好康分享
3 May, 2019
最近幾日改了網站Theme，優化loading speed，移除了不必要的東西，是否應該轉香港VPS和轉勁d的VPS，試下縮短網站的Time To First Byte(TTFB)呢? 兩年前比較過平價HK VPS，近年多間大公司都開拓香港市場，提供更多的選擇，甚至多了很多workshops和支援。 Amazon AWS ，可以係香港region 起ec2/s3，但依舊唔平 https://aws.amazon.com/local/hongkong/region/ Google GCP 香港，逐部愈黎愈多service可以在Hong Kong region使用 https://cloud.google.com/about/locations/hongkong/ 不過對於budget有限的個體戶好似我，未必負擔到昂貴的費用 2019年5月發現多左好幾間有得買VPS，有部分是resell，速度就不太理想，所以再次以平價為主，比較2019年的價格和配備，考慮下租多個，分流現時數個網站。 非專業，純個人再度比較出名(未必香港)同香港VPS，主要睇價錢，配置和速度，其他額外野，好似User Friendly的服務/Tools就唔深入研究。 Amazon lightsail Amazon lightsail Linode Digital Ocean vultr vultr gigsgigscloud vpsserver Monthly Price(USD) $3.5 $5 $5 $5 $2.5(ipv6)$3.5(ipv4) $5 $5 $4.99 Memory 512 MB 1GB 1GB 1GB 512MB 1GB 512MB 1GB SSD Storage 20GB 40GB 25GB 25GB 10GB 25GB 20GB 25GB Transfer 1TB 2TB 1TB 1TB 500GB 1TB 1TB 250GB Location SingaporeTokyoSeoul SingaporeTokyo,Seoul SingaporeTokyo Singapore SingaporeTokyo SingaporeTokyo SingaporeHong Kong Hong Kong Speed(Singapore) – – 5991k 2670k 4663k 4663k – – Speed(Hong Kong) – – – – 998k 3639k 兩年的時間，VPS fast收左皮，Amazon平左，Vultr(平plan)貴左，linode，digital ocean靜係多左5GB Disk，新加左vpsserver.com。 其實除左上面幾間，仲有好多大陸細公司，但好多網站簡單，似單人公司，再加上大陸網站登記要實名麻煩，所以都唔太建議，同埋都唔係咁信得過，就無再入去睇，所以選擇得上面幾間為主。(P.S aliyun都有香港，可惜返工用太多了，大陸野不了) 總結: Amazon > 名氣最大，價錢平左，以$5一個月的配置算最抵玩，但網上評價一般 Linode > 同樣價錢中，速度最理想 Digital Ocean > 中規中矩，靜係得Singapore Vultr > 比起之前，價錢唔係相對突出，不再吸引 Gigsgiscloud > 大陸人開的公司，穩定性似低，即使過左兩年，依然令人卻步 VpsServer > 唯一吸引有香港Server，但得250GB流量，美國公司，但知名度最低 結論：考慮緊 Amazon lighsails or vpsserver，起返個VPN server同搬個網站走，令到依部機無咁慢，同埋開始無位(Upload太多相了)，懶得執野。 廣告時間: Vultr唔係差，用左兩年都無咩問題，唔算特別慢，界面簡單，功能易用 可惜人係貪新忘舊，想試下其他服務商， 如果Budget有限，可以用住Vultr US$2.5 plan先，唔夠再upgrade，入門必用 大家可以用我條link去申請，謝謝 🙂 https://www.vultr.com/?ref=7773637-4F
我的評論
31 May, 2017
