我的PMI-ACP 之路

人總是要往前走,所以我決定報考了PMI Agile Certified Practitioner (PMI-ACP)。可能會有人問應該考邊種,現在針對Agile/Scrum的Certificate已經愈黎愈多,由兩個最出名的Scrum.org Certified ScrumMaster(CSM),甚至有各種小小institutions都有出Scrum Master的認證(GAQM, Scrum-institute, scrumstudy),但普及程度不一,好多好多不知名的唔建議報讀。雖然最重要係明白Scrum的意義,從經驗中學習,但難免會搵一個較大眾認知的證書資格。

比較下選擇左PMI-ACP,始終有較出名的PMP(作為普通的Developer唔符合資格,又唔想好似d friend呃人或博唔被人audit)。雖然PMI-ACP唔係完全exactly同Scrum有直接關係,但起碼有少少證明自己認識agile。而且我已經考左Scrum.org 的PSM I (因為平同一世有效),所以排除左不知名的機構外,餘下PMI-ACP同CSM,但CSM超貴,過萬蚊上兩日course+答30條MC,感覺太兒戲了,完全係有錢人的玩意同令人質疑。

言歸正傳,我終於踏上考PMI-ACP的路,純料紀錄下成個流程。

報考資格

要符合以下資格,做左6年野(大部分時間都行scrum),其實好易過關。

  • 2,000 hours of general project experience working on teams.
  • 1,500 hours working on agile project teams or with agile methodologies.
  • 21 contact hours of training in agile practices.

時序

2017/9/1 開始讀 Udemy PMI-ACP Exam Prep course

2017/10/14 網上填form 報名

2017/10/20 收到通知接納同網上被錢,之後即時知道洗唔洗audit(好彩唔洗audit)

2017/10/20 選左 2018/1/4 下午考,多於30日,可以免費改時間

2017/10/24 讀完Udemy PMI-ACP Exam Prep course

2017/11/30 開始溫PMI-ACP Exam Prep

2017/12/29 溫完一次PMI-ACP Exam Prep

2018/1/1 開始做網上的Sample Questions同睇resources

2018/1/4 去新蒲崗考評局PMI-ACP考試 (結果: Pass/Fail)

成本

Udemy PMI-ACP Agile Certified Exam Prep US$7.5

PMI Agile Certified Practitioner(PMI-ACP) Non-member Price US$495

Total = US$502.5 (~HK$3920)

* Non-member報考同重考都係貴US$60,但點都平過入會US$139。

唔似得PMP 入左會+報考都平過Non-member的報名費,所以單純考PMI-ACP唔洗加入PMI做會員

入左會要年年續會費,所謂的benfit又唔太吸引

Contact hours(課程)

21 contact hours 我選擇左最平的online course

我見其他人推介prepcast, simplilearn online course,或者坊間的實體course,但睇完之後覺得好貴同唔太值,倒不如自修,寧願花錢重考好過比錢報讀果d course,反正讀完唔會guarantee pass同埋我有的是時間,加油,努力!

最平的係 Udemy PMI-ACP Agile Certified Exam Prep ,但我買果時係US$10

依家係US$50,但經常有優惠(black friday, 平時promo大約US$12/$15)都可以入手

如果你想再平的話,記住先去Topcashback 登記成為會員,再搜尋udemey,透過條topcashback登記,有25%回贈,收到回贈後可以轉成amazon gift card或者入返落paypal,所以最後只係花左US$7.5 拎左個21 contact hours。

Materials/References

正如我介紹上面的udemy course大約有13 hours 的video,我當然有睇晒,另外上網下載左一些電子書練習。

Reference books

PMI-ACP Exam Prep, Second Edition:
A Course in a Book for Passing the PMI Agile Certified Practitioner (PMI-ACP) Exam (By Mike Griffiths)

>> 好詳盡,同個udemy course的資料互相參考

網上雖然有開心版PDF,但真心建議買本書,因為買書好似會有CD(連個Code),

溫完書之後可以網上邊Download PM FASTrack software的Practice,入面有約300條題目

The PMI-ACP Exam: How To Pass On Your First Try (By Andy Crowe)

>> 我見好多人推薦依本First Try,可惜現在得返一個星期,Amazon買返黎都要時間,所以等大家報告。

(題外話: 公共圖書館無以上兩本書借)

