迴旋人生

電影‧電腦‧旅遊‧優惠 @ 文字分享‧表達真我

西安聖誕之旅(零/一) 西安@兵馬俑@回民坊

回想起一個月前見到商務機票優惠就毅然決定聖誕西安旅行,好簡短好即興,終於完成3天多的旅遊。

成個行程連機票用左2千蚊港幣,都算做抵和值得,有時候並唔好因為只有一個人而不做。

第一次坐東航business class(內地稱為頭等, 深圳飛)

第一次住大陸hostel

第一次見到落雪

 

D0 > 香港 > 深圳飛西安 > 西安咸陽國際機場

D1 > 兵馬俑 > 秦始皇陵 > 回民坊

D2 > 華山

D3 > 慈恩寺 > 大雁塔 > 西安城牆 > 永興坊

D4 > 湘子廟 > 西安方濟各主教座堂 > 西安飛深圳 > 香港

 

第零天

由於是晚上7:15pm機,提早了下午返左深圳,換左張新Sim卡,之後就係羅湖搭直通巴330(機場1線)

係僑社城市果邊搭,但已經好耐無去果邊,係出關口左面過天橋再向前行一間酒店度上車。

無咩人搭,但真心耐同塞車,所以建議下次搭返地鐵算。

深圳機場有喜茶,但遲左到,直接check in完去lounge(頭等可以唔洗錢)。

飛行體驗

搭的東航(MU2450)只是A321,只是前面12個商務/頭等位,都幾闊落,咁大個仔第一次坐 🙂

蝦球飯,正正常常,坐位邊有AC power,要充電就記得帶插頭(3腳)

每個位都有TV,電影程度和耳機就唔算好,對比qatar A350差好多,仲發現poster錯的(黃金花) 🙁

去到西安,夜晚真心凍,去等接送架車,西安,我來了

去到西安已經十點,再等埋之前淘寶訂的機場接送,去到西安西唐青年旅舍 (Xian See Tang Youth Hostel)已經差唔多12點,趕快休息睡覺。

P.S 機場都有大巴去市區,但都要RMB$25,仲要轉車,而拼車機場接送去到門口都係RMB$30。

今次訂的係4人男生宿舍(4日共RMB$136),原本有諗過住好d,但連埋稅貴十倍,所以趁年輕體驗下大陸的hostel。

間房好細,有兩張碌架床,同一張枱連4個帶鎖的櫃,非常細間,隔音也很差。

除左地理位置方便(近城牆,位於書院門)和算作整潔外,其他地方跟國外的hostel不太一樣。

成層得一個沖涼位,所以旺季就唔太建議黎,而同房是一個人來自潮汕的朋友,住左3晚,可能最後果晚頂唔順我走左。

 

第一天

去西安的幾日,天氣好一般,空氣污染日日都話alert,所以看不到藍天,晚上也沒有星星。

天台? (4樓都有個位有間cafe同溫室,但係完全無人)

日頭就行返出書院門,一條賣紙筆和書法的街

第一餐魏記涼皮,吃了麻醬涼皮和皮蛋粥

味道就一般,大家可以試下

之後就搭603雙層巴士(RMB 1元)去西安火車站 再轉乘旅5(306) 去兵馬俑博物館

搭過咁多種雙層巴士都係香港最舒服,而德國同西安的都好膠,不過價錢唔同好難比較。

都算一種體驗,半個鐘去到西安火車站,據說是一個很多小偷的地方,大家多加小心。

終於一個小時的車程,到達尾站秦始皇兵馬俑博物館

原本以為果個地方好郊區,但好現代,分別有四個坑(3個坑的館)

一號坑最大和宏偉,而且是沒有柱支撐建立的館,挺震撼的每個都有不同的資勢和服裝。

其實保安唔算森嚴,記得以前新聞有人假扮兵馬俑 = =

3號坑

2號坑

有好多種唔同等的俑,如圖中跪射俑

同埋仲有兩座仿製的青銅馬車

同期仲有埃及展(不朽之旅)和木乃伊

博物館門外有免費車去秦始皇帝陵,有免費講解員

之後搭返車出市區同去鐘樓旁邊的回民坊,一條好商業化的小食街 (好多人)

