Tag: 香港

我的評論

夢斷城西 (West Side Story) 音樂劇

今晚看了百老匯音樂劇West Side Story,一個愛情故事,結局出乎意料之外,同時這套音樂劇同時配合舞蹈,增加了舞台上的趣味。 美國紐約五十年代,青年幫派(Jets)和波多黎各移民幫派(Sharks)兩個敵對幫派,為了爭奪地盤而產生了爭執。男女主角Maria(Sharks黨)和Tony(Jets黨)在舞會上相遇而一見鍾情,在各方反對下,怎可以在水火不容的社會中維持。 同時兩派,為了成為了話事人而進行決鬥,令人意外的係兩邊大佬都死左,而兇手係Tony。對方黨派亦因為報仇而最終殺埋Tony。最後一幕Maria眼見愛人死去的一番話和行為,令人反思這個社會各種不和楷。 短短幾日,少男少女的愛情的故事,既有浪漫和輕狂,但最後可悲的結局,實在令人可惜。 個人感受 我喜歡個場景,以鋼架做成背景(好似上圖左面),有三層的樓架,好有美國風,有幾場加了幾個道具很輕易造成另一種場景和效果。 故事方面,前期交待的背景有點多,後邊好睇d。不過我有一場不太明白,兩派都穿上白色的服裝,很融洽相處,兩派的人一齊跳舞,我懷疑是否在理想世界中定天堂? 而我覺得故事來得有點突然,兩個黨派係公路底下單挑,兩個龍頭大佬好快就死左,而Maria和Tony之間好快就生死各一方,我覺得佢地係咪真心相愛,或者可能描畫他倆的愛情不太深。 不過有幾幕幾好睇,Jets果班人驚被警察捉,扮好多角色,幾好笑。   最後因為佢地講西班牙文和有口音,有d聽唔明,但整體來說,一個好可惜的愛情故事,另人深思種族之間的沖突和歧視,平等。 Maria, Tonight, America 依幾首歌都好聽   延伸閱讀 西城故事介紹 https://zh.wikipedia.org/wiki/%E8%A5%BF%E5%9F%8E%E6%95%85%E4%BA%8B West Side Story SoundTrack 預訂門票 http://www.hkticketing.com/events/WCWESTS0517
其他事項

香港Start up

一個悠長的假期,無聊係度研究一下香港的startup,順便brain storm下點發展個business model同有無新ideas。 利申: 純粹個人意見同主觀的評價 其實有好多user friendly和有趣的idea,可惜好多都唔太成功或普及,亦有部分已經摺左和被淘汰。 (首先我會排除marketing/app solutions/game/big data的start up,個人覺得始終唔算係新興/創新科技/好難定論好壞。另外大型到好出名的9gag, openrice, gogovan都唔會睇) 不過唔講都唔知係香港的start up同有依種services/products 3Doodler (3D筆) 估唔到依個產品2012由kick starter發展,去到現在已經推出有第二代,連citysuper都有得買。 Aftership (Package Tracking) 記得曾經去過佢地的meetup,2個後生仔去建立,其實都幾成功,係外國好多公司都有用。 aldiko (App book reader) 感覺上類似hyread / 24 reader 的book reader ,買書借書,但規範大好多,同target外國市場,單係android已經過千萬下載量。 Bindo (iPad POS system) 對於依家咁多小店和企業,的確唔需要好似以前的POS,簡單的system的確幾好。 CarShare (共享汽車) 我記得讀書時候有介紹zipcar,係國外好成功同好方便。最近共享單車出現令我聯想返依間公司。 印象好似仲有另一間類似的。 Casetify (iphone 手機殻) 記得上過去interview同有offer,可是最後reject左。前排成日係HSBC廣告見到佢融資,係外國真係好成功,吸引到咁多人訂。 Couchbase (教練工具) 好耐之前已經聽過依個app係NBA已經用緊,所以都幾成功同出名。 Easyship (郵寄野) 主要係計返點由香港寄去海外最平,比較唔同價錢。 FindDoc (醫生網) / SeeDocker(睇醫生) 醫生目錄,提供醫生資料,主要估計係賺廣告費?同評價or預約? GoAnimate (動畫制作) 一間local公司,可以輕易整動畫。 其他仲有好多唔同類型的start up,分以下幾類 學習/Coding App (general assembly, 教小朋友coding,) FinTech/Bitcoin (Trading, Payment) job listing / talent match (搵裝修, 登請人廣告, 類似fiver, 專才配對) 飲食/娛樂app(foodie, coconut HK, reserve table, 外賣) Fitness (搵fitness place, events) Travel (Hotels, local tours, klook) E-commerce (grana 賣簡約衫, 零食大王, 賣bb野, gift, mydress 女裝網購) 奇異/特別新產品 (looking glass 立體圖, smart pill 提神藥) Community (NomadList地區環境)   不過一間start up成功與否唔應該用錢/規範去衡量,最重要係真正幫到人,改變到社會。 究竟我應該點樣發展下,brain storm好呢。
好康分享

