Tag: 旅遊

旅遊記錄

關西中部旅遊(七) 高山@高山三町@宮川朝市 > 名古屋

早上再浸多次溫泉就食埋個自助早餐 食早餐位於頂樓,個境都ok,唔知將來會唔會有機會登上雪山。 食物無咩特別,有西式日式的食物,有四星酒店的質素,但重點係佢派左張卡被我。 可能知道我一個人,所以要用d野證明在席? 幾得意 1. 宮川朝市 朝市每朝早上都有,其實就係有一些攤位,數量都唔係好多,另外都有一些小食。 飛驒牛,無想像中特別,哈哈。 2. 三町路 其實同朝市好近,依度多好多屋,主要都係餐廳,小食店。 飛驒牛壽司 之前Jan哥講果隻公仔,依度都有。 行的時候會發現有d屋仔,入面就係放住依d花車。 返轉頭,宮川朝市就係河邊。 行遠少少就會到吉島家住宅/日下部民藝館。 成個高山其實好大,但市就好細好集中,有機會的話可以去埋高山陣屋,東山散步道。 2. 名古屋 下午就出發往回市區(名古屋),由高山搭JR去名古屋兩個半鐘,去到已經差唔多4點。 去到地下街的 炸蝦天婦羅飯@ 海老どて食堂,Late lunch,但仲係好飽早餐同之後食左好多野,無叫到35cm長炸蝦天婦羅。 但我唔明點解蝦可以咁大隻,不過應該係養蝦? 跟住就去左airbnb的酒店(近伏見),貪佢夠平hkd$5xx兩晚,交通都方便,但冷氣機搖控無咩電同有d舊。 佢係有成層三十幾間房,但我好奇見到有間房係有張牙醫台,好似好恐怖,哈哈。 https://www.airbnb.com.hk/rooms/7408788 (同相同形容差不多) 之後就去左郵局寄post card同大須商店街。 果邊都有好幾間figure店,同幾多野行,不過就好早收,九點鐘收得七七八八。 見到紅盾(Puzzle and dragon),另外仲去左Jins配副眼鏡,半個鐘就拎得。 晚餐食世界の山ちゃん,主要食手羽先(雞翼),飲左銀河高原,幾好味 雞翼教學,但我食開雞翼都好乾淨 🙂 飽飽就返歸了。
旅遊記錄

