋浸完溫泉無牛奶買 :(。
旅遊記錄

東京旅遊(前篇)

一年總要去一次旅行,九月尾終於決定今年目的地係日本東京,再次帶著父母去海外旅行。 2017年十一月中去了五日五夜,展開了一個左右做人難的假期,也分不清是喜是悲。 不過去之前終收返兩條數,總算可喜,唔算洗得太多錢。   前言 早已經帶過爸媽去台灣和泰國,個人又不太喜歡韓國,所以決定簡簡單單去日本。 而日本之前去過九州,大阪和名古屋,再偏向遊覽交通方便的大城市,即使行得耐都易於休息和搵食物,所以選了日本首都(東京),一個大城市去感受另一種繁華和再到一個新地方打卡,另外可以睇紅葉同聖誕燈飾。   行程簡介(21/11-26/11) 日期 行程 Day 1 成田機場 -> 淺草 -> Skytree 晴空塔 飛機: HX 608 9:15AM HKG – 14:30PM NRT 晚餐: 駒形Dozeu(浅草店) 酒店: 淺草Dormy Inn Express 溫泉旅館 交通: Access 特快 成田去淺草  Day 2 明治神宮 -> 代代木公園 -> 竹下通 -> 澀谷 (涉谷) -> 新宿 -> 六本木 -> 淺草 午餐: 東京トンテキ 渋谷店 晚餐: 普通拉面店 酒店: 淺草Dormy Inn Express 溫泉旅館 交通: 東京地鐵乘車一日券  Day 3 “浪漫”特快(e-Romancecar) -> 箱根湯本 -> 大涌谷 -> 強羅公園 午餐: 普通日本餐廳 晚餐: 酒店自助餐 酒店: 富士山を一望できる宿 ホテルグリーンプラザ箱根 (Green Plaza Hakone) 交通: 箱根周遊券  Day 4 海賊船 -> 箱根神社 -> 新宿 -> 淺草 午餐: 普通日本餐廳 晚餐: 普通日本餐廳 酒店: 淺草Dormy Inn Express 溫泉旅館 交通: 箱根周遊券  Day 5 淺草寺 -> 台場 -> 京成成田 午餐: 普通日本餐廳 晚餐: 普通日本餐廳 酒店: 成田菊水大酒店 (The Hedistar Hotel Narita)  Day 6 成田機場 -> 香港 飛機: HX 607 8:30AM NRT – 12:50PM HKG 機票 香港航空 HX608 早機去,HX607早機返,因為果排香港航空無機票優惠,所以買左套票。 機票連最後一晚的酒店(The Hedistar Hotel Narita),因為三個人兩間房會貴多少少。 平均$1737 連稅同埋最後一晚酒店 雖然11月唔算旺季,以非廉航黎講,香港航空包餐同行李,價格最平為~HK$1400。 但我買的時候淨機票連稅要$18xx,所以去左港航假期買包埋一晚酒店,HK$17xx@,比起平時優惠貴少少。(P.S. 我搵過靜係得港航假期有香港航空套票買,其他expedia, ctrip, …etc都無,同埋靜係買一晚抵,如果買多過一晚一定要出去agoda, hotel果d買) 酒店 酒店買一定要價格,唔同酒店唔同價格,買的時候要留意有無信用卡優惠,agoda, expedia多數會有HSBC, 渣打, DBS優惠, 自己google,另外唔同link入去個原價都會唔同,所以要留意下。(P.S agoda 自己本身都有today deals,提供coupon,所以訂平酒店是一個學問,而我就唔詳細分享。) 