Sharing / Study Guide

https://edward-designer.com/web/pmi-acp/

>> 香港blogger寫關於PMP/PMI-ACP,入面study notes,  resources同填form的教學

http://www.bardo.com.hk/resources/pmi-acp%2002.html

>> 另外一個本地網站教點填表(agile working experience sample)

https://www.deepfriedbrainproject.com/2013/10/pmi-acp-exam-passed-lessons-learned-study-tips.html

>> 另一個外國早期Study Tips,入面提供的資料都多,同埋2017年都有更新過
特別鍾意佢推介其中一個網站 @ScrumDan’s PMI-ACP Study Guide

結果 / 個人心得

香港得一個試場就係新蒲崗考評局,好耐之前CE Appeal去過,所以都認得路(早半個鐘到)
4/2020 Update: 依家可以係屋企考 (Online Proctored Test)pearson vue center 

去5/F 有間房報到,證明要有相同簽名,職員話香港身份證(有相)+信用卡(有簽名)兩樣加埋就得

但我見好多細路都係用passport (特區護照無簽名,BNO有簽名)

同一日比較多人考PMP(約十個),ACP(得兩個),但大部分都唔同時間開始考,同格局似自修室

(入去考之前會有locker放野,咩都唔以帶入去,佢地會提供紙同筆)

首先會有一個十五分鐘電腦簡介,之後就做3個鐘MC,同最後一個問卷

利申: 勁驚,太耐無考試,一開始果d題目好難,好多條都唔肯定

大約2個半鐘先做得晒,最後半個鐘review返Mark左的題目就差唔多夠鐘。

分享: 同網上果d sample questions 完全唔同形式,九成九都係情景題

以一個team lead / agile practitioner /  scrum master / product owner / stakeholder 角度會點做

唔好花太多時間背果d definition,因為考怎樣apply多過definition

果堆XP practice/ SMART / INVEST/ ASCR / ADAPT/ DEEP / CARVER / SWAG背完都無用過

之前網上做果d practice exams有部分得56% – 8X %,但好多根本反映唔到實際的題目

所以當你做practise exam遇上果d考definition唔洗太擔心,好似我做完得56%,去到真exam最後pass 🙂

不過都可以溫埋,知道多d,係學習途中諗多d實際情況

如果大家有多真實agile experience,應該相對易考

最後總共花左3個月準備,扣左睇video,實際溫書大約一個多星期(全日),比我想像中易考好多。

見到Above Target係開心,但有一個Target同Below Target就有d美中不足,但總算完成左其中一個目標。

祝大家好運!

PMI-ACP

題外話

我見有人問Scrum.org 的PSM,所以簡單分享下一些PSM I 和最近考的PSK I的經驗。

PROFESSIONAL SCRUM MASTER™ I (PSM I)

60分鐘 / 80題 / 85%合格 (最多錯12題) / $150USD

https://www.scrum.org/professional-scrum-master-i-certification

Resource

Scrum Guide
https://www.scrumguides.org/docs/scrumguide/v2017/2017-Scrum-Guide-US.pdf#zoom=100
Scrum Open Practice
https://www.scrum.org/open-assessments/scrum-open

個人心得

其實依個係一個最最最基本的scrum exam,所以相對簡單。當年只係熟讀左成份scrum guide再上網搵好多samples做,估計依家samples應該就愈黎愈多。
有人問洗唔洗被錢讀course上training,如果有錢的話,上下無彷,但自己就慳錢,自學就算。其實依個exam主要考definition為主,所以先要考80題,少過1分鐘1題,較少tricky的題目,好多都比較直接。

如果有時間有心機,可以follow佢提議的reading和study materials,加油!

