迴旋人生

電影‧電腦‧旅遊‧優惠 @ 文字分享‧表達真我

貝隆夫人 Evita 音樂劇

這套音樂劇把貝隆夫人一生搬上舞台,配合多首動人歌曲,道出了她受國民愛戴的歷程。

出生卑微的Eva,徘徊於男人間,經歷多段感情和歷盡磨難,最終成為阿根廷第一夫人,影響政治。

 

(含劇透)

哲古華拉是一個旁白及旁觀者,開幕正是貝隆夫人的喪禮,大家都為她的逝去而傷心。

跟著就開始講述她的一生,探戈歌手麥加地(Magaldi)是她的第一個男人,跟著他進入城市(Buenos Aires)發展,可是麥加地已經結婚,Eva慘被拋棄。

漂亮的Eva遇上攝影師,她的照片被登上了各大報章媒體,終於成名和開始她的演藝生涯,及後遇上貝隆和結婚。

她推動無產階級,為底層勞工人士發聲,改革社會,深受人民爱戴和成為權傾阿根廷的主政者,不過短短33歲就患病逝世了,結束她傳奇的人生。

 

個人感受

Eva卑微的出生,但她的魅力吸引無數的男人,而Emma Kingston(演Eva)都能把她的性格從歌聲表達出來,一個好堅強的女子,有些很強悍的歌曲,給人堅定的信心。

最受歡迎的歌是 Don’t Cry For Me Argentina,感人的旋律表達她希望改進社會,為百姓發聲,拉近大家的距離。

而我最鍾意係 You Must Love Me,貝隆夫人病入膏肓,對崇高的政治抱負,可是卻無力執行,希望貝隆能繼續愛她,不要成為被趕走被抛棄的女人。

 

總結

一套以歷史為背景的音樂劇總會有些承擔和限制,一開始沉重的喪禮,一段段黑白的歷史片段,告訴我們這是真正發生在四五十年代。

不評論貝隆夫人是否單純的政治秀和不擇手段利用男人的手法,但作為一個平民百姓,她敢為大眾出聲,爭取女性權益,已經是改變社會的一大步。

貝隆夫人音樂劇沒有一般故事小說的高潮和驚喜,沒有魔幻和超現實的舞台效果和幻想空間,憑著平凡感人和堅定的歌聲,告訴了我們貝隆夫人的一生,以音樂方式紀錄了她為阿根廷做的一切。

 

Evita 上演詳情

http://www.hkticketing.com/events/WCEVITA0518

 

Cats 音樂劇

cats musical

昨晚去了一個貓的舞會,見識到各式各樣的貓,貓有如人一樣,各自有它們的名字,它們的性格,它們的故事。而我一如以往靜係記得它們的故事,而忘記它們的名字,人生聽過無數的名字,好多時轉瞬即忘記,但我忘不了的是它們的故事,一個代表著它們人生的故事。

 

(含劇透)

Jellicle Cats每年都會有慶祝舞會,而舞會中會選出一隻貓,可以踏上雲外之路,獲得重生。

整個劇場有成二十多隻各具特式的貓,要贏緊係要表演出自己的才華和特點,要成為被選中的”細路”。

場景

音樂劇

電話影相有d差,個場景以垃圾堆為背景,我幾鍾意果個月亮,好靚和帶出夜晚的意景。不過我最喜歡是一開幕的燈光,一個個燈泡從台上曼延到台下,再加上貓貓們會落台下,與觀眾近距離接觸,彷佛我們都融入貓的世界,成為其中一個Jellicle Cats。一齊唱Jellicle Songs for Jellicle Cats吧!

