迴旋人生

電影‧電腦‧旅遊‧優惠 @ 文字分享‧表達真我

澳洲日本二十日旅程(後記)

關西中部九天 (11/3 – 20/3)

澳州新加坡十天 (25/3 – 4/4)

雖然兩個旅程中間隔左5日,但夾夾埋埋去左成20日,其實真係有d辛苦,不過這樣才是人生?才是年青時候才會做的事?

再次有好多人問同樣的問題,你一個人旅行孤獨嗎?

 

一切皆由於機遇,當初只是訂立去日本,簡簡單單一年一次去旅行,調整一下個人的心情,散下心而已。

而且已經不是第一次去日本,一個人也不會太困難。

但澳洲是突如其來的旅行,當初見到網上有張Scoot error fare飛,原本打算問朋友,可是期不夾,只好一個人買機票。

雖然買果張機票發生好多事,但張機票只係要HKD$500飛澳洲,所以買左先,到時再算。

最後又唔捨得浪費而迫著上路,所以一切都係機遇。

與其說因為孤獨而不去旅行,倒不如說因為不旅行而孤獨。

 

最後兩個trip都花左幾多錢,不過值得吧!咁大個仔仲未衝出亞洲!

日本機票連回程行李($1000)+酒店$2000+JR Pass$830+Cash($6500),花左一萬多去了9日。

澳洲機票($500+$300內陸機)+Hostel$1500+2 Local Tours($1000)+Cash($7000),花左一萬多去了10日。

 

不過最重要的唔係錢,而係經歷過什麼,其實有好多野都沒有紀錄下來,旅途中發生了許多事,遇到很多人。

我很感謝在旅途中出現的人和事,也許我是傻傻的,但你們依然跟我玩,也肯花時間載我去玩,去跟我說話,萬千感激。

有些人只是認識了幾天,或許一輩子也沒有機會再遇,但很多謝,願大家安康快樂!

 

日本

希冀找回那次九州之旅的感覺,可是大阪和中部卻給我另一種感覺,讓我認識另一面的日本,是繁榮嗎?

還是自己成長了,已經從不一樣的角度看這個世界,不過吃喝玩樂倒是挺不錯,只能說時間太短了,有機會要再去,但個人還是喜歡那藍天和大自然,下次要上高地,還有那些偏遠的地方。

 

澳洲

跟我想像中不太一樣,但大自然真的很靚。文化跟我們真的不太一樣,吃的東西都很簡單,而地方也大很多,沒有車真的許多地方也去不了(要去學車嗎?)。

不過第一次真真正正的backpacker,背著一個背包真的很辛苦,個袋很重,想買東西又害怕裝不下。每天又行好多路,已經行到生左水泡中仲有水泡,已經不再是享受,是一種磨練。

不過今次主要去城市,還有很多東西未試,很想去試skydiving。還有自己的英文真的很差,要好好努力。

 

兩個旅程,訓機場,斷左個眼鏡個柄,迷路了,吃到就快嘔,搭車/飛機就快暈到(其實我係廣州飛,所以由香港>廣州>新加坡>墨爾本>悉尼 = =) ,累到唔想再行,荒山野嶺驚返唔到市區,好多好多好事情。

仲有影d相好多塵= =,結果部分相有一粒粒野,同埋影相技術有待改善。

不過這次在旅程一個人過生日,是概嘆時間太快多於寂寞。
還是不想長大,不想面對各種事情。

P_20160328_125807

 

返左黎,終於預約到被討厭的勇氣,書中的年青人跟我有點似,正正是我經常問的問題,人生意義和目的。

雖然並非所有野都完全認同,但我們是活在當下,過去已經改變不了,採用決定論已經無補於是,要靠目的論向前行。

最重要是自己怎看這個世界,接受自己,最後尋找自己的價值。

 

不知不覺,工作差不多5年了,是時候向前行,多謝身邊出現過人和事。萬千分感謝,也許是殘酷,但我不能以害怕作藉口而停止長大,期待下次能去歐洲或更遠的地方。

 

雖然好白痴咁打晒個遊記出黎,但終於完成了,希望將來有腦退化也能記得起。

 

 

關西中部旅遊(九) 名古屋 > [email protected]

最後一日在名古屋,時間不多,也沒有安排太多行程。(13:25的飛機返香港)

