旅遊記錄
27 July, 2018
如果每日都好似Frankfurt記錄，應該有排都講唔晒，省卻返d早餐同無特別的地方。 Flixbus去Heidelberg(海德堡)平好多，時間都差唔多，來回大約16Eur。 上車位置近HBF後面，由酒店行過去都要15分鐘。 海德堡落車的位置，離舊城區有少少遠，慢行十五分鐘，快行十分鐘 (我驚miss左回程班車，行得超快，點知仲衰過KMB，好似遲左成半個鐘先到) 我當時以為係教堂，唔識德文無計，原來係海德堡啤酒廠 ?! (依家先知lol, 二次旅行, 睇返d相回憶返一個月前…..) 舊城區 第一次見到個吹泡泡的公仔，其實好多地方都有 (原本心諗有個細路吹泡泡? ) = = 印象中有幾套hollywood電影類似係依類型的街道拍 好多連鎖店，如果你鍾意shopping，應該有排都去唔到個城堡 世界盃熱潮，波，全部都係波 成個旅程去左好多間德國書店，其實我都唔識德文，去書店做咩 🙂 當欣賞下書店設計吧，簡單整齊，對比香港的連鎖書店來得有品味。 最引起我的興趣係以下依樣野，好多間都有賣，就係單車叮叮 在香港一般都唔會見到(香港沒有空間搭單車)，而且款式好得意，可以用作紀念。(不過價錢就唔平) 其實依枝野同coca-cola係咪冇分別 ? 上網google靜係話可樂公司出，加左橙味 ? 但我記得同紅色樽無分別lol….. 但點都好飲過德國買的雲呢拿味可樂. 有個戶外被你睇書，真心曬爆 每個地方就一定有的教堂 Jesuitenkirche 市集廣場的中心位置 簡單食左個飯，之後繼續上路 海德堡之吻，點知星期一唔開，話要準備之後幾日的朱古力 好彩去左間餐廳買左個朱古力補數 買左Eur 7門票，包上山同去個古堡睇 個景好唔錯，同旅遊書介紹的一樣，紅屋同老橋 古堡的外圍 入面最主要有幾棟野，但好多城方都預約先入到去 另外有一個戶外小劇場，估計做drama時用 入面主要有個藥事博物館同世界第一大酒桶(而我不知道真假，雖然個酒桶大，但未至於世界第一?) 之後就落返去海德堡老橋 望返上去，個景都幾正 就唔係咁夠時間去哲學家之路，就要打道回府 返到法蘭克福食左個burger同睇左世界盃英格蘭對突尼西亞
旅遊記錄
23 July, 2018
機場出市區，我地搭S1定S8出市區(好似~11Eur)，個女人好想打爆我的樣 15分鍾左右就到左法蘭克福hbf，令我回想起Melbourne 個central station，沒有第一次看見那種震憾。 不過真的跟香港很不一樣，廿多個月台的車站，在這裡會合了早到的朋友仔，之後就去了酒店放低行李。 法蘭克福散步之旅 (是日星期日，商店同超市都收晒) 雖然平日都唔係好多日，但星期日更靜，但幾適合星期日散散步。 歐元塔(Eurotower) 附近就係銀行區，有座我成日講的黃絲帶銀行 (德國商業銀行) 就係喜歡在國外的空曠，明明在市區，卻輕易望到藍天 周街都好常見到噴水池 同埋好多別具意思的雕像 (Gutenberg-Denkmal) 新樓，起緊的樓，舊樓 Katharinenkirche (卡塔琳娜教堂) 而我不懂得欣賞的像 跟住行去法蘭克福羅馬廣場，路過教堂 Liebfrauenkirche (聖母教堂) 無咩人幾好，好靜好慢 不過依一幕令我回想起四年前的香港 這一天是世界盃分組賽剛開始，德國當晚第一場分組賽，不過我是太天真了 在聖保羅教堂前面，有人protest，分別是右翼反對政府/難民和支持者，兩班人不停叫口號和吹beebee 但印像最深刻是在旁一大堆的警察。 