每隻貓都會有三個名字,而我就唔太記得,哈哈!反而每隻貓的故事更動人和吸引。

如果想揾返所有貓的名字,可以去wiki,好易就揾返佢地的名字

(Jennyanydots, Rum Tum Tugger, Mr. Mistoffelees, Gus, Skimbleshanks, Old Deuteronomy, Munkustrap…etc)

https://zh.wikipedia.org/zh-hk/%E7%8C%AB_(%E9%9F%B3%E4%B9%90%E5%89%A7)#%E8%A7%92%E8%89%B2

個人感受

Cats的故事連貫性較小,反而著重它們各自的性格和故事,所以一個晚上可以有不同的小故事。

每個小故事各自各精彩,有訓練蟑螂和老鼠學音樂的Jennyanydots,男神 Rum Tum Tugger,小偷貓,燕尾服的肥貓,劇場老貓 Gus,火車貓,神奇的Magic貓,壞蛋貓,仲有過氣被離棄的Grizabella。

我最喜歡是火車貓,因為真係好得意,以舞蹈和歌聲描述佢地工作,佢地仲砌左架火車,一齊開火車!

最喜歡的歌是由Grizabella唱的”Memory”,因為佢唱得好慘好孤單,回憶過去的美好,Memory。

時間過的好快,我已經老了,行完山痛左成個星期,又捱唔到夜。望住每日的工作,而還是懷念著以前年少無知的美好。

總結

Cats好識運用燈光,台上台下,全個劇院黑晒,開火車的車頭燈,整個氣氛樂正,令大家投入舞會。

如果要形容自己的一生和特點,會怎樣去講自己呢?

停一停,諗一諗,或者人生是平凡,我沒有他們的夢想同長處,可能我只是一隻IT 狗,每天對著電腦打Code吧!

講笑,人生總會經歷過無數的大小事,最深感受是自己,是喜是苦也是一種回憶,有時會為傻的往事笑。

I remember the time I knew what happiness was

 

大家勇往向前吧!a new day will begin !

又想聽好歌,又想睇身材(佢地的服裝好貼身),又想探索貓的故事不妨看一看。最後送上spotify的playlist。

 

我的PMI-ACP 之路

人總是要往前走,所以我決定報考了PMI Agile Certified Practitioner (PMI-ACP)。可能會有人問應該考邊種,現在針對Agile/Scrum的Certificate已經愈黎愈多,由兩個最出名的Scrum.org Certified ScrumMaster(CSM),甚至有各種小小institutions都有出Scrum Master的認證(GAQM, Scrum-institute, scrumstudy),但普及程度不一,好多好多不知名的唔建議報讀。雖然最重要係明白Scrum的意義,從經驗中學習,但難免會搵一個較大眾認知的證書資格。

比較下選擇左PMI-ACP,始終有較出名的PMP(作為普通的Developer唔符合資格,又唔想好似d friend呃人或博唔被人audit)。雖然PMI-ACP唔係完全exactly同Scrum有直接關係,但起碼有少少證明自己認識agile。而且我已經考左Scrum.org 的PSM I (因為平同一世有效),所以排除左不知名的機構外,餘下PMI-ACP同CSM,但CSM超貴,過萬蚊上兩日course+答30條MC,感覺太兒戲了,完全係有錢人的玩意同令人質疑。

言歸正傳,我終於踏上考PMI-ACP的路,純料紀錄下成個流程。

報考資格

要符合以下資格,做左6年野(大部分時間都行scrum),其實好易過關。

  • 2,000 hours of general project experience working on teams.
  • 1,500 hours working on agile project teams or with agile methodologies.
  • 21 contact hours of training in agile practices.

時序

2017/9/1 開始讀 Udemy PMI-ACP Exam Prep course

2017/10/14 網上填form 報名

2017/10/20 收到通知接納同網上被錢,之後即時知道洗唔洗audit(好彩唔洗audit)

2017/10/20 選左 2018/1/4 下午考,多於30日,可以免費改時間

2017/10/24 讀完Udemy PMI-ACP Exam Prep course

2017/11/30 開始溫PMI-ACP Exam Prep

2017/12/29 溫完一次PMI-ACP Exam Prep

2018/1/1 開始做網上的Sample Questions同睇resources

2018/1/4 去新蒲崗考評局PMI-ACP考試 (結果: Pass/Fail)