肉夾饃(老孫家),特別的但唔算特別好味

跟住要自己捌羊肉泡饃,但食到好濟 = = 我會鍾意肉夾多d,用湯泡發到好脹,所以愈細愈好

再飲返杯石榴汁

回民坊就好似夜市,整條街好長和好多人,但來來去去都是主要幾樣東西

而且感覺好商業化,價錢不算便宜,可一不可再

仲有30元販賣機,行完又要行返去書院門。

德國奧地利之旅 (十五) 慕尼黑舊美術館@慕尼黑@返香港

最後一日下午機走,所以上午加進了一個簡單的行程

又係好好天氣lol…陽光旺盛,有人會著泳裝在草地曬日光浴

一個簡單休閒的星期日,不用追趕生活和工事,反正就是什麼也不用想

依張相就左面係舊美術館,果一帶有好幾個美術館(仲有現代美術館,同新美術館)

星期日入場只要Eur 1,好鼓勵大家假日去參觀

睇左個幾鐘就返歸去酒店拎行李去機場

返去火車站見到依個零,為這趟旅行畫上句號

另外有件小事,明明Laim suppose會去airport,但唔知點解去到Freising就停左,個DB app寫明明仲可以去機場,結果要轉巴士去機場。

之前申請個Priority Pass,所以就再用左黎入Atlantic Lounge食返餐,亦係開始豬一樣的食同訓 = =

個lounge幾好,人唔算太多,好過去程多哈個lounge

回程係A350,3-3-3,幾好坐

今次返Doha轉機,好神奇要做Security check,超多人排隊,50條line都唔夠,要行到好遠果個大堂

世界盃,係入面見到有幾個人扮蠟像同旅客影相,辛苦晒 (P.S 果時已經差唔多凌晨12點)

機場好多名牌

之後去左lounge,原本果個full左,所以可以去對面first class lounge

相對大好多,食物款式多d,位多d

第n餐飛機餐

飛左好耐好耐終於返到香港,真係完了成個行程

 

澳洲探索之旅(一) 悉尼 Sydney篇 > Blue mountain @ The Rocks (Opera House / Harbour Bridge)@ Bondi Beach @ National Park)

我第一個到達的城方係墨爾本,跟住再轉機去悉尼玩先。(最後我還是會回到墨爾本)

澳洲的地方太大,每日都不是去很多地方,吃的東西不是全部都很特別,所以不再以日的形式去紀錄,會以城市分開,簡簡單單把自己的遊歷寫下來。

行程簡介(悉尼Sydney)

26/3  墨爾本機場(Melbourne Tullamarine Airport) -> 悉尼機場(Sydney Airport) -> George Street -> Circular Quay (Sydney Opera House + Sydney Harbour Bridge)

27/3 [藍山之旅] Blue mountain Wentworth falls -> Scenic World -> three sisters

28/3 Hyde Park -> St Mary’s Cathedral -> Darling Harbour -> Sydney Fish Market -> Bondi beach

29/3 Ku-ring-gai Chase National Park West Head out -> Palm Beach -> Manly -> Central Station (通宵火車去返Melbourne)

melbourne airport

天氣不是太好,天黑黑的,在墨爾本轉機的時候吃下在澳洲的第一餐,Hungry Jacks(機場雖然分左4個terminals,但感覺還是比香港機場細,而食野的選擇不是很多。)

Hungry Jacks

澳洲所有快餐都好似無分dine in/take away,基本上大家都是在店上撕開個袋,感覺有點不環保,但起碼易於清潔嗎?

 

在機場看到Dictionary bookmark,我覺得幾特別,不過今時今日還有人用嗎?

