迴旋人生

電影‧電腦‧旅遊‧優惠 @ 文字分享‧表達真我

2017 Google Search

0506 BLOG 革命開始寫左第一篇好似回顧,第一次去左當時Yahoo! 個office,今日去到1718年,已十年有幾了。

過去係點,將來係點,根據阿特勒講最重要係現在,過去改變不了,將來未發生,現在要做就做吧。

(講得多就係懶了,唔想向後望,但好似agile inspection同adaption有相反,不過在人生這個計劃適用嗎 ? )

 

今日最主要係想睇大家點睇依個blog,有咩原因入左黎,大路的就唔講了,分享一些來自google有趣的關鍵字。

  1. 尋找自我
    我經常迷失自我,而自我係咩呢?而點樣去尋找自我呢?
    我唔係一個心理學家,亦唔係人生策劃師,沒有什麼能夠指導,也不會像其他人虛無飄渺說一大段假道理。
    只能分享個人睇法,喜歡什麼就做,不要怕,忠於自己,自我不在別人的定義中,相信自己。
  2. 福岡一人自由行 / 一個人去福岡
    我想大家可能會害怕一個人去旅行,回望這第一次一個人去旅行,已經3年多了。的確第一次是有點害怕,但諗返起總好過同屋企人,有一種難以形容的自由,或者對於自小沒獨立能力的自己是一種衝破。
    如果你正計劃去一趟旅行,一個人怕出問題,我會建議去試下吧,如果沒嘗試就放棄是多麼的可惜。
    (當然在人生安全情況下,而個人遊歷過東京大阪名古屋後,還是喜歡好似九州那種休閒的地方。)
  3. 活在自己世界的人/ 自己世界
    有時候會發覺自己好似跟世界disconnected,不太想跟任何人溝通,以自己的方式生活下去。
    這正是我,有時太在意其他人反而覺得更辛苦,活在自己的世界沒有不可,只要自己喜歡就好了,反正人生是為自己而活,不過我不是提倡反社會和忠於自己的想法。
    有點像這套電影 高台家的成員 https://movie.douban.com/subject/26609126/
    不要因為迎合其他人而勉強改變自己的想法
  4. subcom 大學 / subcom意思
    唔知道大家是不清楚什麼是subcom還是猶疑參唔參加大學subcom。
    大學subcom其實是學會的subcommittee ,在上莊之前給大家機會去體驗做committee,而再讓大家決定上唔上莊。個人覺得subcom是一個機會,就好似當年的我一條友去做subcom,雖然發覺同其他人唔太夾而放棄,但我覺得試下無妨,生命就係不停地嘗試。如果大家猶疑的話,我想最好的方法就係從參與中去了解,可能最後唔上莊好似我,但起碼我試過。
  5. 討厭自己
    人係犯殘,好多時討厭自己,不過第一步係要接受不完美的自己,接受討人厭的自己。哈哈。
  6. 欺騙自己
  7. 德萃小學好唔好 / 康樂園國際學校好唔好 / 澳洲國際學校好唔好 / 耀中社區書院好唔好
    哈哈,小學離我好遠,好唔好只在乎你追求什麼,學業?環境?前途?教學形式?
  8. hktvmall投訴電話 / hktv mall投訴 / hktv送貨遲
    好似好多人不太滿意HKTV,自從當年免費credit後,已經再無用HKTV,究竟依家係成功定失敗?
  9. 天使得得b 太陽
    哈哈,幾得意的關鍵字,可能出自於唔知邊篇blog講過。
  10. ive領取畢業證書 / polyu領取畢業證書
    好似無講過畢業證書,完全聯想唔到有咩關係

哈哈,列出左部分係google顯示的keywords,無諗過會有人search依d字黎個blog…

最後要努力呀! 預祝新年快樂!

