Latest Posts

旅遊記錄

西安聖誕之旅(二) 華山

第二天 這天報了華山一日遊團 包華山景區 + 北峰索道門票 + 接駁車票 + 早餐(一個漢堡和豆漿) +  勞工手套 RMB289 (贈送機服務) 行程是6:20AM西安消防集合 (三環內滴滿快車可報銷, 申請退款) 8: 30AM到華山景區,之後自由活動,3:30PM集合 由於西峰維修不開放,只能從北峰上落,一口氣上了西峰,南峰,中峰和東峰,最後返北峰 累旁了,另外長空棧道沒有開放 🙁 首先係旅客中心,搭20分鐘左右接駁車就到北峰索道的站 如果唔搭索道,可以行上去,但冬天好似唔開,真係有排行了 一架纜車坐6個人,其實都幾危險,仲驚過海洋公園果個 天氣就一般,灰灰的,但就有雪 起行了 華山好多陡峭的石階,所以手套是必需的,同埋條樓梯雪要扶住鎖鏈!! 如果對鞋好sin,可以買雪夾,加落對鞋,成程都見過有人滑到,所以要小心。 (一般旁邊都會有像樣的樓梯,無咁危險) 行行重行行,上山去金鎖關最辛苦,其他的還好 配上後面的雪景真係幾靚 華山上有狗,貓和雀 仲有飯店和洗手間(但因為結冰,係無水ge) 仲有好多座廟 愈上到頂就愈少人,而積雪就愈多 條樓梯都好斜,經常有員工在掃雪…而旁條的鎖鏈下山時好有用,起碼有野扶住下。 花左差唔多兩小時,停下走下,影下相,終於到達金鎖關,最難的一段路完成了。 同埋成條華山的路都好多鎖,學業,愛情,財運等等都有,你也可以買返個掛上去 我估西峰索道關了,所以上面好少人,條路就更多積雪 同埋真係好多打卡位,山上的酒店(旅館)變得好夢幻,四周無一物,只剩下山和客棧 成條路都沒有人,除了華山松和雪外,就只有我一人向峰而上。 華山松都幾似聖誕樹,略帶點雪修飾,在這良辰美景和佳節下,別有一番風味 (其實是一種淒美) 景色真的很美,同時帶點涼意,多一份孤單 有時候覺得園區的垃圾箱比人更多,每十步一個,很現代,相信當初建立的時候挺大規模和艱巨。 這幾天一直都在聽文明西安人的聲帶,可能這樣會鼓勵中國人多注意整潔和文化。 不過整過華山園區都是禁煙的,但至少看到4個人抽煙(有的還帶著小孩),亂掉煙頭,問那裡能買打火機 (可是這些小部份人,但我希望大家能更有文化) 不過令我佩服的是他們能夠什麼都不帶,沒有帶水,只穿衛衣,穿高跟鞋,只背一個超細的LV包包,下著雪,中午3點多才上山。 過完金鎖關再走多一會兒路就到西峰頂,誰與我爭鋒 如果唔識武功,真係好難上去,真佩服金庸能寫出這橋段,配上功夫登上華山 延綿的山,如果能見度高一點就好了,聯想起台灣清境遼闊的山 遊人開始多了,下站去南峰,華山最高處,這個比較近,十多分鐘 居高臨下,雪和山亦令我回想起楚格峰,雪山,一種種回憶,這次登山比起楚格峰辛苦得多 一早知道長空棧道沒開,所以和西峰一種是有一點遺憾,沒有機會體驗。 在一塊木板上走動是什麼感覺? 究竟在這險要的斜璧行走是驚定興奮呢? 之後就落返中峰果邊上東峰 華山論劍,在這險要的山峰,王重陽是怎得天下? 同時開始下起雪了,一片片雪花落在衣服上,變得更冷 周圍更白茫茫一片,在中峰遠眺,同時加緊腳步了 最後東峰,懸崖峭壁,想必日出必是很美吧,雪也愈來愈大 第一次見到雪真得挺特別,很美,同時很累 最後時間也不多,要下山了 來到最後一站,鷂子翻身,我也想試試,不過時間有限和雪有點大就趕落山 希望下次可以一到下棋亭 在雪下,景色更加美,比起上山時沒下雪時候更有一種淒美 真正的飄雪,令下山時危險得多 最後加緊腳步,一小時內就下到北峰 再見華山,成為我的回憶 搭返索道落去,已經4點,返到西安市區已經7點幾 一條友去左間似大排檔(糊涂记),可惜得一個人叫得一個菜 想試葫芦鸡,但成兩斤,一個人點食 部長提議左個蝦球,話係當地菜,但係無咩特別 高陵油餅就特別,但超多同飽肚,食唔晒要打包 依一日又行左2萬8步,最後走返hostel,累透了的一天。 見到間店叫做純思想藝術學校用繁體寫,幾特別,係間art school
旅遊記錄