Dictionary bookmark

香港無內陸機,所以覺得澳洲搭內陸機好神奇,只要早半個鐘入機場,而且完全唔會有人檢查身份同護照,感覺就好似搭巴士,買左飛就直接上車。的確方便好多,省卻左好多時間。另外可能搭慣左搭大機,所以覺得間機好搖,好危險,哈哈。

另外因為平的關係,買左Tiger air的機票。佢地執得好嚴,在入閘的時候會有量度隨身行李的重量,如果超重(over 7kg)就要加錢。而我無買行李(Backpacker),所以都好驚,不過我7.18kg,成功通過,估計8kg內應該都無事,但下次都係選其他airline了。

一個鐘的機程,好快到左悉尼,一個大家以為澳洲首都的城市。

出機場最方便的方法係搭airport link,但價錢唔平,18.XX澳元。

悉尼的火車好特別,有分上下兩層,好多座位,亦唔係好多人。

悉尼airportlink

Hostel 基本上都係Central Station果邊,而我選左(Railway Square YHA Hostel),因為夠晒近同高評分,之後就開始了旅程。

1. George Street (喬治街)

George Street好長,有點似彌敦道?,貫串整個悉尼市中心,直走可以去到The Rocks(岩石區)。

Central Station

沿住行,會經過Town Hall,不過就無入去了,隔一條馬路就係Queen Victoria Building(QVB)維多利亞購物中心,有過百年歷史,入面好多名牌,但重點係內裡的設計好古典和高雅。

town hall

往海港方向走愈黎愈漸近商業區,樓就會高好多,同九龍灣差唔多。

不過今次無時間去澳洲悉尼office參觀。

2. Circular Quay(環形碼頭) – 悉尼大橋 + 悉尼歌劇院

Circular Quay有悉尼的地標Sydney Opera House(悉尼歌劇院),同埋悉尼大橋(Sydney Harbour Bridge)。

人真的超多,但不會過於密集般像尖沙咀的星光大道。

一條好舒服的步道,沿著海旁好多餐廳,亦有好多bar。

悉尼歌劇院

如果有時間可以攀登Sydney Harbour Bridge,你見到橋上邊一個個小小的人嗎 ?

天息開始變黑,第一天的澳洲就這樣結束了,但真的很累,由香港去廣州,飛新加坡轉機,再去墨爾本,最後到悉尼。

Sydney Harbour Bridge

3. Blue Mountain (Wentworth falls + Scenic World + Three sisters)

去到行程的第二日,今天主要前往藍山(Blue moutain),其實都好遠,辛苦我的朋友了:)

澳洲的郊區,真的無咩人,無咩車。

“永遠向前 路一直都在

That’s just life  尋找夢裏的未來
That’s just life  消滅現實的無奈

DSC_3983

我很喜歡這一望無際的森林,一片綠色。

DSC_3990

小型WaterFall?

DSC_4006

上落去真的很費力,不過最苦的是上樓梯,很斜和很多樓梯,不過這才是真實的大自然,難道要築起個電梯。

DSC_4027

大自然底下,人是渺小的,瀑布底下好似一個修練的地方,感受大自然,靜思人生。

瀑布

冰山一角的樓梯,斜度亦很高,所以沒有行最底。所以作為一條track,假日去行就好正。

waterfall

之後就去到Scenic World,去到未必可以即時買到果段時間,所以強烈建議預先買。我們要到4:00pm才可以入場。

DSC_4056

Scenic World 主要有三個車,Skyway,Cableway,railway,

一個係過對面山有透明玻璃地下的Skyway,

一個係近乎垂直上落的Railway

一個向下斜的Cableway

首先搭左Cableway落去森林步道,好正有一下望到下面的森林(好斜)。

好難形容果一下感覺,突然下面空無一物,好高的森林。

DSC_4073

下面的步道無咩特別,好似一個森林,樹木沒有台灣阿里山那邊高和莊觀。

步道

Three sisters

超正倒後行的Railway,如果無按住,一定會整個人倒下去的。

DSC_4119

skyway

看到遠處的Three sisters嗎? 我地有走落去,其實都幾靚ge。

行完都已經天黑六點幾,返到市區都差不多八點,簡簡單單吃了快餐就算了。

Three sisters

4. Sydney City (Hyde Park + St Mary’s Cathedral + Darling Harbour + Sydney Fish Market)

悉尼市其實唔係好大,第一日都有行過George Street往Circular Quay,但今日就去左Hyde Park同Darling Harbour等近city的地方。