位於airbnb對面的公園,左右就是名古屋市科學館和名古屋市美術館。

白川公園

照舊,名古屋式早餐

又係tabelog搵食,見到依間位於airbnb附近的老店

1. 早餐 コンパル 大須本店

http://tabelog.com/aichi/A2301/A230105/23002607/

再次踏進商店街,咁早(9點左右)好多都未開,靜係有d機舖同藥妝店。

大須

早餐

依邊好多間Maid cafe,女僕cafe。

Maid cafe

跟住去埋扭蛋舖就返airbnb,再由名古屋駅搭近鐵去機場了。

扭蛋

第二次路經,大須觀音。

大須觀音

11點01分班車,去到差不多十二點,再去埋KAL lounge食埋野就上飛機返香港。

中部機場

另外有樣想提提你,入面手信係免稅(不過當然無出面咁多舖頭同手信),但有得買Royce朱古力薯片。

royce朱古力印象中好似係近最盡頭gate果邊
http://www.centrair.jp/enjoy/shop/1188752_1479.html

我開頭以為得薯片,點知入邊先有,買完即刻上機(Hkexpress)走人了。

返到香港六點幾,成個日本關西中部就咁完左了。

關西中部旅遊(八) 名古屋 > [email protected]@[email protected]

黎到名古屋就要食早餐(當地的早餐文化)?

上島咖啡店,美好的開始,天朗氣晴的一天出發了。

名古屋

有時候我諗究竟在香港沒有時間抬頭望上天空,還是香港沒有這樣的藍天呢。

上島咖啡店

1. 高岳 賞櫻

好好彩,接近臨走再次看到櫻花,成條街兩旁都係櫻花,今次真係櫻花樹下了。

櫻花

櫻花

櫻花

2. 榮

榮係主要是購物中心,去左買野,但果度都好多名牌。夜晚又返黎的驚安之殿堂買手信。

榮

榮仲有h&m, Gap, Forever 21,仲有Apple Store。

Apple Store

3. 蓬萊軒

黎到名古屋當然要成鰻魚飯,所以選了好出名的蓬萊軒(松坂屋),但超多人等。九成以上都係日本人,我心想咁遠黎唔係唔食呀。於是死死氣等,最終等左成個鐘先入到去。

P_20160319_124906

佢好好有介紹點食,分別有3種方式食。

蓬萊軒

份量都幾大,3600Yen,好彩無叫加大。

而我最鍾意第二種方法,加埋佐料食,幾正。可能正正等左成個鐘,變得極奇肚餓同不能磨滅我的努力等待。

不過的確好食,但唔值得等成個鐘,反而覺得柳川鰻魚飯好味d。

蓬萊軒

4. 爵士之夢長島Outlet

跟住由榮返去名古屋駅,再乘巴士來回(差不多一個小時的車程) 1900 Yen

去程天氣好好,好藍好綠。

outlet

爵士之夢長島Outlet,其實旁邊有個遊樂場,有過山車,仲有麵包超人博物館,溫泉同名花之里。

但今日前的主角就係outlet,去到三點幾,行到七點幾八點,差唔多尾班車。

outlet

爵士之夢長島Outlet好似係話全日本最大,不過我諗下次唔會再去,哈哈。

我覺得又未至於好抵,因為好多都係得八折九折,可能買名牌會抵掛(我又唔會買coach)。不過我都買左小小野ge。

outlet

晚餐就係outlet個food court食,最後日本之旅的晚餐。

outlet

返到名古屋都九點,去左千里馬藥局,但真心唔覺得果度多野買,過於神化了。

最後去埋驚安之殿堂(唐吉訶德) 24小時營業,買左好多野同埋去左便利店買雪糕食就返airbnb。

icecream

關西中部旅遊(七) 高山@[email protected] > 名古屋

早上再浸多次溫泉就食埋個自助早餐

食早餐位於頂樓,個境都ok,唔知將來會唔會有機會登上雪山。

P_20160318_085627

食物無咩特別,有西式日式的食物,有四星酒店的質素,但重點係佢派左張卡被我。

可能知道我一個人,所以要用d野證明在席? 幾得意

P_20160318_083254

1. 宮川朝市

朝市每朝早上都有,其實就係有一些攤位,數量都唔係好多,另外都有一些小食。

DSC_3650
DSC_3651

飛驒牛,無想像中特別,哈哈。

DSC_3655

2. 三町路

其實同朝市好近,依度多好多屋,主要都係餐廳,小食店。
DSC_3659

DSC_3683

飛驒牛壽司

P_20160318_102142

之前Jan哥講果隻公仔,依度都有。

P_20160318_103447

行的時候會發現有d屋仔,入面就係放住依d花車。

DSC_3687

返轉頭,宮川朝市就係河邊。

DSC_3690

行遠少少就會到吉島家住宅/日下部民藝館。

DSC_3688

成個高山其實好大,但市就好細好集中,有機會的話可以去埋高山陣屋,東山散步道。

2. 名古屋

下午就出發往回市區(名古屋),由高山搭JR去名古屋兩個半鐘,去到已經差唔多4點。

去到地下街的 [email protected],Late lunch,但仲係好飽早餐同之後食左好多野,無叫到35cm長炸蝦天婦羅。

但我唔明點解蝦可以咁大隻,不過應該係養蝦?