西安聖誕之旅(零/一) 西安@兵馬俑@回民坊

回想起一個月前見到商務機票優惠就毅然決定聖誕西安旅行,好簡短好即興,終於完成3天多的旅遊。 成個行程連機票用左2千蚊港幣,都算做抵和值得,有時候並唔好因為只有一個人而不做。 第一次坐東航business class(內地稱為頭等, 深圳飛) 第一次住大陸hostel 第一次見到落雪   D0 > 香港 > 深圳飛西安 > 西安咸陽國際機場 D1 > 兵馬俑 > 秦始皇陵 > 回民坊 D2 > 華山 D3 > 慈恩寺 > 大雁塔 > 西安城牆 > 永興坊 D4 > 湘子廟 > 西安方濟各主教座堂 > 西安飛深圳 > 香港   第零天 由於是晚上7:15pm機,提早了下午返左深圳,換左張新Sim卡,之後就係羅湖搭直通巴330(機場1線) 係僑社城市果邊搭,但已經好耐無去果邊,係出關口左面過天橋再向前行一間酒店度上車。 無咩人搭,但真心耐同塞車,所以建議下次搭返地鐵算。 深圳機場有喜茶,但遲左到,直接check in完去lounge(頭等可以唔洗錢)。 飛行體驗 搭的東航(MU2450)只是A321,只是前面12個商務/頭等位,都幾闊落,咁大個仔第一次坐 🙂 蝦球飯,正正常常,坐位邊有AC power,要充電就記得帶插頭(3腳) 每個位都有TV,電影程度和耳機就唔算好,對比qatar A350差好多,仲發現poster錯的(黃金花) 🙁 去到西安,夜晚真心凍,去等接送架車,西安,我來了 去到西安已經十點,再等埋之前淘寶訂的機場接送,去到西安西唐青年旅舍 (Xian See Tang Youth Hostel)已經差唔多12點,趕快休息睡覺。 P.S 機場都有大巴去市區,但都要RMB$25,仲要轉車,而拼車機場接送去到門口都係RMB$30。 今次訂的係4人男生宿舍(4日共RMB$136),原本有諗過住好d,但連埋稅貴十倍,所以趁年輕體驗下大陸的hostel。 間房好細,有兩張碌架床,同一張枱連4個帶鎖的櫃,非常細間,隔音也很差。 除左地理位置方便(近城牆,位於書院門)和算作整潔外,其他地方跟國外的hostel不太一樣。 成層得一個沖涼位,所以旺季就唔太建議黎,而同房是一個人來自潮汕的朋友,住左3晚,可能最後果晚頂唔順我走左。   第一天 去西安的幾日,天氣好一般,空氣污染日日都話alert,所以看不到藍天,晚上也沒有星星。 天台? (4樓都有個位有間cafe同溫室,但係完全無人) 日頭就行返出書院門,一條賣紙筆和書法的街 第一餐魏記涼皮,吃了麻醬涼皮和皮蛋粥 味道就一般,大家可以試下 之後就搭603雙層巴士(RMB 1元)去西安火車站 再轉乘旅5(306) 去兵馬俑博物館 搭過咁多種雙層巴士都係香港最舒服,而德國同西安的都好膠,不過價錢唔同好難比較。 都算一種體驗,半個鐘去到西安火車站,據說是一個很多小偷的地方,大家多加小心。 終於一個小時的車程,到達尾站秦始皇兵馬俑博物館 原本以為果個地方好郊區,但好現代,分別有四個坑(3個坑的館) 一號坑最大和宏偉,而且是沒有柱支撐建立的館,挺震撼的每個都有不同的資勢和服裝。 其實保安唔算森嚴,記得以前新聞有人假扮兵馬俑 = = 3號坑 2號坑 有好多種唔同等的俑,如圖中跪射俑 同埋仲有兩座仿製的青銅馬車 同期仲有埃及展(不朽之旅)和木乃伊 博物館門外有免費車去秦始皇帝陵,有免費講解員 之後搭返車出市區同去鐘樓旁邊的回民坊,一條好商業化的小食街 (好多人) 肉夾饃(老孫家),特別的但唔算特別好味 跟住要自己捌羊肉泡饃,但食到好濟 = = 我會鍾意肉夾多d,用湯泡發到好脹,所以愈細愈好 再飲返杯石榴汁 回民坊就好似夜市,整條街好長和好多人,但來來去去都是主要幾樣東西 而且感覺好商業化,價錢不算便宜,可一不可再 仲有30元販賣機,行完又要行返去書院門。
我的評論