過少少就係法蘭克福羅馬廣場 比想像中細，我以為是一個好大的廣場，可是一眼望晒，好細 仲有維修的正義女神噴泉，睇返張相留意到個屋頂有個人，係張張相都係同一個姿勢，究竟佢做緊咩野?! Friedrich Stolt 跟住行左去法蘭克福大教堂 跟住行左去美因河同Iron Bridge 教堂 n 教堂 n + 1 生晒草的屋 ? 之後就開餐 Atschel 食左豬手，腸，豬扒，好好味 🙂 亦飲左第一餐啤酒！ 食飽，繼續下午的散步 好面善的制 bitte berühren (please touch) 跟住去左施泰德美術館 藝術的野我就唔太識 🙁 Frank Auerbach & Lucian Freud 特別展，依個係Frank Self Portrait，好形 最鍾意依兩幅 雖然簡簡單單，就是喜歡那份寧靜和落寞。 另外可以download個app，都有部分介絡 http://www.staedelmuseum.de/en/offerings/staedel-app 行完差不多7點多 同埋德國對墨西哥已經開波，好多人睇，結果大家都知道 🙁 最後食左Kebab就返歸休息，依一日早機到步，行左成日，去到八點幾九點先返去，累透了。
旅遊記錄
21 July, 2018
首先去旅行就要做足準備，要申請定張可以入機場貴賓室(lounge)的信用卡。 首推CX AE Elite卡(美國運通國泰航空尊尚信用卡)，唔洗話簽帳幾多同預約入貴賓室，一年後cut卡 無限次入全球Plaza Premium Lounge (主要東南亞機場) 一年入四次Priority Pass (CX Priority Pass online form填完寄返去) 免費有Marco Polo Club綠卡 (俾錢時揀用CX AE Elite Card就唔洗俾錢) 可以獲取Asia miles (5000里) 迎新簽賬HK$5,000獎賞 (2000里) 被我推薦獎賞 (條件: 首3個月內簽賬滿HK$5,000才有) (1000里) 網上申請額外獎賞 (1000里) 基本簽帳里數 (首3個月內本地簽賬每HK$5 = 1里數) 簽$5000 就有9000里數 我的推薦連結 (利申: 推薦人我會有3000里數) 提示: CX AE好快批卡(幾日)，Priority Pass就1個星期左右收到 歐洲機多數夜晚飛，我地就提早左去環亞機場貴賓室 (近40號閘口, 用上面張CX AE卡免費入)，食左第一餐 野食種類就一般，魚旦河，薯角，燒賣…etc 個lounge都算大，同埋我鍾意個景多d，望住個機場多d 去過十幾個機場，香港始終係其中一個比較喜歡的機場，我鍾意果種沒有”壓迫”的空間感 QR 817 (Boeing 777客機)，飛往多哈，程機都算full，亦展開了飛機吃同訓的環節 每個座位都配備了枕頭，毛毯和護理過夜包(?)。 入面有牙膏，牙刷，襪，耳塞，眼罩和潤唇膏。 附上主餐Menu，味道就一般，但就不停食食食同訓訓訓。 第一餐飛機餐 第二餐飛機餐 矇糊地飛左好多個小時去到中東的多哈哈馬德國際機場(Doha Hamad International Airport) 正值世界盃，機場有一個範圍會得睇直播 我當初申請左CX AE同Priority Pass就係要入Lounge 多哈沒有環亞lounge，所以用左Priority Pass入去 (Al Maha Transit Lounge) 可以食下野，飲下野，其實都可以沖涼ge… 不過人就好多，位就唔太夠，環亞果d感覺大好多。 機場有歌層，裡面有個列車可以方便去返唔同的area。 但去程轉機，完全唔洗過security check，落機就可以直接去lounge，上機都無檢查。 