迴旋人生

電影‧電腦‧旅遊‧優惠 @ 文字分享‧表達真我

西安聖誕之旅(四) 湘子廟@天主教堂

第四天

最後一天,3點幾飛機,所以十二點要返hostel拎野等送機,所以行程挺簡單,只是在四周逛逛。

其實書院門有間關中書院,但寫住謝絕參觀,所以沒有進內

西安

之後行左去湘子廟

西安

對面就係好出名的湘子門青年旅舍

西安

之後因為今日聖誕節,行左去天主教堂 (西安方濟各主教座堂)

同香港好唔同,是在戶外空地進行,參加左一陣彌撒,就打道回hostel
(而信眾比較多中年人,而且唱的普通話也很難聽懂)

西安

臨返去前,再食左碗biang biang面同冰峰(同橙汁無咩分別)

西安

感覺送機比接機快,不消一個小時就到機場,真心唔明Steve job廣告 做代言人有咩吸引之處?權威d?

西安

可以走頭等通道,快一點,不用排隊

西安

再吃點小食和牛腩面

西安

西安

西安

這個東航貴賓廳比起深圳好,有景同空間感好d,野食都多d選擇

西安

回程的飛機餐選了雞球飯,飯超級硬,不好味

西安

黃昏,夠鐘歸家了

西安

終於完成整個旅程,前後共3.5天,一個簡短的旅程,體驗了”所謂頭等艙”,闊好多,可是食物唔太好,亦未能完全平訓(始終都係得2個幾得機程,唔可以期待太多)。

西安的小食是多,但也不會太難忘和好食,始終可能不習慣,而且有時候分不清是內地食物還是當地名物。

西安最令人難忘是華山,勇闖了5個峰,忘不了的飄雪,在西安城牆上踏單車,內內外外,寧竟who am i ?

這次旅程也遇上些陌路人,滿腔熱誠的大叔迫我繼續努力走完華山五峰,來自潮汕準備出來工作而遊走中國的同房,熱心阿姐教我點食高陵油餅。

2018年尾最後來了多趟旅行,令我走遠了,祝大家聖誕快樂和新年快樂!

西安聖誕之旅(三) 大慈恩寺@大䧹塔@西安城牆@永興坊

第三天

這天是24/12,其實好唔明點解要圍住棵樹,雖然是美,但很不環保

西安

這天算做天氣好,終於看到藍天,永寧門行緊去地鐵站

西安

其實城內外都好大對比,外面比較多高樓,城內較舊

西安

地鐵同深圳分別不大,原本第一站係陝西歷史博物館,可是星期一是閉館

陝西歷史博物館

只好步行去慈恩寺

但整個大䧹北廣場都在維修,灰塵滾滾,真心不明白一大群人在工場旁邊掃地有咩用

都未整完,但成班人掃在清潔,浪費人力,這可能是大陸的文化,總要有一班人在工作==

西安

內地的廣場舞和時常看到用水寫字

西安

還有明明內地用唔到line,但依然會有宣傳

西安

大慈恩寺 (40元)

西安

登塔再要(20元)

西安

西安

西安

其實西安都發展幾快,已經起左好多高樓,現在地鐵有3條線

亦好多商場,連喜茶都開到西安,香港的橋底辣蟹都有

西安

跟住條街整,搞到花好耐時間先去到袁家村關中印象體驗地,食左碗biang biang面

西安

西安

之後就返去西安城牆

西安

西安

由永寧門租左單車 (RMB100 按金+RMB45 租3個鐘),踏左差不多2小時

西安

之前一直害怕12月太凍,但下午其實還可以,不是太冷

西安

西安

究竟幾百年前,這裡是怎樣?

究竟那邊是內和外?