Beyond the barricade

多年前,第一次看音樂劇,看了不少故事,而Beyond the barricade終於重臨香港,今晚在演藝學院看了這個演出。 Beyond the barricade由Andy Reiss,David Fawcett,Katie Leeming和Lydia Griffiths四人表演,唱出多首經典的歌曲,勾起當年睇的Phantom of the opera(歌聲魅影),Wicked(綠野仙蹤女巫前傳),West side story(夢斷城西),Evita(貝隆夫人),仲有出名的Lion King,Les Miserables,mamma mia,hamilton…etc. 雖然未必所有歌都聽過,但好多耳熟能詳的歌曲就自然聯想起一個個故事,在舞台上淒美的Phatntom和令人毛骨悚然的Do you hear the people sing,引人回味。 只是短短的兩個小時,彷彿重新回顧了這些年來聽過的音樂劇,同時自己在想自己這些年來做了什麼 “I have a dream” ? “one day more” ? https://premier.hkticketing.com/shows/show.aspx?sh=BEYON0918 同時都好想睇下其他音樂劇,Jesus christ superstar,miss saigon 🙂
吃喝玩樂

減法人生 讓我們更快樂

上週末適逢大學同學聚會,大家把酒暢談,感慨良多。有位師兄畢業後,工作職位平步青雲,以為理想好快達到,點知!現在發現自己原地踏步。另有位年少輕狂的兄弟,畢業後把自己的愛好變成事業,以為可以工作於娛樂,又點估到慢慢地愛好變成厭煩根源。大家說著,就感慨拼命給自己加上要達到什麼目標, 家吓想要裸辭或作小休息,係咁困難!有位經常出trip到歐洲公幹的美女同學,就分享咗個歐洲人的「減法」人生。 踏車出行 係市區踏單車,睇起來沒可能,又睇起來沒有參加環法賽的專業選手咁型仔,但諗吓放工後,你可以身穿恤衫西褲孭住個袋,騎上單車回家,咁樣都好有歐洲feel,仲可以盡情地超越塞車條長龍,清風吹著把煩惱甩在身後,還有什麼比得上這單純嘅快樂呢?可惜城市裏始終人多地少,要在馬路上時多加小心! 當世足進入總決賽之際,我已忍不住關注起自行車的最高殿堂-環法賽。 #環法 #環法賽 #france #roadbike #bikes #bikelife #bicycle #bike #race #世足 #自行車 #單車 #公路車 Dazs Yang(@dazsyang)分享的貼文 於 PDT 2018 年 7月 月 12 日 下午 6:05 張貼 多吃素食 有人話肉食能瞬間滿足你嘅味蕾,但現今的新派素食會令人回味無窮。偶然來一次清淡有營的素食,可以清淸腸胃;而長期食素,可以有降低膽固醇含量及減少患癌症機會。而且款式除了沙律、傳統豆類製品外,還有結合異國風情嘅 kabab、薄餅⋯ 加上近年多開了素食店及在外賣速遞內可輕鬆找到,難怪咁多人食素,原來素食好處咁多及咁方便叫到。 