比較酒店價錢 Trivago skyscanner hotelcombined 4travel.jp (日本專用, 溫泉酒店) 多數會用jalan,而今次用左近畿日本 想問酒店野,可以留言,如果我有時間會幫忙,習慣搵最平最抵的酒店(但記住唔係cheap, 係價值高) 研究左好耐東京酒店,主要分為新宿(最貴) > 上野 > 池袋/東京站 > 淺草 / 日本橋 因為我的條件係包早餐(懶得帶住兩老去搵早餐食),跟住又唔要太細同太貴(因為兩間房),所以只好選淺草,酒店相對平,而近旅遊景點。 淺草Dormy Inn Express 溫泉旅館包早餐,10樓可以浸溫泉,夜晚有免費拉面。最重要近地鐵站,無論由成田機場或去新宿都方便。(大約$600/晚/房包早餐) 而綠色廣場箱根酒店(Green Plaza Hakone)是因為爸爸不吃懷石料理,而只好選擇連鎖酒店和帶有自助晚餐,性價比合理的只有依一間溫泉酒店,即使只搭交通工具也很方便到達。(大約$2500/一泊兩食 3個人住四人房) 成田菊水大酒店 (The Hedistar Hotel Narita)就因為套票關係,再加上有免費shuttle bus直達成田機場(最早果班係6:30AM),其他酒店多數7AM和價錢貴少少,所以選左依間。 旅遊書 睇過幾本旅遊書,結果最好係網上,一本都無買,咩都靠自己,google是我的旅遊書。 反而有幾個apps好重要,去日本/東京必裝 Yahoo乗換案内 (https://transit.yahoo.co.jp/smartphone/app/) 東京地鐵遊客乘車指南 (iOS 版下載 / Android 版下載) 交通Pass 和景點pass klook 箱根周遊券 […]
旅遊記錄

九州旅遊(五) 由布院之森@湯布院@金麟湖@B Speak@黑川溫泉@御客屋

這一天再次離開博多,前往由布院(湯布院),乘了幾有特色的由布院之森線,上午九時多,去到11點。 因為趕不及買早餐,吃了之前買文明堂的手信,其實無咩特別。 中途其實經過幾個溫泉點,景色很美。 一出由布院駅就好似上左雪山咁,望著遠處的高山,是我們的目的地嗎? 去到的第一站是B-speak,因為很快就賣清,所以要趕住去,離車站都有少少遠。不過去到已經無晒細盒的原味,只剩下細盒的朱古力味,但照殺,然後就起程到金麟湖了。 好多人買,特別多強國人買,價錢唔算平,但可以一試。行去金麟湖,經過左好多有特別的店,有專賣龍貓和宮崎駿其他作品都有。 其實幾好Feel,好休閒好好好天氣。 去到十一點幾,係時候食前菜,牛肉煎餅,食唔出有牛肉味,但幾好味ge。 整條街好有日本感覺,平房都好古典。 除了商店和食店,湯布院超多溫泉酒店和旅館,有時間可以下午來留一晚。 金麟湖其實唔算遠,個湖都唔算大。 不過湖水很清徹,可以反射出天空的美景。不過好似最出名是早上時份,會有煙霧,所以美很多。 之後就沿著河邊走,看到許多魚,但好似唔驚人。有一邊會由水流入去,會有熱水(泉水),唔知成個湖水會唔會暖呢? 跟住就食主菜,剛剛買的B-speak 蛋糕捲,個外表包裝挺美,不過好快過期,所以不能買回去做手信。 獨自坐在湖邊,欣賞湖境幾寫意,不過真的很冷。 周圍探索會有不少特色小店,這店拍的相很美,不過反而更欣賞那窩心的指示。 除了金麟湖外,沒有什麼特別的景點,最後走回去,看看那些特別的店。 之後不經意走到這個Floral Village,旅遊書寫好似好大,其實入面的店很少,有間專看貓頭鷹的店,但要付入場費,所以走了一個圈就閃了。 