成本

Udemy PMI-ACP Agile Certified Exam Prep US$7.5

PMI Agile Certified Practitioner(PMI-ACP) Non-member Price US$495

Total = US$502.5 (~HK$3920)

* Non-member報考同重考都係貴US$60,但點都平過入會US$139。

唔似得PMP 入左會+報考都平過Non-member的報名費,所以單純考PMI-ACP唔洗加入PMI做會員

入左會要年年續會費,所謂的benfit又唔太吸引

Contact hours(課程)

21 contact hours 我選擇左最平的online course

我見其他人推介prepcast, simplilearn online course,或者坊間的實體course,但睇完之後覺得好貴同唔太值,倒不如自修,寧願花錢重考好過比錢報讀果d course,反正讀完唔會guarantee pass同埋我有的是時間,加油,努力!

最平的係 Udemy PMI-ACP Agile Certified Exam Prep ,但我買果時係US$10

依家係US$50,但經常有優惠(black friday, 平時promo大約US$12/$15)都可以入手

如果你想再平的話,記住先去Topcashback 登記成為會員,再搜尋udemey,透過條topcashback登記,有25%回贈,收到回贈後可以轉成amazon gift card或者入返落paypal,所以最後只係花左US$7.5 拎左個21 contact hours。

Materials/References

正如我介紹上面的udemy course大約有13 hours 的video,我當然有睇晒,另外上網下載左一些電子書練習。

Reference books

PMI-ACP Exam Prep, Second Edition:
A Course in a Book for Passing the PMI Agile Certified Practitioner (PMI-ACP) Exam (By Mike Griffiths)

>> 好詳盡,同個udemy course的資料互相參考

網上雖然有開心版PDF,但真心建議買本書,因為買書好似會有CD(連個Code),

溫完書之後可以網上邊Download PM FASTrack software的Practice,入面有約300條題目

 

The PMI-ACP Exam: How To Pass On Your First Try (By Andy Crowe)

>> 我見好多人推薦依本First Try,可惜現在得返一個星期,Amazon買返黎都要時間,所以等大家報告。

(題外話: 公共圖書館無以上兩本書借)

 

Sharing / Study Guide

https://edward-designer.com/web/pmi-acp/

>> 香港blogger寫關於PMP/PMI-ACP,入面study notes,  resources同填form的教學

 

http://www.bardo.com.hk/resources/pmi-acp%2002.html

>> 另外一個本地網站教點填表(agile working experience sample)

 

https://www.deepfriedbrainproject.com/2013/10/pmi-acp-exam-passed-lessons-learned-study-tips.html

>> 另一個外國早期Study Tips,入面提供的資料都多,同埋2017年都有更新過
特別鍾意佢推介其中一個網站 @ScrumDan’s PMI-ACP Study Guide

 

 

結果 / 個人心得

香港得一個試場就係新蒲崗考評局,好耐之前CE Appeal去過,所以都認得路(早半個鐘到)

去5/F 有間房報到,證明要有相同簽名,職員話香港身份證(有相)+信用卡(有簽名)兩樣加埋就得

但我見好多細路都係用passport (特區護照無簽名,BNO有簽名)

同一日比較多人考PMP(約十個),ACP(得兩個),但大部分都唔同時間開始考,同格局似自修室

(入去考之前會有locker放野,咩都唔以帶入去,佢地會提供紙同筆)

 

首先會有一個十五分鐘電腦簡介,之後就做3個鐘MC,同最後一個問卷

利申: 勁驚,太耐無考試,一開始果d題目好難,好多條都唔肯定

大約2個半鐘先做得晒,最後半個鐘review返Mark左的題目就差唔多夠鐘。

 

分享: 同網上果d sample questions 完全唔同形式,九成九都係情景題

以一個team lead / agile practitioner /  scrum master / product owner / stakeholder 角度會點做