Hyde Park 的入口有個Chess,其實澳洲Chess都幾普遍。去到Melbourne state library外面同埋內裡有個房專係for chess。

chess

St Mary’s Cathedral就係Hyde Park旁邊。

DSC_4225

Hyde park其實唔大,個感覺有d似維園。

Hyde Park

依度可以望到Sydney Tower,但好似有d舊。

DSC_4227

咁啱有個復活節活動,我們”相信”希望。

DSC_4238

公園裡面有d反戰的藝術品。

DSC_4246

Anzac Memorial(澳紐軍團戰爭紀念堂)
DSC_4245

之後就去行街,Uniqlo同H&M都貴過香港,不過重點我不是來購物。

而澳洲其實好多露宿者,有男有女,帶埋隻狗訓街。

同樣亦有好多街頭表演,唱歌彈結他,原住民。

DSC_4252

而係度最特別唔係Apple Store,反而經過見到Microsoft Store。

Microsoft Store

跟住就行左去Darling Harbour,而下面就係果條Pyrmont Bridge

Darling Harbour

雖然唔似日本唐戶果條會兩邊升起,但佢識打橫轉的。

DSC_4262

Darling Harbour其係好多遊艇,一個U形的碼頭,主要有好多餐廳和有Australian National Maritime Museum,同另一邊有3個博物館(SEA LIFE Aquarium / Wild Life Zoo / Madame Tussauds Sydney),但價錢唔平,我就覺得唔抵,所以就無去了。

DSC_4271

雖然唔算得上靚,但都係一個幾休閒的地方,假日可以沿住碼頭走走。但都係Circular Quay廣闊d,依個有少少似避風塘,沒有淤海的感覺,但這樣才是港灣,有船的海港?

IMG_20160328_124438

下一站去左Sydney Fish Market,超多中國人,應該只有遊客才會去。

你話野食抵唔抵,我就覺得一般,除左生濠外,其他都唔平。只可一,不可再,純粹試過就算了。

Sydney Fish Market

DSC_4282

DSC_4284

5. Bondi Beach

Bondi Beach(邦迪海灘)係Sydney一個好出名的沙灘,而我唔係黎滑浪和游水。反而我們是沿著海邊的Coastal Walk,一直往前走到clovelly beach。其實幾好行,好多人跑步,沿著海邊的確很寫意。

bondi beach

旁邊有個泳池(Bondi Icebergs Pool)好正,與浪同游。(要被錢入場)

bondi beach

bondi beach一帶的海岸線真的很長,個境好靚,好大浪。

Bondi

同時還有一望無際的海,吹著海風,真的很寫意。

不過我覺得最正係海邊的球場,可以望著海打波,又或者坐在草地,既可以望抬望著藍天白雲,又可以向著水平線,遠望浩瀚海洋,這是我期待的生活嗎 ? 放慢腳步,享受大自然和人生。

bondi beach

Coastal Walk真的很長很長,花個多小時也走不到盡頭,但真的很多海灘。由Bondi Beach,Tamarama Beach,Bronte Beach,Clovelly Beach,一路走下去應該還有更多更多的沙灘,住係度望住個海真係好正。

DSC_4361

來回都差唔多三個鐘,之後就返番市區了。

因為個fd想打邊爐,所以去左Burwood,一個華人區,係果度聽到廣東話好親切。

但都幾平,計埋好似百幾蚊港幣。

Burwood

6. Ku-ring-gai Chase National Park West Head out

黎到最後一日,也想不到什麼地方去玩,所以去了Kuringgai Chase National Park。其實這天天氣不是很好,落了幾場雨。

這個地方是National Park最遠處,但陰陰地天,所以不是很清。

West Look out

另一面係望到將會去的Palm Beach,一陣會去,見到個燈塔嗎?