關西中部旅遊(四) 京都 > 嵐山@小火車@北野天滿宮@金閣寺

黎到第四天,去到其中一個最期待的行程,(嵯峨野)嵐山小火車。 還記得同事及之前朋友寄給我的post cards都是傳說中的嵯峨野火車,對於我來說還是喜歡火車,在悠長的路軌上行走,按著一條寄定的道路上行走,跟我的性格一樣,依著命運行走。 1. 嵯峨野遊覽小火車 首先是由京都JR去到馬堀站,步行往トロッコ龜岡駅(正常是十分鐘路程)。 由於去到已經9:25分,我見到同時下火車的人跑起來,而我跟著跑,趕乘往嵐山站9:35分開出的車。 真的很趕,買到飛及成功上到車。(可能是平日關係,還是有小小位) 起點有一些狸貓,好有神秘感,同時展開嵐山小火車之旅。 雖然我唔係買第5卡(開放式車廂),但我都走左過去,真的很大風。 小火車會沿著保津川溪谷,欣賞到枯枝(如果春天/秋天應該會好好多),同時又會穿過數個山洞,我在想會否穿越會不同的時空,哈哈。 最後二十分鐘就到左嵐山站,當然要同真火車影相。 於是之後沿著散步策行了嵐山。 首先經過小倉池,一個小小的湖仔。(令我懷念金麟湖,一個人吃午餐的悠閒) 好快就會見到常寂光寺,因為要收費,所以沒有入去看,但日本的寺名好有意思,常寂,無人入去睇,好孤單。 很喜歡日本的藍天,還有路邊的梅花。 行在樹蔭下,我成日諗會唔會好似宮崎駿故事中,走入神秘的世界。 之後發現了一些梅花,沒有人,只有我與阿梅,在樹下一個人,是一種落漠? 去到盡頭,就會見到二尊院,同樣是要錢,也沒有進去了。 往回走,再左轉就是落柿舍(一個詩人的故居) 之後走過另一邊去到竹林深處,找不到人家,但好多遊人。 最後到了野宮神社,細小的。 最後有條商店街,有野當然要食,咸ge。 往渡月橋會見到天龍寺,又係要錢= = 兩旁都有好多餐廳同商店,都幾多野食同睇。 而依條就係渡月橋,在係河邊都幾寫意,但好凍好大風。 隨意走進間餐廳聽左個set,幾得意。最特別係右上果個涼豆腐蕎麥麵,另外個魚(凍)都幾好味。(本人不太喜歡漬物) 食飽飽就要行一行,但沒有櫻花。 之後就搭京福電氣返市區,原先以為係火車,但好短,落車先要點票。 2. 北野天滿宮 嵐電終於去到北野白梅町駅,之後就步行往北野天滿宮 行左都十幾分鐘就到,外國遊客不算多。 入面好多梅花,好靚。 日本寺廟入面其中一項特別是求籤,個籤筒好大個,每個人都雙手搖枝籤出黎,同黃大仙果d好唔同。 下一站係步行往金閣寺,成程唔都見唔到其他遊人,但我靜係知好倦。中途經過平野天神宮。 路途上見到寒緋櫻。 3. 金閣寺 去到金閣寺,真的很多遊人,排左十分鐘終於買到飛。而張飛好似一道符,幾特別。 而這個就是金閣寺,其實無咩特別。 臨走時,食左唔知第幾次雪糕,最後就打道回酒店(乘巴士回四條烏丸果邊)。 因為前幾日太chur,每日行成幾公里,所以頂唔順返左酒店休息。唔係ge話會去梅小路果邊行下,但真的頂不順。 晚餐就在tabelog選了酒店附近人氣較高的拉面店 (和醸良麺) 我覺得好正,個面幾好食(好濃味)。首先間店外邊 (睇相吧) 是很平凡,係一條巷仔。 入到去有部自助點餐機(似一蘭,但靜係得中文),我隨意選左個,跟住入去。 入面就係個bar檯(有d屋台feel),大家都圍住個廚房食,感覺好親切,見到佢地幫人加飯/面。 不過我唔識日文,佢地之後終於知道,也沒有再問我野,哈哈。 = = (其他全部日本人) 最後走左去行返河原町一帶,去左tokyu hands買野,幾好行。 好多野都想買,但想到仲有咁多日的行程走黎走去都無買。 原本想去食抹茶甜品,但十點已經收左,錯過左了:( 唯有食haagen daz 限定補數,飽飽了。
旅遊記錄

關西中部旅遊(三) 京都 > 伏見稻荷@清水寺@衹園

黎到旅程的第三天,首先離開了airbnb,開始用五日高山北陸JR Pass,搭JR由大阪去京都,其實都幾快。 而黎緊兩日就會住京都,Smile Hotel Kyoto(京都四條微笑酒店),交通好方便。如果唔係有優惠的話5900Yen住兩晚,否則都要住離市區好遠。 再見了萩ノ茶屋,一個超級細的站,要普通列車才會停週。其實我好配服日本人興建咁多鐵路,一個細站可以有成六條,而按照唔同的速度而讓唔同列車經過。有時候諗唔會好晒資源,不過這樣也沒有辦法,點都要開多支thread去支援multi task。 等左十幾分鐘,終於有車,先去天王寺JR,開始用Pass,搭去大阪,再轉車去京都。 去到京都放底行李,已經差不多十一點,跟住要去第一站伏見稻荷神社,最簡單的方法係去稻荷駅,走過去就是。 原本打算去間居酒屋,但好似全日文,又無人,所以就隨便去左間快餐食。 其實一開始無留意到佢係CoCo壹番屋,因為門牌是寫住係祖母的咖哩飯,完住無寫住CoCo架。 不過知道今日主要走兩個京點也快快吃完,跟香港差不多的。 1. 伏見稻荷神社 成朝落雨,去到伏見稻荷依舊下起雨,但京都街頭好多人著住和服。 即使落雨,稻荷神社依舊好多人,相對好難影到張無咩人的相。 狐狸神 無盡的鳥居,要行到好入要少人,同埋都好長,要不斷行入去,但我無行到最頂。 門口兩旁都有些小食 2. 清水寺 +  衹園 由稻荷神社去清水寺就複雜d,要去到東福寺JR落(記得左轉直行一條大路就見到巴士站,記得睇清楚方向),再搭巴士去清水道。 再次見到梅花 依度應該係三年坂,有好多間西尾八橋,感覺就似澳門的鉅記,不停有得免費試食。 過左個幾個坂,好快就上到清水寺門口,不過總算停了雨。 必拍位置,沒有櫻花的襯托,有點頹。 行返落去的時候,發現了初音,清水寺,初音手信。 京都最特別係仍保留好多古舊建築。 行到最盡就會見到八坂神社。 花見小路,沒有見到藝妓 花見之路,最盡頭係建仁寺,要收費,所以沒有再進了。 其實有諗過去果度食,但一個人就廢事。 返左去河原町找野食,隨便搵個地方吃。 河原町果邊都幾好行,好多野買,但好早收,9點幾就好多店收晒。 最後去左機舖夾公仔,當然係Epic Fail,仲見到有Puzzle and dragon。 係周圍都見到依張poster/廣告,大家估唔估到賣咩野? 原來係貼紙相機,真係唔講唔知。 今日的行程唔算多,主要稻荷同清水寺,但就由清水寺行去河原町,再行返去四條的酒店。
旅遊記錄