繼續去下一站德國 QR 069 第三餐無影相，有一個蛋糕同好似雞批。 第四餐飛機餐 而依班機用新的entertainment system，雖然內容差不多，但就快好多，不過四程機，最好的係A350 再飛多六個鐘，終於去到Frankfurt機場，跟住就去拎行李，然後去接機。 因為大家從香港出發，但搭唔同機，而我早去到。 好鍾意依種跳字的航班展示牌 最後花左一日時間，食左六餐左右，睇左兩套戲，訓左唔知幾耐。(最後無去法蘭克福lounge) 而另一個friend早兩日前已經去到，之後我倆就搭車出市區，正式展開我們的旅行了。
旅遊記錄
16 July, 2018
終於的起心肝開始寫德國之旅，我會將依段旅程紀錄下來，希望年老後還可以懷緬一番。 這張圖片觸發了一場德國之旅，驅使我提前許下的決定，當年沒機會去英法，今次我自己去！！ 年初參加了Expedia與德國國家旅遊局搞的活動，好好彩成為其中一個被抽中的朋友仔。 我可以得到一張來回德國的機票，自由選擇德國城市和時間，只要連稅價錢$6500內就可以。 當我收到通知的一刻，我好興奮，繼之前的現金獎，又另一個獎品(雖然無之前現金獎多) 🙂 但返到屋企話俾爸媽知道後，第一個反應係話晒時間，玩埋d無聊遊戲贏張機票。 一番又一番打沉我的說話，又話一個人去危險，又話不如搵三姑六婆個仔一齊去，我明他們擔心我，但卻令人很氣餒。 我係一個好固執的人，我決定左的事無人能阻住到我。 由當初一個人去日本九州，到澳洲，一個人去旅行又如何，為什麼只有一個人而不去? 反而依個係機會和主的安排(無宗教信仰)，終於可以去歐洲，彌補當年的遺憾。 不過隨著朋友問起這一年有什麼旅遊計劃，我開始提起這件事，慢慢由一人，變成有兩個人有興趣，最終成為三個人德國偷食之旅，而我成為他們的中間人，以不同的步伐和目的去左十五日德國和奧地利。 過程中有喜，有悲，有意外，有爭吵，有沉默，有煩腦，有美景，有陰天，不過正因為這些令旅程變得不平淡，而這一切都是我的感受，如果你不喜歡可以離開，這是屬於我的世界。 行程簡介(16/6-2/7) 日期 行程 Day 0 (16/6) 香港國際機場 HKG -> 多哈 DOH -> 法蘭克福 FRA 飛機 1 : QR 817 HKG 下午7:10 -> DOH下午11:10 飛機 2: QR 069 DOH 上午1:35 -> FRA 上午7:10 Day 1 (17/6) 法蘭克福市內散步 歐元塔 > St. Paul’s Church > 法蘭克福羅馬廣場 > 法蘭克福大教堂 > Iron Bridge > 施泰德美術館 酒店: (法蘭克福) Memphis Hotel Day 2 (18/6) 法蘭克福 > 海德堡 > 法蘭克福 酒店: (法蘭克福) Memphis Hotel 交通: Flixbus Day 3 (19/6) 法蘭克福 > 羅騰堡 > 紐倫堡 酒店: (紐倫堡) B&B Hotel Nürnberg-Hbf 交通: DB ICE Day 4 (20/6) 紐倫堡 酒店: (紐倫堡) B&B Hotel Nürnberg-Hbf Day 5 (21/6) 紐倫堡 > 柏林 博物館島 帕加馬博物館 > 柏林新博物館 > 舊國家美術館 酒店: (柏林) Novum Hotel Aldea Berlin Centrum 交通: DB ICE Day 6 (22/6) 柏林 無憂宮 酒店: (柏林) Novum Hotel Aldea Berlin Centrum Day 7 (23/6) 