今晚看了百老匯音樂劇West Side Story，一個愛情故事，結局出乎意料之外，同時這套音樂劇同時配合舞蹈，增加了舞台上的趣味。 美國紐約五十年代，青年幫派(Jets)和波多黎各移民幫派(Sharks)兩個敵對幫派，為了爭奪地盤而產生了爭執。男女主角Maria(Sharks黨)和Tony(Jets黨)在舞會上相遇而一見鍾情，在各方反對下，怎可以在水火不容的社會中維持。 同時兩派，為了成為了話事人而進行決鬥，令人意外的係兩邊大佬都死左，而兇手係Tony。對方黨派亦因為報仇而最終殺埋Tony。最後一幕Maria眼見愛人死去的一番話和行為，令人反思這個社會各種不和楷。 短短幾日，少男少女的愛情的故事，既有浪漫和輕狂，但最後可悲的結局，實在令人可惜。 個人感受 我喜歡個場景，以鋼架做成背景(好似上圖左面)，有三層的樓架，好有美國風，有幾場加了幾個道具很輕易造成另一種場景和效果。 故事方面，前期交待的背景有點多，後邊好睇d。不過我有一場不太明白，兩派都穿上白色的服裝，很融洽相處，兩派的人一齊跳舞，我懷疑是否在理想世界中定天堂？ 而我覺得故事來得有點突然，兩個黨派係公路底下單挑，兩個龍頭大佬好快就死左，而Maria和Tony之間好快就生死各一方，我覺得佢地係咪真心相愛，或者可能描畫他倆的愛情不太深。 不過有幾幕幾好睇，Jets果班人驚被警察捉，扮好多角色，幾好笑。 最後因為佢地講西班牙文和有口音，有d聽唔明，但整體來說，一個好可惜的愛情故事，另人深思種族之間的沖突和歧視，平等。 Maria, Tonight, America 依幾首歌都好聽 延伸閱讀 西城故事介紹 https://zh.wikipedia.org/wiki/%E8%A5%BF%E5%9F%8E%E6%95%85%E4%BA%8B West Side Story SoundTrack 預訂門票 http://www.hkticketing.com/events/WCWESTS0517
我的評論
15 September, 2016
今日第一次正式睇外國Drama，平時頂多都係睇香港話劇同外國Musical，而依套係一個屬於荒誕類型的喜劇，所以有少少似對上果次睇誰家老婆上錯床，荒誕中帶點可笑，令人看畢後會心微笑。 由於係英文劇目，聽起來有點吃力，好彩旁邊都有中文字幕，不過部分笑點就唔係咁聽得明，同埋人名除左主角幾個外，都唔係咁記得了，但角色幾鮮明，有Bertie主角， Jeeves同Seppings主管，準備結婚的四眼仔，好高的Spode，仲有阿姨等等。因為係荒誕劇，要交代的關係都幾多，開頭有少少難follow，但後尾開始明白固中關係和來由，明白點解要搶cow creamer，怎樣處變不驚解決問題。 可能因為英國劇目關係，感覺好英式classic，不停轉場景，感覺有少少似盲女驚魂。我特別喜歡個舞台效果，慢動作的一幕幾特別，狗狗，男女一半一半都富有娛樂性，令大家爆笑。最佩服係三個演員，不停轉場景，轉角色，男扮女，臨場執生又好好(Typhoon，哈哈)，又跳又笑又搞野。即使其中一個上左年紀，但仲好有活力。 雖然唔係百分百明晒成個劇目，但都係一個好好的體驗，輕輕鬆鬆笑一晚，建議大家入場前睇下個故事同角色簡介先，容易d follow成個故事。 最後祝大家中秋節快樂！
其他事項
21 January, 2010
剛無聊去逛別人的Blog，裸婚令我自然聯想到身體上的裸著結婚，心想著現在我們這一代真是開放，居然那麼前衛。哈哈我孤陋寡聞，原來裸婚不是字面那麼簡單，祼婚是指無車無房無鑽戒無婚禮無蜜月，只有婚姻註冊。近日愈來愈多這樣的名詞去形容新一代的我們，我想80後的人是否愈來愈被人標籤化呢。 其實在二十一世紀，愛應不受限於儀式和表面上，裸婚當然不特別，而且我估計將會愈來愈普遍。現在的畢業生，一出來工作就要負起債務，一個孩子400萬，但一生又有幾多個大學生能賺400萬，學歷和人工已經不用正比，樓車鑽戒已經成為這一代追求的生活，現在我們該怎去談自己的生活，哈哈，當然不能因沒有錢而放棄結婚。 為了家族交待，出現半裸婚，不買房子車子鑽戒，但婚宴照辦。不知道我將來會不會是半祼族，時代變了，婚姻的形式變了，但我們仍然要保留著舊一代婚姻的心態，不能因為沒有婚禮沒有屋沒有車而把結婚當作一場遊戲，輕易去愛，兒戲地合和分。即使沒有物質沒有傳統禮節，人們依能互愛互重就好了。
