迴旋人生

電影‧電腦‧旅遊‧優惠 @ 文字分享‧表達真我

夢斷城西 (West Side Story) 音樂劇

今晚看了百老匯音樂劇West Side Story,一個愛情故事,結局出乎意料之外,同時這套音樂劇同時配合舞蹈,增加了舞台上的趣味。

west side story

美國紐約五十年代,青年幫派(Jets)和波多黎各移民幫派(Sharks)兩個敵對幫派,為了爭奪地盤而產生了爭執。男女主角Maria(Sharks黨)和Tony(Jets黨)在舞會上相遇而一見鍾情,在各方反對下,怎可以在水火不容的社會中維持。

同時兩派,為了成為了話事人而進行決鬥,令人意外的係兩邊大佬都死左,而兇手係Tony。對方黨派亦因為報仇而最終殺埋Tony。最後一幕Maria眼見愛人死去的一番話和行為,令人反思這個社會各種不和楷。

短短幾日,少男少女的愛情的故事,既有浪漫和輕狂,但最後可悲的結局,實在令人可惜。

個人感受

我喜歡個場景,以鋼架做成背景(好似上圖左面),有三層的樓架,好有美國風,有幾場加了幾個道具很輕易造成另一種場景和效果。

故事方面,前期交待的背景有點多,後邊好睇d。不過我有一場不太明白,兩派都穿上白色的服裝,很融洽相處,兩派的人一齊跳舞,我懷疑是否在理想世界中定天堂?

而我覺得故事來得有點突然,兩個黨派係公路底下單挑,兩個龍頭大佬好快就死左,而Maria和Tony之間好快就生死各一方,我覺得佢地係咪真心相愛,或者可能描畫他倆的愛情不太深。

不過有幾幕幾好睇,Jets果班人驚被警察捉,扮好多角色,幾好笑。

 

最後因為佢地講西班牙文和有口音,有d聽唔明,但整體來說,一個好可惜的愛情故事,另人深思種族之間的沖突和歧視,平等。

Maria, Tonight, America 依幾首歌都好聽

 

延伸閱讀

西城故事介紹

https://zh.wikipedia.org/wiki/%E8%A5%BF%E5%9F%8E%E6%95%85%E4%BA%8B

West Side Story SoundTrack

預訂門票

http://www.hkticketing.com/events/WCWESTS0517

綠野仙蹤女巫前傳 (WICKED) 音樂劇

昨晚去了演藝學院睇綠野仙蹤女巫前傳(wicked) 音樂劇,好好睇,音樂同場景都好正,值得一睇。

一切都好green,但服裝都做到好仔細同華麗 🙂

wicked2

 

小時候,第一本童話故事書係綠野仙蹤,講個小女孩被龍卷風吹到個魔法國度月重,要找回家的路,途中遇上稻草人,鐵皮人和膽小獅,路上大家互相幫助,一個既驚又有趣的歷險旅程,勇敢的小女孩最後殺死了壞女巫。

不過依次音樂劇係講返女巫,作為綠野仙蹤前傳(後期先作),同原本的綠野仙蹤有一些關連,大家可以聯想,不過唔係依套劇的重點,但改寫左女巫成魔之路,邊個先係正義呢?壞女巫定好女巫?

(含劇透)

個故事主角講好女巫Glinda同Elphaba在學校相遇,Glinda是一個受歡迎的”blonde”美女,遇上一個怪胎綠色人Elphaba (哈哈,應該同Hulk同Shrek會係好朋友,一樣咁綠色)。兩人由怨家,再變成好朋友,揭穿了大魔法師的面目,有天賦的Elphaba決意保持正義,但遭大魔法師誣衊,講成罪大惡極的壞女巫,而一直希望成為受人敬仰只好成為權力下的扯線公仔,命運下只能其中一人勝利。

場景

wicked1

佈景非常細緻,有一個dragon clock係最頂,背景以一個鐘和齒輛的形式顯示出來,在時代的巨輪下,人們百般無奈,只好活在當下,但我們還有什麼選擇嗎?