西安

西安

再次經過西安火車站,不過我在城牆上

西安

天也漸黑,一次特別的兩小時體驗,但加上昨天華山之旅,真的是體力透支

西安

5點半左右燈也亮起了

西安

西安

跟住去了永興坊(南門搭603公交去民樂園再行過去)

一個類似回民街,我是比較喜歡這裡,人較少,價錢感覺平d

不過似集團式營運,失去了小店和巷子的味道

西安

跟住就是吃吃吃

西安

西安

西安

西安

西安

還有網紅店,摔碗酒,成堆酒碗

西安

還有一些表演

西安

入面都幾好打卡,好多店都標榜網紅店和很多明星到過

西安

一個寂寞的平安夜,四周都很多人,再次回到南門和hostel,室友走左,得返一個人

西安

如果大家有機會去西唐可以看到我的親筆留言,哈哈

西安

西安聖誕之旅(二) 華山

第二天

這天報了華山一日遊團 包華山景區 + 北峰索道門票 + 接駁車票 + 早餐(一個漢堡和豆漿) +  努工手套

RMB289 (贈送機服務)

行程是6:20AM西安消防集合 (三環內滴滿快車可報銷, 申請退款)

8: 30AM到華山景區,之後自由活動,3:30PM集合

由於西峰維修不開放,只能從北峰上落,一口氣上了西峰,南峰,中峰和東峰,最後返北峰

累旁了,另外長空棧道沒有開放 🙁

 

首先係旅客中心,搭20分鐘左右接駁車就到北峰索道的站

如果唔搭索道,可以行上去,但冬天好似唔開,真係有排行了

華山

一架纜車坐6個人,其實都幾危險,仲驚過海洋公園果個

華山

天氣就一般,灰灰的,但就有雪

華山

起行了

華山

華山好多陡峭的石階,所以手套是必需的,同埋條樓梯雪要扶住鎖鏈!!

如果對鞋好sin,可以買雪夾,加落對鞋,成程都見過有人滑到,所以要小心。

華山

(一般旁邊都會有像樣的樓梯,無咁危險)

華山

行行重行行,上山去金鎖關最辛苦,其他的還好

華山

配上後面的雪景真係幾靚

華山

華山上有狗,貓和雀

華山

華山

華山

華山

華山

仲有飯店和洗手間(但因為結冰,係無水ge)

華山

仲有好多座廟

華山

愈上到頂就愈少人,而積雪就愈多

華山

條樓梯都好斜,經常有員工在掃雪…而旁條的鎖鏈下山時好有用,起碼有野扶住下。

華山

花左差唔多兩小時,停下走下,影下相,終於到達金鎖關,最難的一段路完成了。

華山

同埋成條華山的路都好多鎖,學業,愛情,財運等等都有,你也可以買返個掛上去

華山

我估西峰索道關了,所以上面好少人,條路就更多積雪

華山

同埋真係好多打卡位,山上的酒店(旅館)變得好夢幻,四周無一物,只剩下山和客棧

華山

成條路都沒有人,除了華山松和雪外,就只有我一人向峰而上。

華山

華山松都幾似聖誕樹,略帶點雪修飾,在這良辰美景和佳節下,別有一番風味 (其實是一種淒美)

華山

景色真的很美,同時帶點涼意,多一份孤單

華山

有時候覺得園區的垃圾箱比人更多,每十步一個,很現代,相信當初建立的時候挺大規模和艱巨。

這幾天一直都在聽文明西安人的聲帶,可能這樣會鼓勵中國人多注意整潔和文化。

不過整過華山園區都是禁煙的,但至少看到4個人抽煙(有的還帶著小孩),亂掉煙頭,問那裡能買打火機

(可是這些小部份人,但我希望大家能更有文化)

華山

不過令我佩服的是他們能夠什麼都不帶,沒有帶水,只穿衛衣,穿高跟鞋,只背一個超細的LV包包,下著雪,中午3點多才上山。

過完金鎖關再走多一會兒路就到西峰頂,誰與我爭鋒

華山

如果唔識武功,真係好難上去,真佩服金庸能寫出這橋段,配上功夫登上華山

華山

華山

延綿的山,如果能見度高一點就好了,聯想起台灣清境遼闊的山

華山

遊人開始多了,下站去南峰,華山最高處,這個比較近,十多分鐘

華山

居高臨下,雪和山亦令我回想起楚格峰,雪山,一種種回憶,這次登山比起楚格峰辛苦得多

華山

華山

一早知道長空棧道沒開,所以和西峰一種是有一點遺憾,沒有機會體驗。

華山

在一塊木板上走動是什麼感覺? 究竟在這險要的斜璧行走是驚定興奮呢?