柏林 Outlet > 猶太博物館 > 德國歷史博物館 > 布蘭登堡門 > 被害猶太人紀念碑 酒店: (柏林) Novum Hotel Aldea Berlin Centrum Day 8 (24/6) 柏林 Flea market > 柏林圍牆 > 恐怖地形圖 酒店: (柏林) Novum Hotel Aldea Berlin Centrum Day 9 (25/6) 柏林 > 慕尼黑 > 薩爾斯堡 酒店: (薩爾斯堡) Vogelweiderhof Rooms 交通: DB ICE Day 10 (26/6) 薩爾斯堡 > 哈爾施塔特 > 薩爾斯堡 酒店: (薩爾斯堡) Vogelweiderhof Rooms Day 11 (27/6) 薩爾斯堡 > 國王湖 > 加爾米施-帕滕基興(GP小鎮) 酒店: (GP小鎮) Hotel Atlas Sport 交通: Bayern Ticket Day 12 (28/6) 楚格峰 酒店: (GP小鎮) Hotel Atlas […]
旅遊記錄
9 May, 2018
五月頭飛往了上海參與了朋友的婚禮 我知道你有看我的blog，恭喜你們結婚了，非常感謝你的邀請，令我體驗一場特別的婚宴 D1 > 香港飛往上海浦東 > 嘉興海鹽 D2 > 海鹽的婚宴 D3 > 杭州 D4 > 上海 > 上海回香港 第一天 這次坐東方航空，雖然飛機餐味道普通，但驚喜餐後有Häagen-Dazs雪糕 去到浦東機場，再乘車往海鹽已經下午4點多了。 吃了些下午茶就彩排，一個挺特別的文化。他們會安排婚宴公司，依照他們的流程去安排。 跟住很快就吃晚餐了，非常豐富的晚餐，很多前菜和魚的菜，非常美味。 跟著就去了新郎家討論一下第二天的安排就回酒店(海鹽賓館)休息了。 第二天 在海鹽的婚禮很特別，在酒店大堂會有一個場景給大家拍照 這天有三家的婚宴，每個都有不同的主題，我們走的那天，又換上另外三個不同風格的佈景板。 海鹽市的感覺比起現在的海南島和東莞長安樸素，人和商店都不是很多，步伐可以不用這麼急，很舒服。 終於展開婚禮人，這次是去做伴郎，挺特別。他們都會有拍片的，但不是早拍晚播，形式感覺攪笑多一點，不知道最後的效果是怎樣。 海鹽婚禮不是太多的儀式，主要玩遊戲，接新娘，然後就是中午的婚宴。 除了前面大堂的佈景，還有內裡的小吃的佈景，這間酒店真的很大。 伴郎工作不是太多，也不用飲太多酒。 🙂 來到感人時刻，祝願他們幸福快樂 在工作上認識了你短短幾年，終於今天見證你重要的時刻！兄弟，我期待你們仨！ 之後下午就去了綺園拍照，一個江南園林，有湖有石山有亭有橋。 期待那時候拍的照片和青春。 最後晚上吃了川菜，和去了唱K，跟長安和海南島差不多。 第三天 這早我們乘高鐵往杭州，展開一天西湖之旅。 去到杭州差不多12點，首先去了新白鹿吃午餐，超飽的，性價比不錯。 跟住開始遊西湖，一場mobike之旅，沿著車路走，真的很危險，還好沒被交警捉，圍了西湖走了一大圈。 同時又去了雷峰塔，斷橋等景點，不過真的很累。 晚上要高鐵趕回上海，幸好最後最後一分鐘上到尾班地鐵去南京步行街。 第四天 早上的南京步行街和昨晚住的酒店(春申江賓館) 南京步行街同時有apple shop 之後前往了外灘，感覺很Manhattan，與當年去長崎的歐陸風格建築差不多。 對岸的東方明珠塔和那震旦 🙂 之後坐了海底隧道往對岸參觀了那繁華都市，但就沒有登觀光廳，因為這幾天霧很大，所以上去也沒有午麼看，印象當年登東方明珠塔的記憶是很髒，看不清外面。 珠在頂上，印象跟當年不太一樣，那時還沒有那個廣場，沒有小米，只記得要排長長的隊。 