平價VPS Hosting 分享和比較

我一直都用vps hosting去架設個Blog,對於細個整網站的時候會用free hosting,好似netfirms和uhome,可能要放廣告,但那時候唔太介意,純粹架個網站出黎玩。隨著時間的變化,web hosting已經進化,由dedicated server(獨立Server)演變出了VPS,價錢相對便宜很多,再加上出左黎做野,所以現在都是用VPS去起個網站。 當初的最主要的考慮因素係價錢,所以選擇左了BlueVM,那時候價錢好便宜,USD$25一年,可以租用KVM VPS(美國USA/12GB SSD/500GB Bandwidth/256GB RAM),用左兩年左右(2012-2014年),初期都穩定同快,但去到中後期,個server死左幾個星期無人理,Customer support超差,所以blacklist左依間公司。 之後就搬左去類似價位的ramnode,同樣是價錢平和信用好的budget VPS,USD$15一年,但依個係OpenVN SSD VPS(美國NYC/12GB SSD/500GB Bandwidth/128GB RAM),整體用左兩年(2014-2016年)未死過,所以算穩定,但去到後期就希望想搬返近香港的server而轉走左,同埋想轉返做KVM VPS。 哈哈,其實自己都有搵過有無free vps hosting,但大多都係外國,限制多,無保證,所以放棄左依個念頭。 最後比較左幾間大的公司,最後選左Vultr,USD$5/m,選左日本Server,不過最近出現Amazon lightsail,令到間間都減價。 類似ramnode同bluevm果d細的VPS hosting,我唔比較喇,始終服務參差,類似的hosting多不勝數。 所以我會比較主流(amazon, digital ocean, vultr, linode)和香港平價的KVM VPS(香港的VPS好貴,因為network line貴,好似hostmada會退出香港VPS Server。) amazon light sails linode digital ocean vultr vultr gigsgigscloud vpsfast Monthly Price(USD) $5 $5 $5 $2.50 $5 $3.80 $6 Memory 512MB 1GB 1GB 512GB 1GB 512GB 512GB SSD Storage 20GB 20GB 20GB 20Gb 25GB 20GB 12GB Transfer 1TB 1TB 1TB 500GB 1TB 500GB 1TB Location Tokyo, Singapore, Seoul Singapore, Tokyo Singapore Singapore, Tokyo Singapore, Tokyo Hong Kong, Singapore Hong Kong Speed (Singapore) – 574KB 532KB 355KB – – Speed(Tokyo) – 338KB – 314KB – – Speed(Hong Kong) – – – – – – 2134KB 香港的平價VPS有 HostUs.US,但由於係OpenVZ,所以唔作比較了。另外香港仲有好幾間本地有提供VPS的hosting,但價錢好貴過US$15一個月,架一個wordpress唔值得。(aliyun就大陸,最低都要$10/m) OpenVZ有機會oversell得好嚴重,set up唔到VPN,唔太support docker,穩定性和可以控制的地方有限,所以我會選擇KVM(貴少少)。而我亦會使用docker去起個server,所以唔會考慮windows server。 vpsfast同gigsgiscloud名氣不大,所以當初沒有選擇,特別係gigsgigscloud,連register都唔得,慢到操作唔到,所以話就話VPS係香港,價錢雖平但實際速度令人憂慮。而後者vpsfast巴西公司,好似唔太信得過。 最後係Amazon, Linode, Digital Ocean(DO), Vultr中選擇,最後因為價錢最平和穩定而選了Vutlr,但其實Amazon幾好,如果有integrated with 其他aws services應該係唔錯的選擇。而Linode效能相對較Digital Ocean好。 總結: Vultr > ,雖然速度唔係最快,價錢平同穩定 Amazon > 名氣最大,易於integrated with amazon aws Linode > 同樣價錢中,效能(performance)較高 Digital Ocean > 中規中矩,靜係得Singapore Gigsgiscloud > 似係大陸人開的公司,穩定性似低 VpsFast > 價錢唔係最平,不知道可信性 Vultr 個人使用經驗和評價(附少許教學) 我未用過其他Linode同digital ocean,而暫時Vultr User Experience幾好,可以有Snapshot,當初出左新plan(US$2.5),即係由舊US$ 5 plan build個snapshot(免費),然後deploy落個新VPS。 snapshot有少少似backup (back up要收費,但snapshot 免費),可以起個新instance時選用snapshot。 而對比之前用ramnode同bluevm user friendly好多。 Overview – Instance的基本資料,好似依個月用左幾多錢( 我用2.5$ plan,所以每個月cap係2.5$) Usage Graphs – 有較清楚的圖表知道個Server Status,我到依家都唔清楚點解有時CPU Usage特別高 Settings – 可以較IP V6,轉plan/OS Snapshot – 免費/無限數量Store snapshot,個人覺得似windows system restore point,可以方便restore個VPS去指定的point Backup – ($0.5/m,貴的plan會貴d),成個server backup DDOS […]
我的評論