華山

之後就落返中峰果邊上東峰

華山論劍,在這險要的山峰,王重陽是怎得天下?

華山

同時開始下起雪了,一片片雪花落在衣服上,變得更冷

華山

周圍更白茫茫一片,在中峰遠眺,同時加緊腳步了

華山

最後東峰,懸崖峭壁,想必日出必是很美吧,雪也愈來愈大

華山

第一次見到雪真得挺特別,很美,同時很累

最後時間也不多,要下山了

來到最後一站,鷂子翻身,我也想試試,不過時間有限和雪有點大就趕落山

華山

希望下次可以一到下棋亭

華山

在雪下,景色更加美,比起上山時沒下雪時候更有一種淒美

華山

真正的飄雪,令下山時危險得多

華山

最後加緊腳步,一小時內就下到北峰

華山

再見華山,成為我的回憶

華山

搭返索道落去,已經4點,返到西安市區已經7點幾

一條友去左間似大排檔(糊涂记),可惜得一個人叫得一個菜

華山

想試葫芦鸡,但成兩斤,一個人點食

部長提議左個蝦球,話係當地菜,但係無咩特別

華山

高陵油餅就特別,但超多同飽肚,食唔晒要打包

華山

依一日又行左2萬8步,最後走返hostel,累透了的一天。

見到間店叫做純思想藝術學校用繁體寫,幾特別,係間art school

華山

西安聖誕之旅(零/一) 西安@兵馬俑@回民坊

回想起一個月前見到商務機票優惠就毅然決定聖誕西安旅行,好簡短好即興,終於完成3天多的旅遊。

成個行程連機票用左2千蚊港幣,都算做抵和值得,有時候並唔好因為只有一個人而不做。

第一次坐東航business class(內地稱為頭等, 深圳飛)

第一次住大陸hostel

第一次見到落雪

 

D0 > 香港 > 深圳飛西安 > 西安咸陽國際機場

D1 > 兵馬俑 > 秦始皇陵 > 回民坊

D2 > 華山

D3 > 慈恩寺 > 大雁塔 > 西安城牆 > 永興坊

D4 > 湘子廟 > 西安方濟各主教座堂 > 西安飛深圳 > 香港

 

第零天

由於是晚上7:15pm機,提早了下午返左深圳,換左張新Sim卡,之後就係羅湖搭直通巴330(機場1線)

係僑社城市果邊搭,但已經好耐無去果邊,係出關口左面過天橋再向前行一間酒店度上車。

無咩人搭,但真心耐同塞車,所以建議下次搭返地鐵算。

深圳機場有喜茶,但遲左到,直接check in完去lounge(頭等可以唔洗錢)。

飛行體驗

搭的東航(MU2450)只是A321,只是前面12個商務/頭等位,都幾闊落,咁大個仔第一次坐 🙂

蝦球飯,正正常常,坐位邊有AC power,要充電就記得帶插頭(3腳)

每個位都有TV,電影程度和耳機就唔算好,對比qatar A350差好多,仲發現poster錯的(黃金花) 🙁

去到西安,夜晚真心凍,去等接送架車,西安,我來了

去到西安已經十點,再等埋之前淘寶訂的機場接送,去到西安西唐青年旅舍 (Xian See Tang Youth Hostel)已經差唔多12點,趕快休息睡覺。

P.S 機場都有大巴去市區,但都要RMB$25,仲要轉車,而拼車機場接送去到門口都係RMB$30。

今次訂的係4人男生宿舍(4日共RMB$136),原本有諗過住好d,但連埋稅貴十倍,所以趁年輕體驗下大陸的hostel。

間房好細,有兩張碌架床,同一張枱連4個帶鎖的櫃,非常細間,隔音也很差。

除左地理位置方便(近城牆,位於書院門)和算作整潔外,其他地方跟國外的hostel不太一樣。

成層得一個沖涼位,所以旺季就唔太建議黎,而同房是一個人來自潮汕的朋友,住左3晚,可能最後果晚頂唔順我走左。

 