關西中部旅遊(二) 神戶 > 生田神社@北野異人館@中華街@神戶港@ 大阪 > 道頓堀

大阪除左購物和環球影城外,也沒有什麼吸引的景點,所以就決定去神戶。 神戶係一個令我覺得驚喜的地方,重新找回上次去門市港果種平靜和悠閒。第一日主要在大阪市,雖然參觀左大阪城,但梅田的現代化和密集令人覺得腳步依舊急促,只是轉換了個地方而已。但神戶的感覺人不算多,節奏慢很多,悠閒的生活挺不錯。 買左阪神電車一日券 (500Yen),可以即日大阪來回神戶,較阪急一日券平,只要在梅田旅客中心就可以買。 1. 生田神社 在三宮站下車後,沒有買到觀光巴士就直接去北野異人館,而去的途中因為見到幾近,所以就加插了生田神社。 這個神社很小,也沒有什麼特別,入面有個生田之森的小園林,所以好快就行完。 2. 北野異人館 因為以前好多外國人在神戶定居,所以有好多西洋風格的建築,慢慢就形成了異人館。 要去北野異人館街就要繼續向山行,要走過一條斜路,但沿途都有野睇。 第一間遇見的係上山斜路的Starbucks,外觀幾得意。 一上到去就會見到北野天滿神社,但見到樓梯就怕怕了,沒有走上去。 依邊就聚集左好多異人館,有風見鶏の館,英國館,丹麥館等等。 但每間都要錢,而我估入面應該沒有什麼特別,不太值得入去,所以只是在外國看看而已。 由於好多間都要不停上山落山,好辛苦,之後就沿路落山。 3. 元町 (中華街 + 元町商店街) 係山上食左午餐(係超市買左野上山食),之後再睇下附近有間好抵食的可樂餅,森谷商店,好抵依。食唔到神戶牛,只好依個可樂盒頂住先。 之後就去行元町商店街,不過旁邊係中華街,又好多野食。不過始終唔太吸引,食左個包就算了。 但好多受歡迎,好幾間都排長龍,所以中華料理應該都會好食。 我見到最多係類似北京填鴨的小食,但要成500Yen,都唔平。 另外亦有專做香港點心,而我就無試。 而依個包就係將個扣肉放中間,依家睇返都好邪惡。 食飽飽就繼續行元町,旅遊指南說由元町一番行到六番,再去到神戶港,二十分鐘,但實際上應唔止。 行到真係好累,不過兩邊總算有d野睇,種類比起住果邊的商店街多元化,種類多好多,而感覺價錢也很平民化。 4. 神戶港 去到崖邊,就係兩個大商場UMIE同埋MOSAIC,感覺上依兩個商場都幾多野行,種類都好廣泛,不過我真的累到行唔到了,成日行左好多公里。 左面就可以望到神戶塔(Kobe Port Tower),幾正。係海邊坐著,吹住海風,回味返門市港的感覺。 每個海港總會有摩天輪,而旁邊就係麵包超人博物館,可惜我太大,無入去參觀。但果一層都好多野食,好多野買。 休息咁上下,就打道回大阪,而返去其實都唔係好耐,大約個零鐘,幾方便ge,可惜果日行太多路。 5. 大阪 難波 + 心齋橋 + 道堀頓 + 日本橋 返到難波已經六點半,仲開始落雨,於是去左自由軒食咖哩飯。 無咩特別,純粹一試。 道頓堀其實好多野食,但落雨,無咩人,氣氛麻麻,而腳又爆倦,所以走走,逛了bic Camera,也沒有找小吃。見到蟹道樂,串燒店,金龍等等餐廳 當然黎到就要影返張固力果個牌度影相,真的落雨很難拍。 最後當然唔少得排隊買返個Pablo半熟芝士蛋糕,再配埋個櫻花啤酒,一個人食左成個都幾多。(分左兩餐食)  = = 好誇張,但同我想像的味道唔同,不過令我劃上完美的句號,兩日大阪遊。 另外其實有行過去日本橋果邊睇動漫野,但差唔多九點幾,果邊幾靜,又落雨同拎住個蛋糕,所以都冇咩點睇,行左陣就閃返去。
旅遊記錄