唔好花太多時間背果d definition,因為考怎樣apply多過definition

果堆XP practice/ SMART / INVEST/ ASCR / ADAPT/ DEEP / CARVER / SWAG背完都無用過

之前網上做果d practice exams有部分得56% – 8X %,但好多根本反映唔到實際的題目

所以當你做practise exam遇上果d考definition唔洗太擔心,好似我做完得56%,去到真exam最後pass 🙂

 

不過都可以溫埋,知道多d,係學習途中諗多d實際情況

如果大家有多真實agile experience,應該相對易考

 

最後總共花左3個月準備,扣左睇video,實際溫書大約一個多星期(全日),比我想像中易考好多。

見到Above Target係開心,但有一個Target同Below Target就有d美中不足,但總算完成左其中一個目標。

祝大家好運!

PMI-ACP

沙漠女皇巴士團(Priscilla queen of desert)音樂劇

今晚登上一架好特別的巴士,經歷了一場探索之旅。Priscilla Queen of the desert有別於過往的Phantom of Opera 個種潛在於背後的憂愁和悽美,唔似綠野仙蹤女巫果類成魔之旅,真是一場尋找自我的旅程,感受和共嗚會比較多。

“You are here”,巴士從悉尼出發,三個變裝皇后drag queen(Mitzi, bernadette, Felicia)在前往內陸賭場Alice登台表演,途中數個地方,大家一起成長和經歷,既搞笑又有無數的好靚的服裝同好正的音樂。

(含劇透)

三個主角,有著不同背景,同性戀,變性人和充前理想的drag queen,以變裝扮女人表演,一齊開著巴士往澳洲內陸城市Alice  Spring,穿過沙漠,經過落後的市鎮,遭人白眼打壓,不過同時亦有人應同和欣賞,最後到達終點表演,而Mitzi見回兒子,bernadette遇上情人Bob,幸福美滿的結果。

場景

Queen of the desert

場景轉換算多,主要是配合Priscilla架巴士,好多舞台道具,應該係搖控車的道具,特別係天使得得B 最搞野,同埋pub/bar的場景做d好正,招牌的字會反轉,營做出係入面的效果,加上配上超過500件服裝,效果好配合整個故事環境。另外個水晶高跟鞋都好正,完全無留意過幾時吊上架巴士度,華麗舞台加上繁多服飾有時都睇唔出個performer係男定女。

個人感受

我覺得每個人都係生活在自己的舞台中,不是別人的配角,而我在現實中不善於表達自己,但至少我會係依度表達自己。長時期抑壓也只能靠這裡表達自我,因為這裡我就是主角,我驚你有牙,哈哈。

主角去到落後的城市,受到歧視,巴士被人畫花,甚至被人打。我覺得在沒有傷害其他人情況,為什麼人不能做自己喜歡的事,所以我喜歡Felicia忠於自我,勇於表達自己,為什麼好似Mitzi介意別人和孩子看自己工作,而bernadette作為較為老練成熟,面對愛情,也會主動跟Bob一起,追尋屬於自己的幸福和快樂。

成套劇最鍾意的一幕係終點去到賭場表演,佢地三個背向舞台,以快鏡形式,一套又一套誇張的服飾,仿佛帶領我們重溫他們的旅程和經歷,見證他們的人生。

人生就如舞台,過得好快,咁快就過左28年,最近再次迷失了自我,我係度問自己係什麼,有什麼夢想目標,我羨幕他們勇於表達自己,而我自己也不道明天和這條路怎走,可以話連”自我”都沒有,不過我仍會好好活下去,大家加油吧。

總結

沙漠女皇巴士團係一個好正的音樂劇,場內集氛不錯,好多外國人惜心打扮,男扮女裝帶假髮入場,歌曲都是流行(pop, disco)和經典歌曲,而唔係原創音樂劇的歌曲,所以部分歌都聽過同好多都好重beat,最喜歡是It’s ranining men ! Hallelujah !