 

 

東京旅遊(六) 機場@香港 後篇

一大清早6:30AM酒店出發,6:45左右到成田機場。

其實都幾多人,架shuttle差不多滿,好彩一早online check in ,否則有排排隊。

 

同埋海關好似7:15先開,所以咁早去都無用,但閘內間手信店/duty free都開左,買左幾盒royce朱古力同薯條三兄弟。

行到閘口,差唔多入閘上機。

香港航空飛機餐,腸仔蛋

最後返到機場還返個wifi蛋(其實都有重量ge),同埋趁個fd返美國前影相 🙂

後篇

時間過得好快,返左黎香港兩日了。

依個旅程有兩種感受,東京沒有想像中繁華和特別,還是喜歡大阪,在東京即使去到商場比想像中少人,不知道是沒有去太多人的商場還是怎樣。(不過依樣係好事)

只有地鐵火車比較多人,大家都穿著沉色的衣著,好似天天都在上班,給人只有不停地工作的感覺,人與人之間過於商業化和冷漠。東京比想像中沒有太冷,但太早天黑了,要好早食飯。

另一種感覺是還是喜歡一個人去旅行,帶著兩老要顧忌的野太多。既要預先計劃行程,避免和害怕走太遠的路,又怕帶著他們走錯路。

吃方面要符合所有條件,不吃生野/壽司,不吃雞和牛,避免食燒野,去之前已經提出”咁多中國人去日本,一定好多中餐”,所以期待去世界各地都要食中餐,飲茶。

而且我已懶得每樣東西都解釋, 我又唔識日文,又要搵路,又要搵下啱的野食,又害怕他們走失,又難以教導他們當地文化。(曾被人話要line up)

即使去到商場,也不可以分開逛,他們又沒有興趣看我想看的東西,行又唔係,坐又唔係。

(曾經叫佢地坐定定等我,但過一陣走過黎,問我走未,話坐太久眼訓,叫我快d走。)

所以既唔可以坐得耐,也不可以走得耐。

有好多個地方,我都想花時間走遠d同去,但由於怕他們累,所以好多地方沒有去。

購物方面,根本沒有時間去行街,一來不方便帶他們去所有我想去的商店,二來他們一定會吹我走。

(曾經去左anime店,之後就直接話無野睇要走。)

我想這一次是最後一次帶他們自由行去旅行,每晚要做足功課(做到凌晨),明信片只能通頂寫左幾張only。

仲辛苦過返工,隔一陣又話唔見依樣果樣,心血小d也頂不順他們。

朝朝神咁早嘈醒人,expect 7 點起身食早餐,明明最後果朝話5:30am起身,凌晨3:30am走上黎敲門叫醒人 = =

不過由當初第一刻話帶佢地去日本的時候,好多野都預左ge,明知辛苦,我也只能接受。

這些已成過去,成為回憶,好與壞已經不存在。

最後只能寄出5張明信片,我沒有在facebook post旅行照片。

今朝食左松茸杯麵,好一般,只會食一次吧!

如果你在香港及想要我的手信(食物),請留言吧 !