泰國曼谷之旅(二) 恰圖恰週末市集@JJ Mall@天使劇場

正好是3月14日(六),大家到泰國一定要來到chatuchak市場,只要從BTS乘到mo chit站就是了。 這個只有周末才開的,但真的很大,完全會迷失方向,所以大家睇好就買,否則要找路挺麻煩。 不過這次跟爸媽看,大家看的樣不太一樣,沒有太大機會走到我感興趣的東西。建議找志向相同的人一齊去吧,否則好像我要等他們,又要幫忙講價。 另外我看到不少東西是淘寶,來自廣州的,真的不太明白價錢是怎樣,本身價錢不算貴,再由中國運過來? chatuchak給我的感覺很女人街,很多商店,有好多冒牌貨,仲有不知道是否二手衣服,有心機可以慢慢尋寶。 走了好幾小時,裡面真的很焗熱,但周圍有很多椰子冰食,味道不及昨天水上市場吃的,但總能解暑吧。 心想這是什麼東東來的?曼谷真的很多搞藝術的。 也有很多木牌,最喜歡是這一個,google大神比不起一個男人。可是價錢不便宜要160B。 最後走到JJ Mall,是昨天導遊介紹,有冷氣的挺舒服,吃了個Pad Thai,再逛逛了商場。 可是後悔沒去了安多哥市場吃水果,它就在旁邊,大家記得安排行程時加上去。 最後走回MRT往下一站,Thai Cultural Center Station MRT,前往觀看天使劇場(Siam Niramit/暹羅夢幻繽紛) 有一架旅遊巴接送,因為是包晚餐,先吃晚餐,然後到中心廣場看一些表演,然後進內看表演。 天使劇場有許多遊客,但主要是外國人具多,沒有太多的內地人, 而劇場提供了多種語言,所以只懂中文/英文去看也沒有問題。 建議提早更多去,先吃飯,然後到村莊參觀,拍拍照,然後8點正式入場看表演。 食物沒有什麼特別,反正較外面乾淨。 淘寶買最平,大約RMB 190 (HK$240)一張飛,門口買好似要差唔多2000B http://item.taobao.com/item.htm?spm=a1z09.2.9.10.Z4tiud&id=36313286966&_u=m3g6d3ledef 整套劇是講述泰國的由來,有很多幕場景,變化很大,舞台設計好勁,吊威也超快,同時十幾個人飛黎飛去。 個人覺得好睇,雖然中間有些情節令人反感,但值回門票,可留時間看。(較人妖好看) ˙看完都參不多九點半,然後乘車回MRT,再回到酒店。
旅遊記錄