場景的細緻度同本地話劇無得比較,始終唔同的制作成本,特別喜歡下雨的特效,雨的剪影,樹林,同埋magic的效果(飛起黎)。

場景的變化都好多,其實學校部分似Harry Porter,哈哈。

個人感受

對於故事來說,Elphaba成魔之路的確令人接受,在這個扭曲的社會下,小眾被定義為犯錯和針對的一方,而無知的群眾下,欠缺批判思考成件事,難道相信水就能消滅女巫,這不是諷刺當今的社會嗎?

(哈哈,假設個故事是真正,不能批判思考),我會鄧Elphaba慘,為什麼一直去幫助人,卻被大家討厭,好人真的好報?

雖然唔係話得不到好報就要變壞,但係我會同情她的處境,成魔背後多數會有原因,不是讚同卻是同情。
(哈哈,我好似合理化左做衰人)

最令人激氣就係Elphaba個妹(跛),既無知又貪心,明明Elphaba講左Boq係玩佢,並不是真心。即使令佢重新企返起身卻不知足,仲要得到Boq的心,亂咁用魔法又賴落Elphaba度,救Boq但只可把他變成鐵皮人卻被責罵。

Glinda就好似一個”bitch”(哈哈),虛榮心作祟,一個渴望成為大家喜歡的人,最後嘗試改變,但事情發展到後期,只好繼續做世人眼中的好人,不過都睇得出佢重視Elphaba的友誼。

成套劇令我反思什麼是正確,跟現今的社會很相似,怎樣才是最好。

大巫師成為王國的精神支柱,是一份信念,其位都有各種難處。
一旦失去信念,真的難以想像會變成怎樣,一路以來教授什麼正確和信服,卻跟你說這是假的。

不過最後,我仍然希望大家做好心,如果大家都抱著這樣的心態,根本唔會發生後期不如所料的事。(太過理想)

 

總結

套音樂劇好好睇,演員唱得好好,好多首歌都好鐘意,Defying Gravity, wonderful, For good,畫面都好colorful同夢幻,聲畫都好精彩,所以十分推介大家去看看,機會難逢(即使有d英文聽唔明,都可以睇字幕,哈哈),最後送上spotify Wicked的playlist。

 

魔幻之旅 (The Illusionists)

The Illusionists

今晚去左文化中心睇左場魔幻之旅(Illusionists),一場魔術表演,令我回想起大學時代看的Magic Society的Annual Performance,真的很令人懷緬,不過級數當然就無得比,哈哈,Good Show。

另外睇到Poster的感覺,有點很似Now you see me(非常盜, 好期待會唔會變d錢出黎),睇電視電影多,但都係第一次睇世界級數的魔術表演,好多睇完都唔明點解,而場內氣氛好好,仲有好多明星出席。

 

魔幻之旅集合左八位魔幻大師的表演,除左紙牌魔術,雜技表演外,仲有空中飄浮,讀心術等等,我就唔劇透太多了,講左出黎就無驚喜。

 

不過我就最鍾意互動表演,當你入到場會發現每個位都有個信封”Do not open”,去到一半每位觀眾都會參與,幾得意,而我就成功配對左,而你呢 ?

 

另外個人覺得最神奇就係讀心術,好仔細咁睇,但真係唔明點解The Clairvoyants(Thommy Ten 同Amelie van Tass),點樣可以憑另一個人就可以知道咁多野,真的想不透。

 

最後我覺得整個表演好夢幻,好多燈光同舞台效果,又有好多道具,而觀眾亦有機會參與(可惜沒有我份:( ),值得一看,感受一下現場的神奇和奇幻。

The closer you look the less you see,等大家一齊拆解佢地的魔術,我真係有好多地方唔明點做到。

The Illusionists

一年之後(4/6/2017),睇返American got Talents原來2016,Clairvoyants上左American got Talents,仲拎左第二名,回想起當初睇覺得佢地好Amazing,我都睇唔明佢地點做到。