DSC_4372

之後我們選了其中一條Track (America Bay Track),成條路都無人,其實成個國家公園,人同車都唔多。

花左一個小時行到America Bay,好正係無人,靜靜地享受大自然。

DSC_4384

跟住享受個午餐,寫意和寧靜,跟住行返大路,開始落雨了。

DSC_4393

成條路基本上係無車(除左我地架車),得我地咁傻仔去? 不過我自己就喜歡這樣的生活,路一直都在呀!!

Track

 7. Palm Beach + Manly Beach

之後就去palm beach,但天氣真的很差,回程的時候愈落愈大雨。

Palm Beach

要去燈塔(Barrenjoey Lighthouse)先要穿過沙灘,但好多海帶。

DSC_4422

最正佢係海中間?兩邊都有個沙灘,其實左面先至係palm beach,右面果個係上黎時經過,顯示好細,但兩者穿過去好近。

Palm Beach

之後上到個燈塔(Barrenjoey Lighthouse)開始落起大粒雨,要即刻落返山。

燈塔

之後雨勢好似愈黎愈大,特登經過Manly Beach先返Sydney 市區,但還是下著雨,只是望過Manly Beach,但感覺不夠Bondi Beach靚同長。

Manly beach

最後回到市區,吃了Pancake on the rocks,好似挺受華人歡迎。

Ribs都好幾味,Pancake都正,還有再試了Victoria Bitter,跟住朋友車返去左Central Station,完成了悉尼的旅程。

這晚 8:35PM 由Sydney Central Station  乘通宵火車(Train Link)去 Melbourne Southern Station 7:25AM (45AUD)

第一次坐成十幾個鐘的火車,累透了,成日睇鐘幾時到,同埋真係唔好受。

P_20160329_183427  P_20160329_183423

P_20160329_183431  P_20160329_181910

關西中部旅遊(一) 大阪 > 新世界@通天閣@天王寺動物園@四天王寺@大阪城@HEP FIVE摩天輪@梅田空中庭園

第一天,凌晨機到步,苦等了個多小時才入到境,差不多凌晨兩點。由於想慳返d錢,所以決定訓機場,等到天光一刻就出市區。

大阪空港

大阪空港其實都算幾多人訓機場,而早前朋友說機場酒店附近有個位提供地方睡,較外面安全。

實際位置於(Aeroplaza 2/F),係burger king對面,但跟外面的分別只是類似有一間房,門口有人看守,而裡面全是一排排的櫈。

好處係無咁開揚,同起碼有人看管及借”被”。

可是我去到的時候已經滿了,沒有位訓,只好係門口附近的櫈。

 