最簡單的心得
– 溫熟份scrum guide
– 做scrum open至少數次100%
(花愈少時間愈好,唔係死記答案,係要真正明白意義)
– 做product owner open至少數次100%
(既可以溫下scrum同唔同角色的職責意義,又可以體驗真正考試的模式,同埋出題的模式,考的形式)
– 嘗試網上搵下有無PSM的exam (因為我太耐之前考,所以都唔記得有咩好的推介)
e.g http://mlapshin.com/index.php/scrum-quizzes/sm-real-mode/
– 考的時候要小心同唔好慌,控制好時間,唔識就揀一個最接近
– 佢個系统冇得mark題去review,要自己用筆記低低

PROFESSIONAL SCRUM WITH KANBAN (PSK I)

60分鐘 / 45題 / 85%合格(最多錯6.75題) / $200USD

https://www.scrum.org/professional-scrum-with-kanban-certification

Resource

Scrum Guide
https://www.scrumguides.org/docs/scrumguide/v2017/2017-Scrum-Guide-US.pdf#zoom=100
Kanban Guide for scrum Team
https://www.scrum.org/resources/kanban-guide-scrum-teams
Scrum with Kanban Practice
https://www.scrum.org/open-assessments/scrum-open

個人心得

這個是比起scrum master難的exam,因為佢考的不只是單純definition,更加多是kanban,好易分唔清究竟係scrum定kanban提出。同樣有錢最好上返個course/training,但大家做題目要小心,仲有multi-select答啱一個都有分,所以唔好驚答錯一個就成條無分。

如果有時間有心機,可以follow佢提議的reading和study materials,加油!
另外仲見到有幾本書好似幾好(當然我冇時間去望同睇,可能伏,自行衡量)
PSK: Professional Scrum Kanban Reference Guide and Exam Questions. 
Practical Kanban: From Team Focus to Creating Value
Actionable Agile Metrics for Predictability: An Introduction

最簡單的心得
– 溫熟份scrum guidekanban guide
– 做scrum open至少數次100%
– 做product owner open至少數次100%
– 做kanban open至少數次100%
(花愈少時間愈好,唔係死記答案,係要真正明白意義)
(既可以溫下scrum同唔同角色的職責意義,又可以體驗真正考試的模式,同埋出題的模式,考的形式)

– 嘗試網上搵下有無Kanban的exam,相對Scrum master較少
較straight forward的definition類型
https://www.thescrummaster.co.uk/assessments/professional-scrum-with-kanban-psk-i-practice-assessment/
題目少但有深度的題目
https://mplaza.training/exam-simulators/psk/
幾好的samples
https://jrende02.survey.fm/kanban-general-knowledge-quiz?iframe=https%3A%2F%2Fagile-mercurial.com%2Fpractice-tests%2Fkanban-knowledge-test%2F&ft=1
了解CFD,scatter plot用途和意義
https://scrumandkanban.co.uk/quizzes/kanban-reports/

4 key flow metrics 好重要
(一定要明白各個metric意義,幾時用 lagging/leading indicator,咩event用,
點樣visualise,用咩圖,CFD)
Little law,WIP和cycle time兩者相對性
– Kanban係extend scrum,冇違反scrum
– 考的時候要小心同唔好慌,控制好時間,唔識就揀一個最接近 (~45分鐘做完,再review之前mark的題目)
– 佢個系统冇得mark題去review,要自己用筆記低低

good luck all 🙂

下集 我的PMI-ACP 續證

25 Comments

  1. 我自己本身沒有PMP,直接考PMI-ACP,無咩影響,大部分都是日常怎樣利用agile

    始終PMI-ACP是以Agile concept,跟project management不太一樣

    最後個人覺得睇下你想搵咩工作,如果你想找PM的工作,我會提議先考PMP(相對普及),再考PMI-ACP
    如果你相信agile的未來方向/希望找scrum master/agile related job/由dev background上,可以直接考PMI-ACP

    PMP難過PMI-ACP,內容較PMI-ACP闊

    最後cert係期次,最重要係個mindset

  2. 請問你覺得考左之後除左知多左Agile,對實際上(搵工之類)有無幫助?

  3. 除左了解多左Agile同brainstorm日常點運用外,如果搵scrum master工會有一點點幫助(多一種證明)

    以cert黎論,PMP比起PMI-ACP出名,認受性會高d
    以scrum/agile搵工,個人覺得經驗和mindset比起證書重要,cert只是一種bonus

    當然有好過無,所以有時間可以考一考,同埋唔好期待有太大幫助

  4. hi 樓主, 我新手對PMI-ACP 有興趣, 想跟你一樣自修
    你提議過上網下載一些電子書, 系未要$ , 有冇免費既?