綠野仙蹤女巫前傳 (WICKED) 音樂劇

昨晚去了演藝學院睇綠野仙蹤女巫前傳(wicked) 音樂劇,好好睇,音樂同場景都好正,值得一睇。 一切都好green,但服裝都做到好仔細同華麗 🙂   小時候,第一本童話故事書係綠野仙蹤,講個小女孩被龍卷風吹到個魔法國度月重,要找回家的路,途中遇上稻草人,鐵皮人和膽小獅,路上大家互相幫助,一個既驚又有趣的歷險旅程,勇敢的小女孩最後殺死了壞女巫。 不過依次音樂劇係講返女巫,作為綠野仙蹤前傳(後期先作),同原本的綠野仙蹤有一些關連,大家可以聯想,不過唔係依套劇的重點,但改寫左女巫成魔之路,邊個先係正義呢?壞女巫定好女巫? (含劇透) 個故事主角講好女巫Glinda同Elphaba在學校相遇,Glinda是一個受歡迎的”blonde”美女,遇上一個怪胎綠色人Elphaba (哈哈,應該同Hulk同Shrek會係好朋友,一樣咁綠色)。兩人由怨家,再變成好朋友,揭穿了大魔法師的面目,有天賦的Elphaba決意保持正義,但遭大魔法師誣衊,講成罪大惡極的壞女巫,而一直希望成為受人敬仰只好成為權力下的扯線公仔,命運下只能其中一人勝利。 場景 佈景非常細緻,有一個dragon clock係最頂,背景以一個鐘和齒輛的形式顯示出來,在時代的巨輪下,人們百般無奈,只好活在當下,但我們還有什麼選擇嗎? 場景的細緻度同本地話劇無得比較,始終唔同的制作成本,特別喜歡下雨的特效,雨的剪影,樹林,同埋magic的效果(飛起黎)。 場景的變化都好多,其實學校部分似Harry Porter,哈哈。 個人感受 對於故事來說,Elphaba成魔之路的確令人接受,在這個扭曲的社會下,小眾被定義為犯錯和針對的一方,而無知的群眾下,欠缺批判思考成件事,難道相信水就能消滅女巫,這不是諷刺當今的社會嗎? (哈哈,假設個故事是真正,不能批判思考),我會鄧Elphaba慘,為什麼一直去幫助人,卻被大家討厭,好人真的好報? 雖然唔係話得不到好報就要變壞,但係我會同情她的處境,成魔背後多數會有原因,不是讚同卻是同情。 (哈哈,我好似合理化左做衰人) 最令人激氣就係Elphaba個妹(跛),既無知又貪心,明明Elphaba講左Boq係玩佢,並不是真心。即使令佢重新企返起身卻不知足,仲要得到Boq的心,亂咁用魔法又賴落Elphaba度,救Boq但只可把他變成鐵皮人卻被責罵。 Glinda就好似一個”bitch”(哈哈),虛榮心作祟,一個渴望成為大家喜歡的人,最後嘗試改變,但事情發展到後期,只好繼續做世人眼中的好人,不過都睇得出佢重視Elphaba的友誼。 成套劇令我反思什麼是正確,跟現今的社會很相似,怎樣才是最好。 大巫師成為王國的精神支柱,是一份信念,其位都有各種難處。 一旦失去信念,真的難以想像會變成怎樣,一路以來教授什麼正確和信服,卻跟你說這是假的。 不過最後,我仍然希望大家做好心,如果大家都抱著這樣的心態,根本唔會發生後期不如所料的事。(太過理想)   總結 套音樂劇好好睇,演員唱得好好,好多首歌都好鐘意,Defying Gravity, wonderful, For good,畫面都好colorful同夢幻,聲畫都好精彩,所以十分推介大家去看看,機會難逢(即使有d英文聽唔明,都可以睇字幕,哈哈),最後送上spotify Wicked的playlist。  
銅鑼灣避風塘
吃喝玩樂, 旅遊記錄

