Tag: 一幸舍

旅遊記錄

九州旅遊 (八) 大濠公園@福岡城遺址@博多運河城@手信

來到差不多最後一日,JR Pass都已經用完,沒有特別的地方能去,所以最後選擇了大濠公園走走,參觀博多吧。 係酒店食左兩個DONUT後,為左試食牛肉飯,再食過早早餐。繼吉野家後,第二次食,很有份量的早餐。 乘地下鐵來到大濠公園站,天氣很不錯。 鴨鴨好寫意游來游去。 遺跡的一部分 旁邊就是公園,有班幼稚園學生在玩耍,如果可以這麼天真就好了。 因為機場位於市中心,所以經常有飛機經過,明天我就差不多時間走了,很感概。 這裡就是大濠公園,平日還有很多人在跑步,湖很大很清。 湖中的偽鴨仔周圍飄黎飄去 都幾多雀,因為有人用面包喂引來一大群飛來飛去,有點驚H7N1。 真的很多雀呢 跟住沿住湖邊散步,行了半個湖,有好多飛機飛過。 都有少少花,但未開晒 STARBUCK原本想入去坐陣,但已經十一點幾,要去食LUNCH 之後行返去福岡城遺址 因為依度沒能修復,所以只有天守閣,但市中有個歷史遺跡很特別。 之後就去稚加榮,見蔡瀾之前推介過,所以不得不試,但找了很久。 因為是限量的關係,所以儘管飽肚還是走了去吃。 入面都好多人,幾乎全場爆滿,點了個面餐,但後悔了,點知個份量仲多,超出預期。 吃不完,同埋好似飯吸引D,試了些明太子,特別但個人不太喜歡。   吃過次後就要散散步,找了很久的一風堂總店,原本打算昨晚來,但去了博多駅分店,幾難搵。 旁邊就有間AKB48 Cafe & Shop,沒感興趣就走了。 好快就行到天神,又係一蘭,已經唔知見到第幾次。 於是周圍逛商場,但好似大部分都好貴,行左成條天神地下街,但九成九都係女裝。 行到尾都幾間舊商場,入面有二手衫,但都唔平。 最後就去左博多運河城,比較喜歡入面的LAOX。      最後真的行到好累,由大濠公園行行行,行返博多駅,食埋最後的晚餐。之前的日本人話依間OK,所以就試左,跟住就去買埋果D手信就七點幾返酒店。 最後部分的手信,依家好多都食左或送左被人。 飲埋最後一杯就睡了,終於結束八天旅程。