關西中部旅遊(二) 神戶 > 生田神社@北野異人館@中華街@神戶港@ 大阪 > 道頓堀

大阪除左購物和環球影城外,也沒有什麼吸引的景點,所以就決定去神戶。

神戶係一個令我覺得驚喜的地方,重新找回上次去門市港果種平靜和悠閒。第一日主要在大阪市,雖然參觀左大阪城,但梅田的現代化和密集令人覺得腳步依舊急促,只是轉換了個地方而已。但神戶的感覺人不算多,節奏慢很多,悠閒的生活挺不錯。

買左阪神電車一日券 (500Yen),可以即日大阪來回神戶,較阪急一日券平,只要在梅田旅客中心就可以買。

1. 生田神社

在三宮站下車後,沒有買到觀光巴士就直接去北野異人館,而去的途中因為見到幾近,所以就加插了生田神社。

這個神社很小,也沒有什麼特別,入面有個生田之森的小園林,所以好快就行完。

生田宮

2. 北野異人館

因為以前好多外國人在神戶定居,所以有好多西洋風格的建築,慢慢就形成了異人館。

要去北野異人館街就要繼續向山行,要走過一條斜路,但沿途都有野睇。

第一間遇見的係上山斜路的Starbucks,外觀幾得意。

北野異人館

一上到去就會見到北野天滿神社,但見到樓梯就怕怕了,沒有走上去。

北野異人館

依邊就聚集左好多異人館,有風見鶏の館,英國館,丹麥館等等。

但每間都要錢,而我估入面應該沒有什麼特別,不太值得入去,所以只是在外國看看而已。

北野異人館

北野異人館
北野異人館
北野異人館

北野異人館
由於好多間都要不停上山落山,好辛苦,之後就沿路落山。

3. 元町 (中華街 + 元町商店街)

係山上食左午餐(係超市買左野上山食),之後再睇下附近有間好抵食的可樂餅,森谷商店,好抵依。食唔到神戶牛,只好依個可樂盒頂住先。

森谷商店

之後就去行元町商店街,不過旁邊係中華街,又好多野食。不過始終唔太吸引,食左個包就算了。

但好多受歡迎,好幾間都排長龍,所以中華料理應該都會好食。

元町

DSC_2951

我見到最多係類似北京填鴨的小食,但要成500Yen,都唔平。
DSC_2959

另外亦有專做香港點心,而我就無試。

DSC_2965

而依個包就係將個扣肉放中間,依家睇返都好邪惡。
P_20160313_150510

食飽飽就繼續行元町,旅遊指南說由元町一番行到六番,再去到神戶港,二十分鐘,但實際上應唔止。

行到真係好累,不過兩邊總算有d野睇,種類比起住果邊的商店街多元化,種類多好多,而感覺價錢也很平民化。

4. 神戶港

去到崖邊,就係兩個大商場UMIE同埋MOSAIC,感覺上依兩個商場都幾多野行,種類都好廣泛,不過我真的累到行唔到了,成日行左好多公里。

左面就可以望到神戶塔(Kobe Port Tower),幾正。係海邊坐著,吹住海風,回味返門市港的感覺。

神戶港

每個海港總會有摩天輪,而旁邊就係麵包超人博物館,可惜我太大,無入去參觀。但果一層都好多野食,好多野買。

神戶港

休息咁上下,就打道回大阪,而返去其實都唔係好耐,大約個零鐘,幾方便ge,可惜果日行太多路。

5. 大阪 難波 + 心齋橋 + 道堀頓 + 日本橋

返到難波已經六點半,仲開始落雨,於是去左自由軒咖哩飯。

無咩特別,純粹一試。
道頓堀

道頓堀其實好多野食,但落雨,無咩人,氣氛麻麻,而腳又爆倦,所以走走,逛了bic Camera,也沒有找小吃。見到蟹道樂,串燒店,金龍等等餐廳

道頓堀
道頓堀

當然黎到就要影返張固力果個牌度影相,真的落雨很難拍。

道頓堀

最後當然唔少得排隊買返個Pablo半熟芝士蛋糕,再配埋個櫻花啤酒,一個人食左成個都幾多。(分左兩餐食)  = =

好誇張,但同我想像的味道唔同,不過令我劃上完美的句號,兩日大阪遊。

另外其實有行過去日本橋果邊睇動漫野,但差唔多九點幾,果邊幾靜,又落雨同拎住個蛋糕,所以都冇咩點睇,行左陣就閃返去。

pablo

1 Comment

  1. 北野異人館 好似好呃遊客去咁

    一個人食哂成個半熟芝士蛋糕 好跨張…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.