 

飛天離地絕技團 ( Cirque Adrenaline)

cirque

今晚過了不一樣的冬至,充滿激情,整個表演好厲害,成場好驚佢地失手跌落黎,驚險萬分,危中卻帶給大家歡樂。

 

當看到這個show的宣傳,第一個感覺是當年看的3D太陽劇團的表演,配合各種形式的道具,由陸地玩到天空再到水中,精湛的技能和表演一一浮現於腦海中。不過始終那次看的只是3D電影,震撼的場面,緊張的氣氛卻沒有今晚現場來得真實和好看。

venue

下面內含劇透/劇評,想睇就睇吧!

 

今日有幸來到博覽館出席首場 飛天離地絕技團(Cirque Adrenaline)的表演,個台的位於前方,有鋼線,搖板等道具。

未開場,播緊Smells like teen  spirit,好正,之前睇完Pan,loop左一排

Hello Hello Hello How Low?

With the lights out it’s less dangerous

Here we are now, entertain us

好貼切,好Rock,好期待成個show。

 

出show期間,無得影相,所以大家到時去看看實況吧。

大家可能會以為依個會好似馬戲團表演,但其實主要係由來自世界各地的表演團隊串連,以15種不同形式和超高難度的動作帶給大家又驚又喜的感覺。

整個show的確不錯,當然d動作我做唔到,亦一世都唔得,佢地應該付出左好多,花左好多時間,Good Show。

十五個環節當然好多好睇

魔幻巨輪,兩個人係個滾輪,轉黎轉去,見到有幾下失手(難分真與假),跣倒,好鄧佢慘,不過朦眼都成功轉到,好勁。

滑輪上面轉果個(唔知點形容),即係個圓柱(幾個)打橫放,然後企返板上面平衡,見佢震震下,仲唔跌?再加埋個方塊360度轉都無事,(我以為會有條友會移走個方塊),真係不得不佩服。

空中飛人,我見到又係鄧佢慘,成個頭紅晒,但佢地係空中做左好多個空翻,超西利,不過中途有失手(最期待的畫面?)。

仲有好多大力士,同埋天空轉,完全離地,搵命博。

點樣可以一個人純粹用背承拓另一個人?點樣用條頸中的繩支撐(拉起)個女仔?點解可以用個頭頂起另一個人?點解個女仔係咁轉隻手又唔斷?

點解ge?點解ge?點解ge?

哈哈,成晚睇左好多超乎人體結構,的確好令我震驚,睇的時候又擔心佢地會失手。

 

不過有幾個節目娛樂性較低,玩電單車果幾個好放,飛緊的時間做出高難道動作,但礙於台位置有限,時間過短又好遠,幾分鐘就完左了,唔太夠喉。

 

最後不得不讚個小丑,同觀眾互動,又攪笑。雖然我都依家都聽唔明佢講咩野(“埋位”定唔知咩野)…

成場show幾好睇幾有娛樂性,比想像中好,既有視覺,又有感覺(又想佢地成功,但又鍾意人PK),哈哈。

唔知下次幾時再有機會睇show =)

 

後話(自膠Mode) :

理想是飛天離地嗎 ?

“飛天離地絕技團”教曉我是成功需苦幹,沒有昨天的努力,今天是沒法子站在舞台上說我可以。

 

台上三分鐘,台下十年功,的確佢地表演可能十分鐘左右,但真的好佩服他們。

正如你睇我好,我睇你好,一時的表面卻沒有人知道背後花了多少時間

成就今日的我,只因過去的努力?

好想好想,卻不知怎算好,只好默默耕耘,為未來的上台機會而努力(會有成功的一天嗎?)

 

 

今個星期聖誕節了,祝大家聖誕快樂!!