三點幾訓著,到五點醒,周圍的人都走晒,得返自己一個訓街,成個情形都幾怪。

即係起身執野走人,成個機場通宵開的舖頭得M記/Burger King/便利店同すき家,所以唯有去食牛肉飯。

牛肉飯

食完就起程出市區,買左大阪周遊券(南海關空版),2900Yen,包南海鐵路出市區+一日大阪周遊卡。

大阪周遊卡包28個免費景點和一日任搭部份私鐵及大阪市地鐵,所以第一日的行程好緊湊,要盡量去好多地方。

http://www.osaka-info.jp/osp/cht/facility/free.php

不過第一站係先去airbnb的host,放低行李,屋主住四樓,下面三層似酒店間左幾間房,每層有兩個廁所。

同相中一樣,空間不是很大,只有一張床,但房同廁所好乾淨,所以第一次住airbnb的經驗都唔錯,而純粹只係一個住的地方。

交通算方便,起碼在市中心,但離鐵路有點遠,每天都要走十五分鐘的商店街,可以細看到早上和夜晚日本的生活。

https://www.airbnb.com.hk/rooms/8868834

airbnb

上一次去九州,只是行過近中州果條商店家,但今次行左好多條,感覺強烈好多,商店街就好似我地的街市,咩都有得買,而民居就鄰近商店街。

 1. 通天閣

第一站,通天閣,一個具歷史性的展望台。

新世界

在展望台,可以望到整個大阪市,密而不高,對比香港的高樓大廈黎講,這是一種廣闊的美,香港只會見到前面的高樓而看不清後面,所以日本的密集美有點震撼和闊。

展望台

通天閣彷照巴黎鐵塔的瞭望塔,意思是引領大阪日本步向天空和世界,雖然現在不是很高和舊,但正好好認識一下這個地方的歷史。

而附近是新世界,有好多野食,好多餐廳都幾特別,有炸串,八爪魚丸。大阪

八爪魚
串炸

八爪魚丸

2. 天王寺動物園

正因為好近同用左一日周遊卡,所以順道參觀天王寺動物園,好多小朋友,而當然仲有我依個大朋友。

天王寺動物園

入面分左非洲動物,熱帶雨林,鳥類等區域。其實好細,動物種類同台北動物園差好多。

不過都有羊,獅子,老虎,長頸鹿,大象,北極熊,袋鼠,好似貓等動物。

行左成個鐘,最終仲蕩失路,走唔出返黎,要睇地圖走。

一個棉羊,繼上次清境後再接觸羊,其實佢地都幾”烏糟”,哈哈

羊

兩隻貓科動物,困在寵中,來回踱步,有資勢。

貓

老虎

而北整熊都冷冷閒係度訓。

北極熊

其實係正市區都唔錯,幾方便,隨時都可以去看看圖物,好多一家大細,好適合親子遊玩。

最正係細路可以坐下下面的車,被推著遊玩動物園,近得意,但慘在大人推車仔。

車

最後係近天王寺站個出口走,再見了可憐的動物們。

天王寺動物園

好鍾意日本的天空,藍天白雲,而外面公園就好多人郊遊和玩樂,好寫意。

天王寺

3. 四天王寺

原本打算搭地鐵去,但四天王寺係站中間就只好慢慢行過去,途中見到好多得意野,好好體驗日本的生活。

我見到依間屋,返左黎search原來係一間餐廳(びっくりドンキー),都幾多人食,唔知好唔好味呢。

DSC_2728

其實都唔算近,行左好幾個字,終於到四天王寺,入左去中心伽藍,但這個地方很莊嚴,也沒有拍太多。

DSC_2734

中心伽藍
DSC_2735
之後去埋個本坊庭園,只有兩三個人,一個好寧靜的庭園,又有梅花,同時休息了一會兒再重新上路。

DSC_2770

DSC_2756

梅花

DSC_2778

4. 大阪城

之後就搭車去谷町四丁目,然後行過去大阪城。行過去途中經過NHK同大阪歷史博物館。

NHK

大阪城

天守閣

繼上次熊本城,今次黎到大阪城,入面講左大阪城的歷史,但不太感興趣,入面又超焗,所以係天守閣影左幾張相就落返黎。

天守閣
P_20160312_152607

跟住去左西之丸庭園,應該會有櫻花,但太早只得枯枝,不過望去大阪城又有另一種美。

大阪城

5 梅田 HEP FIVE 摩天輪

跟住就去左梅田,梅田真係一個好繁忙的地方,比起旺角複雜好多倍,我真的剪失路。

由於周遊卡的關係,當然要試下一個人坐摩天輪,幾得意的感覺。

一個人哼著幸福摩天輪,望著快要下山的夕陽,但好快就轉完一個圈,萬般感受。

HEP FIVE

不過個玻璃/膠面都幾花幾唔乾淨,但係一個體驗,去看這個大阪市。

HEP FIVE

落到黎,六點幾,去左北極星蛋包飯,味道正常,沒有什麼特別。

北極星蛋包飯

梅田空中庭園

吃過晚飯,一日最後的行程係梅田空中庭園,係梅田真係搵左好耐,有一條隧道為入口,沿住就會到達目的地。但入口極奇難搵,來來去去阪急,阪電,又轉左轉右,跟住google map迷失了半個小時。