第一天

去西安的幾日,天氣好一般,空氣污染日日都話alert,所以看不到藍天,晚上也沒有星星。

天台? (4樓都有個位有間cafe同溫室,但係完全無人)

日頭就行返出書院門,一條賣紙筆和書法的街

第一餐魏記涼皮,吃了麻醬涼皮和皮蛋粥

味道就一般,大家可以試下

之後就搭603雙層巴士(RMB 1元)去西安火車站 再轉乘旅5(306) 去兵馬俑博物館

搭過咁多種雙層巴士都係香港最舒服,而德國同西安的都好膠,不過價錢唔同好難比較。

都算一種體驗,半個鐘去到西安火車站,據說是一個很多小偷的地方,大家多加小心。

終於一個小時的車程,到達尾站秦始皇兵馬俑博物館

原本以為果個地方好郊區,但好現代,分別有四個坑(3個坑的館)

一號坑最大和宏偉,而且是沒有柱支撐建立的館,挺震撼的每個都有不同的資勢和服裝。

其實保安唔算森嚴,記得以前新聞有人假扮兵馬俑 = =

3號坑

2號坑

有好多種唔同等的俑,如圖中跪射俑

同埋仲有兩座仿製的青銅馬車

同期仲有埃及展(不朽之旅)和木乃伊

博物館門外有免費車去秦始皇帝陵,有免費講解員

之後搭返車出市區同去鐘樓旁邊的回民坊,一條好商業化的小食街 (好多人)

肉夾饃(老孫家),特別的但唔算特別好味

跟住要自己捌羊肉泡饃,但食到好濟 = = 我會鍾意肉夾多d,用湯泡發到好脹,所以愈細愈好

再飲返杯石榴汁

回民坊就好似夜市,整條街好長和好多人,但來來去去都是主要幾樣東西

而且感覺好商業化,價錢不算便宜,可一不可再

仲有30元販賣機,行完又要行返去書院門。

德國奧地利之旅 (十五) 慕尼黑舊美術館@慕尼黑@返香港

最後一日下午機走,所以上午加進了一個簡單的行程

又係好好天氣lol…陽光旺盛,有人會著泳裝在草地曬日光浴

一個簡單休閒的星期日,不用追趕生活和工事,反正就是什麼也不用想

依張相就左面係舊美術館,果一帶有好幾個美術館(仲有現代美術館,同新美術館)

星期日入場只要Eur 1,好鼓勵大家假日去參觀

睇左個幾鐘就返歸去酒店拎行李去機場

返去火車站見到依個零,為這趟旅行畫上句號

另外有件小事,明明Laim suppose會去airport,但唔知點解去到Freising就停左,個DB app寫明明仲可以去機場,結果要轉巴士去機場。

之前申請個Priority Pass,所以就再用左黎入Atlantic Lounge食返餐,亦係開始豬一樣的食同訓 = =

個lounge幾好,人唔算太多,好過去程多哈個lounge

回程係A350,3-3-3,幾好坐

今次返Doha轉機,好神奇要做Security check,超多人排隊,50條line都唔夠,要行到好遠果個大堂

世界盃,係入面見到有幾個人扮蠟像同旅客影相,辛苦晒 (P.S 果時已經差唔多凌晨12點)

機場好多名牌

之後去左lounge,原本果個full左,所以可以去對面first class lounge

相對大好多,食物款式多d,位多d

第n餐飛機餐

飛左好耐好耐終於返到香港,真係完了成個行程