Deliveroo 獨家Applegreen 及Brooklyn By AG 全年優惠!現凡訂購滿$100 可獲贈可樂兩罐,滿$300 可獲贈可樂四罐,而消費滿$500 或以上即可獲贈可樂六罐! Use the code FEB50 to get $50 off your first order! 首次使用Deliveroo 訂購時輸入FEB50,即可獲得$50優惠! Applegreen TST 尖沙咀: https://goo.gl/MbZvQh Applegreen Kwai Fong 葵芳: https://goo.gl/sMQlRp Brooklyn by AG: https://goo.gl/jMQEvc Deliveroo 戶戶送(@deliveroo_hk)分享的貼文 於 PST 2017 年 2月 月 9 日 下午 8:31 張貼 準時收工 如果你有間自己嘅鋪頭,送上門嘅生意,你會不會不做?問十個香港人,一定有九個半話做,除下嗰半個只係諗。但喺歐洲,即使喺市場裏面賣蔬菜嘅,如果正在收工執嘢,老闆會微笑拒絕。能夠瀟洒地 say no 來確保有Work Life Balance,使作息更有時,更容易感到快樂! 简单的幸福#加班 #不加班 #幸福就是不加班 串串串串串串串(@spencer_z1995)分享的貼文 於 PDT 2018 年 4月 月 13 日 上午 8:03 張貼 聽完這個「減法」人生,老老實實,踏單車就唔好嗱!但係凖時收工及健康素食,就真的要學習一下吧!就明天OT時用Deliveroo下單叫來素食餐來作晚餐,咁説好的凖時收工呢?
旅遊記錄

德國奧地利之旅 (十五) 慕尼黑舊美術館@慕尼黑@返香港

最後一日下午機走,所以上午加進了一個簡單的行程 又係好好天氣lol…陽光旺盛,有人會著泳裝在草地曬日光浴 一個簡單休閒的星期日,不用追趕生活和工事,反正就是什麼也不用想 依張相就左面係舊美術館,果一帶有好幾個美術館(仲有現代美術館,同新美術館) 星期日入場只要Eur 1,好鼓勵大家假日去參觀 睇左個幾鐘就返歸去酒店拎行李去機場 返去火車站見到依個零,為這趟旅行畫上句號 另外有件小事,明明Laim suppose會去airport,但唔知點解去到Freising就停左,個DB app寫明明仲可以去機場,結果要轉巴士去機場。 之前申請個Priority Pass,所以就再用左黎入Atlantic Lounge食返餐,亦係開始豬一樣的食同訓 = = 個lounge幾好,人唔算太多,好過去程多哈個lounge 回程係A350,3-3-3,幾好坐 今次返Doha轉機,好神奇要做Security check,超多人排隊,50條line都唔夠,要行到好遠果個大堂 世界盃,係入面見到有幾個人扮蠟像同旅客影相,辛苦晒 (P.S 果時已經差唔多凌晨12點) 機場好多名牌 之後去左lounge,原本果個full左,所以可以去對面first class lounge 相對大好多,食物款式多d,位多d 第n餐飛機餐 飛左好耐好耐終於返到香港,真係完了成個行程