  5. 我之前都係google “PMI-ACP sample”,有好多result
    依個網都list左部分,你溫晒書可以望望

    https://edward-designer.com/web/free-pmi-acp-exam-questions/

    另外我推薦PMI-ACP Exam Prep,你可以上網search會有ebook
    開心版就免費,但要多花時間搵搵

    e.g “PMI-ACP Exam Prep baidu” 好似百度網盤有,但點下載同work唔work,請自行參詳和衡量風險

    P.S 建議買書看 🙂

  6. 請問除了新蒲崗外,還有沒有其他考場?某教學中心提及灣仔有考場,可惜沒有確實資料,感謝

  7. 请问大神考 scrum.org嘅PSM 1有必要报读public course吗?是否可以自学呀? 啱啱毕业,见到报名费要7800,有d贵。

  8. 唔會, agile 只係methodology, 同programming冇關係。

    最主要係不同情況下點做,同用agile mindset/principle去handle

    如果用scrum,要了解作為product owner或scrum master應該要做的野。
    (PS no PM in scrum)

    加油努力!

  9. 明白!因為我本身係PM底,在糾結考PRINCE2定PMI-ACP好,見到宜家好多PM工都希望用Agile methodology所以想考返張Cert。請問你係考ACP之前,有無聽過一種叫Agile Foundation cert?

  10. no ar,睇落似係prince 2細分出黎?? 好少見JD有人靜係mention “PRINCE2 Agile® Foundation Certification”

    因為當初PMI同埋PMP係香港較出名,所以沒有考慮Prince2。

    個人覺得兩者冇得直接比較,應該比較Prince 2 vs PMP

    如果單純睇香港搵工較出名,
    PMP > Prince 2 (搵Project Manager)
    CSM > 多少少 PMI-ACP (搵Product Owner/Scrum master)

    如果從事PM,我會建議PMP先,再讀上PMI-ACP + Prince 2 practitioner
    CSM你有錢可以讀 🙂

    同埋你睇下想搵類型的工,邊種多人認識d,相對有價值d

    最後cert只是多一張紙,最主要係經驗,同埋點應乎現實中scrum.

  11. 我已經完成pmp, 想讀埋agile, 唸緊PRINCE2 Agile Practitioner同ACP, 想請問邊個會比較好?

  12. 自己會prefer PMI-ACP,始終同一間PMI機構,在香港認受性較Prince2高。

    同埋好少見到job description會特登mention prince2 agile,反而見過scrum master要PMI-ACP。

    最後PMP~PRINCE2, PMI-ACP~PRINCE2 agile
    所以選擇同一系列比較好,容易令人明白。

    不過如果計劃去國外,可能溝埋會感覺好d,prince 2係某些國家較出名。

    以上只是我本人subjective的意見,最重要的是實戰經驗。

  13. 你好, 小弟我可以算係叫PM出身(自己摸住石頭過河)
    20年中想去讀下書 盲毛咁去上佐個PRINCE2 Foundation既堂同埋拎埋張cert
    最近又發覺自己仲欠缺好多mindset同soft skills
    想請教下如果要考cert 考慮埋日後搵工都係PM為優先 推薦點讀點考落去

  14. 如果以工作需要同想有cert去證明做PM,係香港多數係睇PMP, 而Prince 2較少,睇下你自己再考邊張。

    而PMI-ACP多數for行agile的公司, in house product為主, 聘請product owner為主(要有product mindset and vision),而較少project manager。

    我覺得你首先諗下自己想做Project manager定product owner, 再考慮考邊張cert較受歡迎(睇下jobsdb LinkedIn 的post要咩資格)。

    不過cert都係基本,個人覺得soft skill同mindset更重要,點樣handle stakeholder之外,同時manage project schedule/roadmap,我諗主要較經驗?

    我都唔知道點實質improve soft skill,自己都唔係咁好,但我希望好似agile,定時retrospect睇下有咩地方可以改善,下次試下做好d。

    最後一般做vendor/waterfall project,建議考返PMP,睇下其他人點manage projects,試下follow PMP入面建議的方法,再係現實試用微調,再搵適合你自己同公司運行project的方法。
    (純粹9up,最主要識執生)

    加油努力,共勉之。

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.