炸蝦

跟住就去左airbnb的酒店(近伏見),貪佢夠平hkd$5xx兩晚,交通都方便,但冷氣機搖控無咩電同有d舊。

佢係有成層三十幾間房,但我好奇見到有間房係有張牙醫台,好似好恐怖,哈哈。

https://www.airbnb.com.hk/rooms/7408788 (同相同形容差不多)

之後就去左郵局寄post card同大須商店街。

果邊都有好幾間figure店,同幾多野行,不過就好早收,九點鐘收得七七八八。

P_20160318_185803

見到紅盾(Puzzle and dragon),另外仲去左Jins配副眼鏡,半個鐘就拎得。

P_20160318_184206

晚餐食世界の山ちゃん,主要食手羽先(雞翼),飲左銀河高原,幾好味

P_20160318_204512

雞翼教學,但我食開雞翼都好乾淨 🙂

P_20160318_205020
P_20160318_204518

飽飽就返歸了。

關西中部旅遊(六) [email protected]

一大清早就要告別金澤,前往下一站,白川鄉(世界文化遺產)。

記得預約位,可以先到網站登記成為會員,而到時展示返個JR Pass同預約號碼。

濃飛巴士,由金澤去白川鄉,8:40發,10:05到白川鄉。

(可以早於七日預約,亦唔會被人取消,所以我也不知道為什麼網上有人說只能七天內預約。)

http://www.j-bus.co.jp/web/asp/hnsent5.asp?mode=1&id=21&id2=19

金澤

合掌屋,因屋的形狀很尖,像一個合着的手。

DSC_3471

入口,有條橋,其實我擔心會唔會斷,因為都幾長同埋好搖。

DSC_3475

DSC_3483

跟住用左自己的方式上山,行車路 = =

DSC_3503

其實我覺得合掌屋沒有後面的雪山來得吸引,可能因為不是冬天,沒有雪下,合掌屋有點單調。

DSC_3508

花左半個小時,終於上到觀景台,望著下面的合屋,真的很像玩具屋。

DSC_3514

於是返落去,就入左去參觀大田家,入面竟是這樣。

DSC_3562

DSC_3578
DSC_3587

白川鄉入面唯一一間(其實仲有一間係停車場附近)有開的餐廳,其他大部分都沒有開門,可能唔係旺季,所以整條村應該都無咩人。

DSC_3602

旁邊有間美術館,完全無咩人,但依間睇落好多層。

DSC_3608

白川鄉其實唔大,兩三個小時都已經行完。之後就等濃飛巴士 14:25 由白川開往 高山 15:25的班次。

2. 高山

高山住了一間溫泉酒店,(高山グリーンホテル)高山Green Hotel,景觀不錯。

高山

我見到jalan評分幾高,又多人評價,最重要係六千yen包早晚餐同浸溫泉,正呀!

不過可能間酒店開左好耐,同尋日果間酒店一樣有收音機,好耐無見過。

酒店

由於間酒店算大,入面有個飛驒物產館和商店街,有好多手信買,食得的同唔食的都有。

P_20160317_173749
P_20160317_173936

好多飛驒公仔,我都買左個綠色(細個)。

飛驒

其實都幾大,同埋無咩人,閣樓仲有野玩= =

P_20160317_180011

原本好期待的飛騂牛晚餐

餐單,但我唔係咁睇得明,上菜個次序唔太一樣。

P_20160317_180924

餐前小食

DSC_3622

依個好特別,蕎麥麵壽司

P_20160317_181829

P_20160317_181824

依個係湯

P_20160317_181427

主角,飛驒牛,但份量唔多,下面多是菜和豆腐

DSC_3628

甜品

DSC_3630

餐飯同樣無之前黑川溫泉果次好味,再加上服務一般,唔似上次可以係房食。

食完飯,就去左浸溫泉,有兩個,一個係本陣大浴殿,其實都幾多人,入面有室內室外,環境一般。

始終鍾意黑川果種傳統溫泉。浸完溫泉就最好配返個牛奶同雪糕。

P_20160317_180358

      P_20160317_213011   P_20160317_214309