哈哈,我相信沒有人看到最後。

東京旅遊(五) 淺草雷門淺草寺@台場@京成成田

最後一日的行程,終於有時間去雷門和淺草寺,雖然住得近,但一直沒有時間前往。

淺草寺

跟住行返去仲見世通,商店現在都開門了

黎到淺草必影,雷門,但真得很多人呢

同埋依度都有人力車,但竟然有女仔拉,拉住一個男人 = =

之後就去下一站,台場

沒有搭水上巴士,因為價錢有點貴,反正我們這趟已經乘了海賊船,於是乘淺草線去新橋

再由新橋搭百合海鷗線往台場站,果程好短但超貴。

首先去彩虹大橋和自由神像

但唔知點解依張開始有塵 🙁

另外一面就係富士電視台

之後就去左AQUA CITY ODAIBA,入面有個機械人

去左入面間daiso,依間少人過竹下通果個十元店,多買多又少人。

好想買多d薯片

因為爸爸話要食中國野,去左間亞州野食餐廳,食左小籠包同PadThai

外面果間好多明星去過,有maroon 5, lady gaga, Johnny Depp, benedict cumberbatch..etc

我地食依間亞洲野就超一般,唔多建議食。

食飽飽就繼續行,Thomas is everywhere in the world。@ToysRUs

之後就去左DiverCity Tokyo Plaza睇獨角獸高達Unicorn Gundam,好大部

最後去左VenusFort,日本經常都有摩天輪

個outlet好貴 🙁

見到角落生物同抽左個Thomas & Friends 扭蛋(但抽左個垃圾)

之後差唔多4點返淺草酒店拎行李。

再見,由第一日出地鐵站看到這個商場EKIMISE,到最後一日再次回到這個地方

於是我們拎晒所有行李乘淺草線 + 京成線往京成成田駅

今晚會住近機場酒店,然後一大早第二日去機場。

雖然是急行,但依然過左好耐先到,花了一個小時去到京成成田。

原本打算先找東西吃野,結果行左成廿分鐘行左返酒店,那條路超黑。

成田菊水大酒店建議搭的士去,特別是夜晚,人又唔多個。

好彩酒店旁旁有間volks steak,雖然唔算好味,但總算食左最後一餐。

自助沙律吧和任食包

間酒店都好特別,都算大,一層50間房,我住頂樓,門卡係穿孔卡,插穿去,膠廁所。

東京旅遊(四) 箱根賊觀光船@桃源台@箱根神社@箱根湯本@淺草

一早起身浸溫泉,早上少人好多,得我一個人,但最正係對住個富士山,似官網一樣

http://www.hotelgreenplazahakone.com/

箱根

之後就食自助早餐,無咩特別。

之後就繼續踏上這旅程,去姥子駅

箱根

去到要等四個字先到下一班海賊船10:50AM

箱根

蘆之湖

箱根

箱根

去左箱根關所外面,但無入去,之後就搭巴士去元箱根港方向

箱根

其實箱根町同元箱根唔太遠,應該行過去30分鐘。

之後就去箱根神社,但超大風。

箱根

同埋超大風大浪,唔明d人點鈞魚

箱根

先去左鳥居影相,但超難拍,背光得好嚴重,同埋要排隊影

箱根

之後去返箱根神社(九頭龍神社)

箱根

箱根

之後落返山,去左間普通餐廳食左個滑蛋豬排飯,普普通通的味道和價錢。

箱根

之後搭巴士返箱根湯本駅(R車),買埋手信就搭車返東京

箱根

記得箱根周遊券送個張500Yen係個站入面可以用黎買手信!同出面買的一樣(特別大涌谷千奇唔好買,好似仲貴過箱根箱本買)

因為唔知幾時返到箱根湯本,沒有預訂浪漫特急,但我見好長龍排隊買。

因為慳錢關係,由箱根湯本乘登山鐵路到小田原(20min),再乘特急返新宿(1hr 40m),所以比浪漫特急慢半個鐵,但平890 Yen,反正返到新宿都差原多7點。不過車程真的有點久,訓醒左幾次。(因為總站去總站,感覺好似好耐,但有暖氣都好好訓) 另外張箱根周遊券在新宿車站會被收返,要影相記得影 🙁