 

不過真係幾值得去,去到要排一陣隊,上到去幾靚。但戶外果層超凍,超大風。

望住晚間的大阪,同上次係長崎的夜景又另一留姿味,闊而光。

最正係月亮底下的大阪,同埋食左第一餐雪糕。

DSC_2887
DSC_2859
DSC_2842

DSC_2889

最後就10點幾返去airbnb,真的很累,為了一日遊而走了許多景點,再加上只訓左三個鐘,超chur。

如果有時間一定要去堆其他免費入場的地方,用盡張大阪周遊卡,我也想去大阪生活今昔館,道頓堀水上觀光船,大阪市立美術館,天保山大摩天輪,帆船型觀光船 聖瑪麗亞號,大阪府咲洲行政大樓展望台,不過時間始終唔夠,買兩日又唔抵。

九州旅遊 (九) 告別福岡@轉機@台北@香港@終結

終於來到最後一日,10:10AM機,所以也沒有時間再逗留了。

這是第一日來到的酒店,也是最後的一間。(住了五晚),拖著一個行李箱和袋回歸了。

一大清早,寄了最後的信片就去博多駅乘福岡空港線。

IMG_4636

其實機場入面都有雞仔果D手信賣,仲要無稅了,所以千萬不要在外面買。=(

IMG_4640

歲月如歌,廿五歲前第一次獨遊日本終於完結了,這個可愛的城市再見了。

IMG_4645 IMG_4649 IMG_4650 IMG_4653

第一餐

IMG_4663 IMG_4664

終於花左兩個小時來到台北,等了一個小時才能上機

IMG_4666 IMG_4667

第二餐,依個好難食。

IMG_4669

無驚無險最後三點幾返到香港。

IMG_4674

 

終結:

當初有依個念頭是農歷新年前,決定去九州,看過無數的資料,旅遊書和BLOG,最後正月十五終作出決定,開始訂了機票和酒店。最後今日終於完成了,很開心,雖然是一個人,但很舒服地過了一個星期。

首先講成個旅程最開心的是完成了大部分想去的地方和做的事,今次最期待是軍艦島,黑川浸溫泉和火文字燒。雖然因為言語和交通不便造成阻礙,但依然是滿意的。對於一個不懂日本的傻仔來到一個全新的地方,不斷地探索和挑戰,可能對於其他人來說,沒有所謂吧,但對於我來說從零到熟習日本人的習慣,慢慢從害怕到欣賞這個地方,到最後不捨得。

或者我是喜歡那種較少的壓迫感,鍾愛慢一點的生活節奏,喜愛抬頭就能望見藍天的感覺,然而這些難以從香港找到。即使有這個空間,卻沒有這個時間去做,完全忘卻工作忘卻生活,注重的是每一天。

當然一個人的旅程是自由卻孤單,但我願意因為只有一個人而不向前行,這是我的做人態度,過程曾遇到無助,失落,但我會鼓勵自己,學識堅強。雖然我沒有多大的本錢,但我希望有機會能再次去把這次的遺憾做好。

第一,沒能夠上到阿蘇火山,現在重開了,機會再現。

第二,沒能夠明白他們說什麼,我也要開始學習日文吧?

第三,沒能買平衫,哈哈,沒有刻意去找那裡多東西買,下次要Shopping!

第四,不要再傻傻的在外面買手信,在機場免稅買手信便宜哦。

第五,時間早了,沒能夠看到櫻花美景。

第六,沒能夠去更廣的地方,下次要去宮崎,鹿兒島?

第七,趕車真的很麻煩,自駕就好了,所以要學車?

第八,這次獨自去旅行只是開始,下次轉工該找別的地方嗎?

第九,這次拍了二千多張相,依然是IPHONE影得最好,相機技術有待改善,或者係時候學?買部相機?

第十,希望能完全放下憂慮和顧慮,要無時無刻抱著快樂的心情,是時候長大了。