但日本好似幾多專係貓頭鷹的商店給人參觀,可能對於日本人來說是祝福的意思吧。 其實除了日本野外,這裡還有英式的東西,有間專買這些車的模型,不過價錢很貴。 跟住再食主菜,哈哈,一路走一路食,花下的錢可能仲貴過一餐正常的午餐。 這架是龍貓的嗎?還是宮崎駿入面出現過? 幾特別的自動販賣機,旁邊有幾間專賣狗仔貓仔的產品,很貴的說,但很細膩。 再食下一樣,終於吃得飽飽的,再走到商店試吃。 =) Hello-Kitty名物當然唔少得。 除左家居擺設外,仲有幾間專賣紙制的東西,但不捨得買。 除了走路外,還可以坐馬車遊由布院, 差不多時間走回車站,準備下一站的旅程,乘九州產交去黑川。 因為班次不多,所以提早到車站,乘下午兩時五十分的班次,再次看到強國人一家大細的同車,不過起碼不是一個人乘晚士。 其實沿途的風景很美,看到一大片霜,可能這裡很高。成程大約個多小時,中途會停兩個站。 但真的很冷很冷,拍了幾張照片就回到暖暖的旅遊巴。 之前已經預訂了溫泉酒店,最貴的一晚,不過難得來到日本點都要試下。之前通知了”御客屋”巴士的班次,所以一落車已經見到有人來接我,可能他覺得會有好多行李,所以專程接我,但我無行李,只背著一個背包去旅行。 不過這酒店的人很熱情,英文都算不錯,溝通無問題。 當初選酒泉酒店的確很難,雖然黑川溫泉酒店很多,但接受一個人的很少,然後當日有位的也不多,受歡迎的帆山亭和新明館都沒有一人選擇,所以最後選擇了歷史悠久的御客屋,據說有三百多年歷經,以前古代的官人都曾來過。 我的是一人的房,好似得一間,6.5疊房,一宿二泊盛為什麼16000YEN,不過挺有風味。 好有日本風味,但我還是弄不清是否紙門來的,怕太力弄穿,不過又好似係膠。 整頓完都差不多六點了,緊係要先去浸溫泉,不過要學識著浴衣,左疊右,其實都唔知有無錯,哈哈。 御客屋有六個溫泉,有兩個私人的溫泉,跟住有兩個室內,兩個室外。有分男女,所以今晚只有一個室內室外的溫泉。 第一次先試私人溫泉,沒有特別的景,同台灣當年的差不多。 首先要先沖涼,再浸左三個字私人,之後就要試室外的。 見到一個日本人,佢話是福岡來,但英文很難溝通,說話不多,不過佢浸多一陣就走左,露天的溫泉是這樣,能看到月亮,真的很悠閒,我在想未來該怎走。   之後就返左房,六點半就食晚餐,一個人在房中享受,這是前菜。樣是美的,但味道有一些好味,卻有一些令人卻步。 最特別是馬肉刺身,第一次吃馬肉,真的是特別,但味道是沒什麼時,有些Un,但都幾bloody. 我以為上面的已是全部,吃得飽飽的,下面是主菜,很西式的說,這個反而沒什麼特別。 最後是甜品,不過這一餐很特別,因為完全不知道會包含什麼東西吃,吃得飽飽的。 食完之後,他們就幫忙舖床,其實好簡單,但每日本都要這樣做都很麻煩。不過為左多D空間無計。 差不多八點,說要感受穿著浴衣,拿著小袋子出外走走。 旁邊的小溪,但真的好凍,穿著浴衣,中空的很冷很冷很冷。 原本以為好有氣氛,但外面黑黑的,只看到一兩個人跟我一樣,我在想這麼冷就最好浸溫泉,我估酒店位姨姨一定覺得我傻傻的。 再次回到酒店,再要試別的,首先到室內的溫泉,不過沒有人,變成了私人溫泉,同時慢慢鍾意左浴堂,也沒有什麼大不了,在旁邊洗澡再去浸。原本以為其他人會選到室外溫泉,但浸了幾個字,再到室外也沒有人,根本唔洗怕羞。 最後就返房好寫意寫Post card和計劃第二日本的行程。