上海的樓沒有香港的多和密，行人也不算多。 最後我們再踏單車回對岸的城皇廟，又是很累的一天，哈哈 中間要坐船過海，跟著好多電單車走，其實都幾危險。 但中間經過不少上海”弄”，之後食左小籠包和面 之後去左城皇廟同豫園商城 最後行返南京步行街，和再吃生煎包(小楊生煎)就起程去機場了。 上海磁浮列車(50元)很快，不到一個小時就從南京步行街到浦東機場了(龍陽路站中轉)。 最後搭上1845的飛機返香港，一個普通的東航飛機餐和可愛多的甜筒 總結 由當初3月答應做伴郎，到4月買機票，5月頭去參加婚禮及遊玩了幾天。 咁快就過左，體驗了不同的文化，我也發覺自己的普通話差左，好多時候都跟不上節奏，也說得不太好。 整個旅程，有喜的地方，也有驚險的地方，特別是在馬路踏單車，又好好彩趕上尾班火車，又遇上騙錢的人，一段段難忘的回憶在心中。 最後祝願Ken哥新婚快樂，早生貴子！
旅遊記錄
28 November, 2017
一大清早6:30AM酒店出發，6:45左右到成田機場。 其實都幾多人，架shuttle差不多滿，好彩一早online check in ，否則有排排隊。 同埋海關好似7:15先開，所以咁早去都無用，但閘內間手信店/duty free都開左，買左幾盒royce朱古力同薯條三兄弟。 行到閘口，差唔多入閘上機。 香港航空飛機餐，腸仔蛋 最後返到機場還返個wifi蛋(其實都有重量ge)，同埋趁個fd返美國前影相 🙂 後篇 時間過得好快，返左黎香港兩日了。 依個旅程有兩種感受，東京沒有想像中繁華和特別，還是喜歡大阪，在東京即使去到商場比想像中少人，不知道是沒有去太多人的商場還是怎樣。(不過依樣係好事) 只有地鐵火車比較多人，大家都穿著沉色的衣著，好似天天都在上班，給人只有不停地工作的感覺，人與人之間過於商業化和冷漠。東京比想像中沒有太冷，但太早天黑了，要好早食飯。 另一種感覺是還是喜歡一個人去旅行，帶著兩老要顧忌的野太多。既要預先計劃行程，避免和害怕走太遠的路，又怕帶著他們走錯路。 吃方面要符合所有條件，不吃生野/壽司，不吃雞和牛，避免食燒野，去之前已經提出”咁多中國人去日本，一定好多中餐”，所以期待去世界各地都要食中餐，飲茶。 而且我已懶得每樣東西都解釋， 我又唔識日文，又要搵路，又要搵下啱的野食，又害怕他們走失，又難以教導他們當地文化。(曾被人話要line up) 即使去到商場，也不可以分開逛，他們又沒有興趣看我想看的東西，行又唔係，坐又唔係。 (曾經叫佢地坐定定等我，但過一陣走過黎，問我走未，話坐太久眼訓，叫我快d走。) 所以既唔可以坐得耐，也不可以走得耐。 有好多個地方，我都想花時間走遠d同去，但由於怕他們累，所以好多地方沒有去。 購物方面，根本沒有時間去行街，一來不方便帶他們去所有我想去的商店，二來他們一定會吹我走。 (曾經去左anime店，之後就直接話無野睇要走。) 我想這一次是最後一次帶他們自由行去旅行，每晚要做足功課(做到凌晨)，明信片只能通頂寫左幾張only。 仲辛苦過返工，隔一陣又話唔見依樣果樣，心血小d也頂不順他們。 朝朝神咁早嘈醒人，expect 7 點起身食早餐，明明最後果朝話5:30am起身，凌晨3:30am走上黎敲門叫醒人 = = 不過由當初第一刻話帶佢地去日本的時候，好多野都預左ge，明知辛苦，我也只能接受。 這些已成過去，成為回憶，好與壞已經不存在。 最後只能寄出5張明信片，我沒有在facebook post旅行照片。 今朝食左松茸杯麵，好一般，只會食一次吧！ 如果你在香港及想要我的手信(食物)，請留言吧 ！ 哈哈，我相信沒有人看到最後。