“Go West”又好似”give thanks”(以前學校早會成日唱的一首歌),又有好pop的True color,猫王的always on my mind,又或者We Belong。

又想聽好歌,又想睇靚衫,又想探索自己不妨看一看。最後送上spotify的playlist。

綠野仙蹤女巫前傳 (WICKED) 音樂劇

昨晚去了演藝學院睇綠野仙蹤女巫前傳(wicked) 音樂劇,好好睇,音樂同場景都好正,值得一睇。

一切都好green,但服裝都做到好仔細同華麗 🙂

wicked2

 

小時候,第一本童話故事書係綠野仙蹤,講個小女孩被龍卷風吹到個魔法國度月重,要找回家的路,途中遇上稻草人,鐵皮人和膽小獅,路上大家互相幫助,一個既驚又有趣的歷險旅程,勇敢的小女孩最後殺死了壞女巫。

不過依次音樂劇係講返女巫,作為綠野仙蹤前傳(後期先作),同原本的綠野仙蹤有一些關連,大家可以聯想,不過唔係依套劇的重點,但改寫左女巫成魔之路,邊個先係正義呢?壞女巫定好女巫?

(含劇透)

個故事主角講好女巫Glinda同Elphaba在學校相遇,Glinda是一個受歡迎的”blonde”美女,遇上一個怪胎綠色人Elphaba (哈哈,應該同Hulk同Shrek會係好朋友,一樣咁綠色)。兩人由怨家,再變成好朋友,揭穿了大魔法師的面目,有天賦的Elphaba決意保持正義,但遭大魔法師誣衊,講成罪大惡極的壞女巫,而一直希望成為受人敬仰只好成為權力下的扯線公仔,命運下只能其中一人勝利。

場景

wicked1

佈景非常細緻,有一個dragon clock係最頂,背景以一個鐘和齒輛的形式顯示出來,在時代的巨輪下,人們百般無奈,只好活在當下,但我們還有什麼選擇嗎?

場景的細緻度同本地話劇無得比較,始終唔同的制作成本,特別喜歡下雨的特效,雨的剪影,樹林,同埋magic的效果(飛起黎)。

場景的變化都好多,其實學校部分似Harry Porter,哈哈。

個人感受

對於故事來說,Elphaba成魔之路的確令人接受,在這個扭曲的社會下,小眾被定義為犯錯和針對的一方,而無知的群眾下,欠缺批判思考成件事,難道相信水就能消滅女巫,這不是諷刺當今的社會嗎?

(哈哈,假設個故事是真正,不能批判思考),我會鄧Elphaba慘,為什麼一直去幫助人,卻被大家討厭,好人真的好報?

雖然唔係話得不到好報就要變壞,但係我會同情她的處境,成魔背後多數會有原因,不是讚同卻是同情。
(哈哈,我好似合理化左做衰人)

最令人激氣就係Elphaba個妹(跛),既無知又貪心,明明Elphaba講左Boq係玩佢,並不是真心。即使令佢重新企返起身卻不知足,仲要得到Boq的心,亂咁用魔法又賴落Elphaba度,救Boq但只可把他變成鐵皮人卻被責罵。

Glinda就好似一個”bitch”(哈哈),虛榮心作祟,一個渴望成為大家喜歡的人,最後嘗試改變,但事情發展到後期,只好繼續做世人眼中的好人,不過都睇得出佢重視Elphaba的友誼。

成套劇令我反思什麼是正確,跟現今的社會很相似,怎樣才是最好。

大巫師成為王國的精神支柱,是一份信念,其位都有各種難處。
一旦失去信念,真的難以想像會變成怎樣,一路以來教授什麼正確和信服,卻跟你說這是假的。

不過最後,我仍然希望大家做好心,如果大家都抱著這樣的心態,根本唔會發生後期不如所料的事。(太過理想)

 

總結

套音樂劇好好睇,演員唱得好好,好多首歌都好鐘意,Defying Gravity, wonderful, For good,畫面都好colorful同夢幻,聲畫都好精彩,所以十分推介大家去看看,機會難逢(即使有d英文聽唔明,都可以睇字幕,哈哈),最後送上spotify Wicked的playlist。