最後因為他們累,沒有去新宿,直接回到淺草了,再次夜晚經過雷門。

箱根

晚餐簡簡單單食個pasta就完左箱根兩日一夜之旅。

箱根

返左Dormy Inn Express 酒店,買左雪糕同轉左間對住skytree的房

今次旅行食得比上次少雪糕,上次係平均一日一杯雪糕。今次靜係食左兩次。 🙁

東京旅遊(三) 箱根@大涌谷@羅根公園@綠色廣場箱根酒店

第三日開始用箱根周遊券,一早去到新宿小田急線乘浪漫特快(9am),一個月之前晨早預約搶的前眺望席。

放左行李係酒店,黎緊一晚會係箱根過夜。

今日(23/11)係日本公眾假期,所以成架車已經full左。

不過有個壞消息係由尋晚開始落雨,去到箱根先停雨。

但之後一直天氣都不錯,但箱根比預計中熱,同東京的氣溫一樣。

前眺望席B1, B2, B3 🙂

800Yen便當,但已吃飽飽早餐

10:25AM 好準時到箱根湯本駅,跟住走到對面搭登山鐵路,但好多人無位坐。

登山鐵路會走”之”之形,一時向前走,一時向後行。

花了四十分鐵終於到達強羅站,即刻直衝上大涌谷,即係跟著人潮踏登山纜車

有少少似香港纜車(其實我未搭過),八分鐘就到達早雲山站

之後在早雲站搭箱根空中纜車,佢會派包濕紙巾,預防火山釋放有毒氣體時用。

我地上去時好好天氣,有陽光,唔係太大霧,但係朝早落左雨,個纜車好多小水點。

小涌谷

上到去係天晴,藍天沒有雲和霧。

小涌谷

下面就係大涌谷,感覺好似去左第二個星球有採採工程,洞不停噴煙

小涌谷

落纜車時影的一張相,你有無發現張相的重點?

小涌谷

富士山!山頂!哈哈

之後又研究下面採探的地方,沒有發現到人,只見不停有煙噴出,溫泉水就是從這裡來嗎?

原本想行遠d,但爸爸媽媽走不遠,同埋過一陣超大霧,只好到此一遊。

黑色大蛋蛋,你見到圖中開始大霧,唔知再上有咩野。

必吃的黑色溫泉蛋,延年益壽,食左2粒,我應該會幾長命。

之後就搭纜車落返去強羅駅去食飯。

登山纜車兩旁都有好紅,幾靚,可惜拍得不好

箱根

這裡的山沒有台灣清境那種山延綿不斷的感覺,給人是一種遼闊大地。

而這裡還有屋,難以想像人們是怎生活,有沒有非旅館?

箱根

隨意找左間食午餐,食左天婦羅丼

正因為我地用箱根周遊券可以任搭所有纜車,可以任性周圍去。

其中免費入場係強羅公園,由斜路行五分鐘就到。

箱根

其實天氣不是特別冷,但你會見到坑渠會有熱冒出,唔知係咪溫泉,哈哈。

箱根

強羅公園比代代木公園多紅熱同靚。

箱根

箱根

箱根

箱根

強羅公園噴水池

箱根

紅葉集

箱根

箱根

箱根

強羅公園都有芒草,同埋行到3點鐘開始大霧了,於是搭返上去早雲山站去姥子駅。

箱根

在公園上駅等車,就是箱根美術館旁邊,震額外收費,而兩老也沒有興趣。

箱根

箱根

去返大涌谷,但往桃源台方向,面方富士山。

箱根

箱根

之後只有我們在姥子駅下車,我地間酒店好隱閉,係後面行3分鐘到。

Hotel Green Plaza Hakone http://www.hotelgreenplazahakone.com/

特別果度有間教堂

http://hgphakone.jp/hakone_cms/ 影得唔夠個網站上面d相靚

間房係對住山同纜車

箱根

因為四人房,有兩張洋式床同tatami可以舖兩張日式床。

箱根
晚餐係自助餐,都算多野食(但自己都係想食懷石料理多d),比想像中好

唯一一個機會可以食生野和壽司 (因為兩老唔食)

箱根

吃到飽飽飽飽

箱根

甜品只是一般

箱根

之後食完浸溫泉無相睇,一個室外,一個室內,因為太黑,根本睇唔到富士山

亦唔算太多人,但始終唔夠當年九州正,同埋浸完溫泉無牛奶買 :(。