重遊.銅鑼灣

上年參加了Yahoo旅遊的比賽,題目是銅鑼灣,有機會深度遊銅鑼灣,去了解多一點這個地方。比賽結果是出乎預料,究極我有無輸,現在我也不知道,不過我是不會輸給自己的,跟歐遊刷身而過,但這就是命運吧!希望未來會有機會去歐州和繼續跟大家分享我的人生。 由於一些事,再次大鄉里過海到銅鑼灣,舊年還沒有買相機,那次也沒有器才去拍照片,所以一直都希望有機會再走一次那條路,去感受銅鑼灣。 敢動.銅鑼灣 https://hk.gotrip.travel.yahoo.net/article/index.php?id=36170 重新由維園起步,跨過天橋,發現時光是個壞人,竟然開始有工程,開始填海[銅鑼灣避風塘段隧道工程]。相信那時候的景色只能從相片才能找到,只能透過回憶才能真正感受到夕陽無限好,只是近黃昏。 時間是轉變,機會錯過就沒有了,一路以來,我錯過了多次 ? 後悔了多少篇 ? 口口聲聲說要抓緊時間,珍惜機會,卻我一次又一次恐懼走出去。 現在已經圍起了板,壓根兒一點兒也看不到海,看不見日落了。 於是走吧,人不能再留戀同一個地方,要往前走! 再發現那隧道的綠色水管已消失了,那份年華老去的感覺很強烈,時代的轉變? 雖然沒有走到奧運那條天橋,但人生就是這樣,即使再走同一條路,我現在是一個人,看見不同的景色,有著不同的感受。那個我已經不再是現在的我,我不是我,那我是誰 ? 一路上都很感概,再次經過被佔領的街道,現在重新通車了,慢慢地那抗爭的痕跡消失了。 在鬧市裡,黃之鋒繼續拿起咪高風發表意見,周遭的路人繼續急速走著。現在黃之鋒好似變得不起眼,人們繼續依著各自的步伐前進,而雨傘運動彷彿沒有發生過,同一地方,大家堅持的好似過了三個多月就消失了。 我不喜歡第四度空間,如果一切不會因時間而有所改變就好了,這樣我不會錯過,不會因為時間而後悔。   最近看到網友留言,提議休息一下。我真的很累,作為一個人,我不想繼續走下去,已經不知道在這裡迴旋多久了,重新回到起點,迷失了方向,失去意義地活著。說好的快樂在那? 不過我會努力,因為我不能輸,戰勝壞人!