今日開始轉入日本中部,用左高山北陸JR Pass由京都去金澤,約兩個多小時就到了。

先去酒店(金沢セントラルホテル, Kanazawa Central Hotel)放低行李,貪佢近金澤站,方便第二日一早去白川,同埋都唔算貴,hk$300。

買左個金澤 觀光巴士一日(城下まち金沢周遊バス),500Yen,幾方便,去某些景點有平(21世紀美術館…etc)

1. 近江町市場

其實大阪有黑門市門,京都有錦市場,但我知道今日會去近江町市場,所以都沒有去前兩者。

繼上次係九州的唐戶市場後,今次係第二次去魚市場,個感覺好唔同,依個依街市多d。除左海鮮外,仲有肉類疏菜同其他雜貨,所以依個應該似香港的街市多d。(還是喜歡唐戶市場,那種道地的魚市場)

DSC_3343

其實都唔係好大,好快就行完一圈,而場內都有一些餐廳,亦有些地方可以即買即食。

DSC_3341

有菜買,全部都包好晒,好有條理。

DSC_3344

 

DSC_3351

最多的係海鮮,好想食,但價錢都唔平,而我就食左海膽,即開即食。

DSC_3352

DSC_3346

最後就食返個魚生飯作結。

魚生飯

2. 兼六園

日本三大名園之一,可惜去不合時,據說春夏秋冬各有特色,而我去的時候係冬尾(沒有雪)。

景觀一般,而內裡也不算大。

大家會見到每棵樹都有條繩,好似傘一樣緊貼在樹上。其實係冬天的防雪吊繩,令樹木免受雪傷害。

兼六園
兼六園
兼六園
兼六園

入面有湖又有瀑布,寫意,又有時雨亭供人停下來休息,喝杯茶。但個人還是喜歡前日去的本坊庭園,小而靜。

兼六園

3. 東茶屋街

回到門口,再乘觀光巴士去東茶屋街,觀光巴士都幾得意,仲有唔同顏色ge。

觀光巴士

茶屋在江戶時代是觀賞藝妓表演的場所,而現今的東茶屋街,就好多餐廳和飾物店。

規模就無京都咁大同長。

東茶屋街

首先食左金箔雪糕(金箔の箔一),實際上無咩味道,但價錢都唔平,可以食到2-3杯雪糕。

金箔雪糕

果度所有野都主打金,好多金箔的副產品。而我就唔識欣賞喇,究竟係咪有金就好,定純粹裝富豪,高人一等。

金

4. 21世紀美術館

21世紀美術館係一個幾特別的地方,我原本以為美術館會比較似藝術中心,有好多畫同展覽。

但實際上唔係,佢以當代藝術,配合充足的空間展覽,而分左兩種價錢的門票。

我唔係咁識藝術,所以買左較平果個,入面有7個展品。

門口就有三個免費的。

DSC_3458
DSC_3459

最出名應該係依個,泳池可以望落去,望上去。(中間其實只係一塊透明玻璃)
DSC_3438

而除左依幾個展品,仲有好多高深度的影片,而我就睇唔明。

另外去的時候都要排一陣隊買飛,同埋要放個袋入locker,相信我只會去一次。

最後就返左金澤車站食飯,同行街,再買左個甜品Royce朱古力布甸。

金澤其實唔係好大,但都幾靜同小巧。原本打算去機舖,但都係算了。

P_20160316_182602
P_20160316_195309