泰國曼谷之旅(一) 丹能莎朵水上市場@美功鐵道市場@樹中廟@安帕瓦水上市集

前言 因為說好的一年必去一次旅行,所以決定出發去泰國了。很多朋友說泰國沒有什麼好玩,而對於我來說,一個地方好玩不,值不值得去遊玩,並非是片面而言,總要走過才知道和感受到。同時間,東南亞除了曼谷外,也沒有什麼較合適的地方去遊玩了。一是價錢太貴,帶著爸媽去遊也不輕鬆,所以繼台灣後再度帶爸媽遊走曼谷五日。 正文 由於香港航空優惠只限夜機出發,所以選了晚上22:10出發的,去到已經凌晨十二點了。立即乘的士往酒店,但曼谷的士出名呃錢,所以一定要講價。乘上一架Taxi Van的車,花了半小時就到達我預訂的酒店(Kingston suites hotels),book了兩間房,很快就可以check in了。 整體是不錯的,HK$300一晚,記住透過我條link訂房,是當時最平的,平過Asiaroom/agoda(評分有8/10)/hotels.com/expedia…但結算是泰幣同有7%稅,記得選埋要早餐的(挺好的早餐,爸媽每天都吃到飽飽的),不過沒有牙膏和梯刀(記得帶)。 http://book.asiatravel.com/hotel.aspx?cn=&ct=&hid=7990&CID=03/13/2015&nr=1&nn=4&SID=8862741CN&lan=zh-CN&selCurr=HKD 地點是位於Asoke / Nana BTS 和 sukhumvit MRT,步行約十分鐘(酒店有tuktuk去MRT/BTS) 附近有商場Terminal 21和超級市場Robinson,唱錢可到Nana旁的Vasu Exchange,食野就有KFC/24小時麥記,按摩Massage就有較出名的Urban retreat spa同health land,所以本人對於HK$300左右約三四星,位置佳的酒店不錯,雖然唔算新,但起碼房大和物超所值。   第一日的行程,我們參加了 Ben民宿的行程B 一日遊,原因是Mama tour雖平但只是單純點到點旅遊和沒導遊,而且沒有較這個完整的旅程,我想同時去兩個水上市場及看螢火蟲。而姊姊花及曼谷幫的一日遊較貴及評價差。 自助早餐,日日都差不多 出發前往Asoke BTS,然後到BTS Ekkamai站(E7)Major Cineplex一樓麥當勞門口集合 我們這個團有12個人,分別是1對香港情侶,3對朋友(星加坡/馬來西亞/台灣)和我們三人。 坐了90分鐘,到了第一站,丹能莎朵水上市場, 我們坐上船,看著充滿不同商品的市集,其實河是挺骯髒的, 不過還挺不錯,很多人不停在叫賣,看到許多冒牌手袋和水果食品。 坐船遊了一圈,商品來來去去都是水果,帽子,手工藝品,冒牌手袋,小吃的, 但坐著船上難以看和買東西, 總要划船往那店,然後又要講價。 不過導遊說丹能莎朵水上市場是主要給旅客,價錢不算便宜,所以大家可以看看而已。 遊了一圈,有一個小時吃東西和在岸邊看看商店,吃了一碗粉,還好,不過就不太乾淨。 之後就去下一站美功鐵道市場,相信大家都聽過有一個市場鐵路旁就是一個街市, 每當有火車,商販就會變拾東西,然後讓火車通過。市場是普通的,唯一特別是有火車經過。 滿滿的遊人,令到火車不停響安,所以火車走得很慢。 跟住導遊帶我們到了泰拳公園&樹中廟,兩個地方是沒有什麼特別,只是逛逛而已 這坐廟四周都是樹,就是樹中廟,由於不太感興趣,所以沒有進內,另外由於泰王很喜歡鬥雞,所以四周都是雞的像 旁邊就是泰拳公園,有很多像,描畫出泰拳的動作,不過實在太曬,沒有人走去看,也沒有其他遊人。 反倒我是喜歡旁邊的馬廄,很想試試騎馬,哈哈。 木牌工場也挺得意,整返個木牌也幾靚,可惜沒錢沒地方放。 之後一站就是聖母院百年教堂,雖然泰國信奉天主教的人不多,但這是據說百多年歷史 正好每次旅行也到教堂,繼上次在長崎大浦天主堂,來到泰國又參觀下。 感覺跟以前中學下面的聖堂差不多,也沒有什麼特別的地方。 最後就係去安帕瓦水上市集,另一個水上市場,規範好似較丹能莎朵水上市場大, 但這個感覺沒有丹能莎朵水上市場迂迴,主要是一條河,而兩岸有很多商舖,同時很多東西吃。 建議別在橋旁的兩間吃海鮮,相對價錢貴,走遠少少還有不少選擇。 這也是第一餐海鮮,雖然跟我想像中不太一樣,但在這樣的環境底下, 望著河邊的船,周遭絡繹不絕的遊人和飛來飛去的蒼蠅,是一種風味。 如果跟早上的丹能莎朵水上市場比較,我會較喜歡這裡,雖然沒有太多的河段, 但這裡一條河道較寬闊,賣的東西較多元化,當然吃的東西多樣化。 最後還可以看螢火蟲,亦是我第一次看,但夜晚畢竟難拍,同時影響到生態啦。 但有些人不停在船上叫囂,真的另人討厭。 有時候想生活在岸邊挺寫意,能跟大自然這麼接近,門口就是河道,方便出入,能划到市集。 同時晚上的星星特別多,很懷念那星空。 這一天的local tour就這樣結束了,雖然價錢比自由行貴, 但始終交通不方便,同一日走三個景點也挺難的,有導遊安排起排不用費心,也不怕太夜沒車回市區。 不過自由度就減少,花了一些時間看不太感興趣的東西,不過個人是值得的。(費用:1380B@) 7點半走,回到市區Asoke已經九點半了,於是趕緊在Terminal 21找東西給爸媽吃。 最後只剩下Coco沒關門,吃了一餐日本咖哩晚飯。再從Terminal 21走回酒店了。